FEHUʼI 5
Kotea Te Logo ʼo Te Tohi-Tapu?
“ ʼE au tuku anai he fehiʼa ia koe mo te fafine pea ʼi tou hakoga mo tona hakoga. ʼE ina malaki anai tou ʼulu pea ʼe ke taʼi anai ia ia ʼi tona mulivaʼe.”
“ ʼE tapuakina anai te ʼu puleʼaga fuli ʼo te kele ʼaki tou hakoga, he neʼe ke fakalogo ki toku leʼo.”
“Ke hoko mai tou Puleʼaga. Ke fai tou finegalo ʼi te kele ohage ko selo.”
“Pea ko te ʼAtua ʼae ʼe ina foaki te tokalelei, kua ovi mai pe tana haga ʼae ʼo moloki ia Satana ʼi ʼokotou lalo vaʼe.”
“Ka ʼosi tuku age anai ia meʼa fuli kia te ia, pea ʼe fakalogo anai te ʼAlo kia Ia ʼae neʼe ina tuku age ia meʼa fuli, ke liliu ai te ʼAtua ko meʼa fuli maʼa te hahaʼi fuli.”
“Pea neʼe fai te ʼu fakapapau kia Apalahamo pea mo tona hakoga . . . , ʼae ko Kilisito. Pea kapau ʼe kotou kaugana kia Kilisito, ʼe ko koutou moʼoni te hakoga ʼo Apalahamo.”
“Kua pule ki te malamanei ia te Puleʼaga ʼo totatou ʼAliki pea mo tana Kilisito, pea ʼe ʼafio anai ʼo talu ai.”
“Koia neʼe li ifo ai te talakone lahi, te gata ʼafeā, ia ia ʼae ʼe higoa ko te Tevolo mo Satana, ʼae ʼe ina fakaheʼi te kele katoa. Neʼe li ifo ia ia ki te kele mo ʼana ʼaselo.”
“Neʼe ina puke te talakone, te gata ʼafeā, ia ia ʼae ʼe ko te Tevolo mo Satana, pea neʼe ina haʼi ia ia kia taʼu ʼe 1 000.”