ʼUluaki Koloniko 25:1-31
-
Te kau faimaholo mo te kau hiva ʼo te fale ʼo te ʼAtua (1-31)
25 Tahi ʼae meʼa, neʼe vaheʼi kehe e Tavite pea mo te ʼu pule ʼo te ʼu gaue ʼo te fale lotu he ʼu foha ʼo Asafe, mo he ʼu foha ʼo Emani pea mo he ʼu foha ʼo Setutune.+ Neʼe tonu ke natou ta he ʼu alepa, mo he ʼu simepale+ mo he tahi age ʼu meʼa faimaholo+ moʼo fakavikiviki ki te ʼAtua pea mo faifakakikite. Koʼeni te ʼu higoa ʼo te ʼu tagata ʼae neʼe hinoʼi ki te gaue ʼaia:
2 ʼI te ʼu foha ʼo Asafe neʼe ko Sakule, mo Sosefo, mo Netania pea mo Asalela. Neʼe fakalogo te ʼu foha ʼo Asafe ki te takitaki ʼa Asafe, ʼae neʼe faifakakikite ʼo mulimuli ki te takitaki ʼa te hau.
3 Ko te ʼu foha ʼo Setutune+ ko Ketalia, mo Teseli, mo Iesaia, mo Simei, mo Asapea pea mo Matitia.+ Neʼe natou toko ono. Neʼe natou fakalogo ki te takitaki ʼo tanatou tamai ko Setutune, ʼae neʼe faifakakikite ʼaki te alepa, ʼo fakafetaʼi pea mo fakavikiviki kia Sehova.+
4 Ko te ʼu foha ʼo Emani+ ko Pukisa, mo Matania, mo Usiele, mo Sepuele, mo Selimote, mo Hanania, mo Hanani, mo Eliate, mo Kitaleti, mo Lomati-esele, mo Sokepekasa, mo Maloti, mo Otile pea mo Makasiote.
5 Ko te ʼu tagata fuli ʼaia neʼe ko te ʼu foha ʼo Emani, ʼae neʼe ina fakaha ki te hau te ʼu meʼa ʼae neʼe ha pea neʼe maʼu ai te ʼu logo mai te ʼAtua moʼoni ke fakakololiaʼi ai ia ia.* Koia neʼe foaki ai e te ʼAtua moʼoni kia Emani ʼona foha ʼe toko 14 pea mo ʼona ʼofafine ʼe toko 3.
6 Neʼe fakalogo ia natou fuli ʼaia ki te takitaki ʼo tanatou tamai ʼo ʼuhiga mo te hiva ʼae ʼi te fale ʼo Sehova ʼaki he ʼu simepale, mo he ʼu alepa pea mo he tahi age ʼu meʼa faimaholo.+ Neʼe ko tanatou gaue ʼaia ʼi te fale ʼo te ʼAtua moʼoni.
Neʼe fakalogo ia Asafe, mo Setutune pea mo Emani ki te takitaki ʼa te hau.
7 Ko natou ʼaia mo ʼonatou tehina neʼe natou toko 288. Neʼe ko he kau hiva faiva fuli he neʼe akoʼi natou ke natou hiva kia Sehova.
8 Koia, neʼe natou fai ai ni toho+ ke hinoʼi age ʼanatou gaue. Neʼe fai tatau ki ʼae neʼe veliveli ʼo feia mo ia ʼae neʼe lahi, pea ki ʼae neʼe faiva ʼo feia mo ia ʼae neʼe kei akoako.
9 Neʼe to te ʼuluaki toho kia Sosefo+ te foha ʼo Asafe, ko te lua kia Ketalia+ (ko ia mo ʼona tehina mo ʼona foha neʼe natou toko 12),
10 ko te tolu kia Sakule,+ mo ʼona foha mo ʼona tehina neʼe natou toko 12,
11 ko te fa kia Siteseli, mo ʼona foha mo ʼona tehina neʼe natou toko 12,
12 ko te nima kia Netania,+ mo ʼona foha mo ʼona tehina neʼe natou toko 12,
13 ko te ono kia Pukisa, mo ʼona foha mo ʼona tehina neʼe natou toko 12,
14 ko te fitu kia Sesaleela, mo ʼona foha mo ʼona tehina neʼe natou toko 12,
15 ko te valu kia Iesaia, mo ʼona foha mo ʼona tehina neʼe natou toko 12,
16 ko te hiva kia Matania, mo ʼona foha mo ʼona tehina neʼe natou toko 12,
17 ko te hogofulu kia Simei, mo ʼona foha mo ʼona tehina neʼe natou toko 12,
18 ko te 11 kia Asaleele, mo ʼona foha mo ʼona tehina neʼe natou toko 12,
19 ko te 12 kia Asapea, mo ʼona foha mo ʼona tehina neʼe natou toko 12,
20 ko te 13 kia Supaele,+ mo ʼona foha mo ʼona tehina neʼe natou toko 12,
21 ko te 14 kia Matitia, mo ʼona foha mo ʼona tehina neʼe natou toko 12,
22 ko te 15 kia Selemote, mo ʼona foha mo ʼona tehina neʼe natou toko 12,
23 ko te 16 kia Hanania, mo ʼona foha mo ʼona tehina neʼe natou toko 12,
24 ko te 17 kia Sokepekasa, mo ʼona foha mo ʼona tehina neʼe natou toko 12,
25 ko te 18 kia Hanani, mo ʼona foha mo ʼona tehina neʼe natou toko 12,
26 ko te 19 kia Maloti, mo ʼona foha mo ʼona tehina neʼe natou toko 12,
27 ko te 20 kia Eliate, mo ʼona foha mo ʼona tehina neʼe natou toko 12,
28 ko te 21 kia Otile, mo ʼona foha mo ʼona tehina neʼe natou toko 12,
29 ko te 22 kia Kitaleti,+ mo ʼona foha mo ʼona tehina neʼe natou toko 12,
30 ko te 23 kia Makasiote,+ mo ʼona foha mo ʼona tehina neʼe natou toko 12,
31 pea ko te 24 kia Lomati-esele,+ mo ʼona foha mo ʼona tehina neʼe natou toko 12.
Nota
^ Hep. “ke hiki ake ai tana tala.” Vakaʼi te kupu “Tala” ʼi Te ʼu Kupu.
