“Ko koe, Petelehemi Efalata, . . . ʼe haʼu anai mai ia koe ia ia ʼae ka pule maʼaku ʼi Iselaele.”

Mikea 5:2

“ ʼI te ʼosi tupu ʼa Sesu ʼi Petelehemi ʼi Sutea, ʼi te temi ʼo te hau ko Helote, neʼe ʼomai he kau masi mai te potu Esite ki Selusalemi.”

Mateo 2:1

“ ʼE natou vaevae ʼoku mutuʼi meʼa, pea mo natou toho ke natou iloʼi pe ko ai ʼae ka ina maʼu toku kofu.”

Pesalemo 22:18

“ ʼI te kua tutuki e te kau solia ia Sesu ki te pou, neʼe natou toʼo ʼona kofu tuʼa pea natou vae fa . . . Kae ko te kofu loto neʼe tuitahi, mai ʼoluga ki lalo. Koia, neʼe natou feuiʼaki: ‘ ʼAua naʼa tou hae, kae ke tou toho ke tou iloʼi pe ko ai ʼae ka ina maʼu.’ ”

Soane 19:23, 24

“ ʼE ina taupau ʼona hui fuli, pea neʼe mole pe la fasi hona hui ʼe tahi.”

Pesalemo 34:20

“ ʼI tanatou fakaovi age kia Sesu, neʼe natou sisio neʼe kua mate ia, koia neʼe mole natou fasifasiʼi ai ʼona vaʼe.”

Soane 19:33

“Neʼe hukiʼi ia ia ʼuhi ko ʼatatou agahala.”

Esaia 53:5

“Neʼe hukiʼi tona faʼahi vakavaka e te tahi ʼi te kau solia ʼaki tana tao, pea ʼi te moʼi temi pe ʼaia, neʼe hali mai ai te toto mo te vai.”

Soane 19:34

“Neʼe natou li mai ai toku totogi: neʼe ko foʼi piesi siliva ʼe 30.”

Sakalia 11:12, 13

“Pea neʼe alu ki te kau pelepitelo pule ia te tahi ʼi te toko Hogofulu-ma-lua, ʼae neʼe higoa ko Sutasi Isekaliote, pea neʼe ina ui age: ‘Kotea ʼae ka kotou foaki mai anai ke au tuku atu ia ia?’ Neʼe natou tukuʼaki kia foʼi piesi siliva ʼe 30.”

Mateo 26:14, 15; 27:5