Hili te taʼu 4026 I.M.T.S.

ʼE fakafihiʼi e “te gata” te nofo ʼae ʼa Sehova mo te pule pea mo tana faʼahiga fakahoko ia te pule ʼaia. ʼE fakapapau e Sehova ʼe ina fakatupu anai he “hakoga,” ka ina moloki ki ʼamuli te gata, ia Satana. (Senesi 3:1-5, 15) Kae ʼe tuku e Sehova he temi ke pule te tagata ʼaki te fakaneke ʼa te gata.

1943 I.M.T.S.

ʼE tala age e Sehova kia Apalahamo ʼe hifo anai mai ia ia te “hakoga” ʼae neʼe fakapapauʼi.—Senesi 22:18.

Hili te taʼu 1070 I.M.T.S.

ʼE fakapapau e Sehova ki te Hau ko Tavite pea ki muli age ki tona foha ko Salomone, ʼe hifo anai mai tonā famili ia te “hakoga” ʼae neʼe fakapapauʼi.—2 Samuele 7:12, 16; 1 Hau 9:3-5; Esaia 9:6, 7.

29 H.T.S.

ʼE fakaha e Sehova ʼe ko Sesu te “hakoga” ʼae neʼe fakapapauʼi pea ʼe ko ia ʼae ka ina maʼu ia te hekaʼaga fakahau ʼo Tavite.—Kalate 3:16; Luka 1:31-33; 3:21, 22.

 33 H.T.S.

Ko Satana te gata, ʼe ina taʼi fakatemi ia te “hakoga” ʼae neʼe fakapapauʼi, ʼaki tana matehi ia Sesu. ʼE fakatuʼuake e Sehova ia Sesu ki selo pea mo ina tali ia te maʼuhiga ʼo tona maʼuli haohaoa. Koia ʼe feala ai ke fakamolemole te ʼu agahala mo foaki te maʼuli heʼe gata ki te hakoga ʼo Atama.—Senesi 3:15; Gaue 2:32-36; 1 Kolonito 15:21, 22.

Teitei 1914 H.T.S.

ʼE kapu e Sesu te gata, ia Satana, ki te kele, ke nofo ai ʼi he kiʼi temi nounou.—Fakaha 12:7-9, 12.

ʼI te ka haʼu

ʼE pilisoniʼi e Sesu ia Satana lolotoga taʼu ʼe 1 000 pea ʼe ina fakaʼauha leva, ko te fakaʼuhiga ʼaia ʼo tana moloki te gata ʼi tona ʼulu. ʼE hoko ia te fakatuʼutuʼu ʼa Sehova ʼae ʼi te kamata ʼo ʼuhiga mo te kele pea mo te tagata. ʼE fakamaʼa tona huafa mai te ʼu tukugakovi hala pea ʼe fakalakatonuʼi tana faʼahiga fakahoko ʼo tana pule.—Fakaha 20:1-3, 10; 21:3, 4.