ʼUluaki Koloniko 4:1-43
4 Ko te ʼu foha ʼo Suta neʼe ko Pelesi,+ mo Eselone,+ mo Kalemi, mo Ulu+ pea mo Sopale.+
2 Ko Leasa, te foha ʼo Sopale, ko te tamai ʼa Sakate. Ko Sakate ko te tamai ʼa Asumai pea mo Laate. Ko te ʼu famili ʼaia ʼo te kau Tesole.+
3 Koʼeni te ʼu foha ʼo te tamai* ʼa Etami:+ Ko Siseleele, mo Sikema pea mo Sitepase (pea neʼe higoa tonatou tokolua ko Ateseleleponi),
4 pea ko Penuele ko te tamai ʼa Ketoli, pea ko Esele ko te tamai ʼa Husa. Neʼe ko te ʼu foha ʼaia ʼo Ulu,+ te ʼuluaki tama ʼa Efalata pea ko te tamai ʼa Petelehemi.+
5 Neʼe maʼu e Akesule,+ te tamai ʼa Tekoa,+ ʼona ʼohoana ʼe toko lua, ko Elea pea mo Naala.
6 Neʼe fanauʼi e Naala ia Akusame, mo Hefele, mo Temeni pea mo Akasetali. Neʼe ko te ʼu tama ʼaia ʼa Naala.
7 Pea ko te ʼu tama ʼa Elea neʼe ko Teselete, mo Siteseale pea mo Etane.
8 Ko Kotese ko te tamai ʼa Anupe, mo Tesopepa pea mo te ʼu famili ʼo Asalesele, te foha ʼo Alume.
9 Ko Saepete neʼe fakaʼapaʼapaʼi lahi age ia ʼi ʼona tehina. Neʼe fakahigoaʼi e tana faʼe ko Saepete,* he neʼe ina ui: “Neʼe au fanauʼi ia ia ʼi te mamahi.”
10 Neʼe pauʼi e Saepete ia te ʼAtua ʼo Iselaele, ʼo ina ui: “ ʼOfa pe ke ke tapuakiʼi au, mo ke fakalahi toku fenua, mo tokoni mai pea mo puipui au mai te malaʼia, ke mole hoko mai kia au he meʼa ʼe kovi!” Pea neʼe tali ai e te ʼAtua tana kole.
11 Ko Kelupe, te tehina ʼo Susa, ko te tamai ʼa Mesile, te tamai ʼa Esetone.
12 Ko Esetone ko te tamai ʼa Pete-lafa, mo Paseake pea mo Tekina, te tamai ʼa Ile-nakase. Ko te ʼu tagata ʼaia mai Leaka.
13 Pea ko te ʼu foha ʼo Kenasi neʼe ko Oteniele+ pea mo Selasa, pea ko te* foha ʼo Oteniele neʼe ko Atate.
14 Ko Meonotai ko te tamai ʼa Ofala. Ko Selasa ko te tamai ʼa Soape, te tamai ʼa te hahaʼi ʼo Kelasimi,* pea neʼe fakahigoaʼi feia te potu fenua ʼaia he neʼe ko he kau tufuga.
15 Ko te ʼu foha ʼo Kalepo,+ te foha ʼo Sefune, neʼe ko Ilu, mo Ela pea mo Naame. Pea ko te* foha ʼo Ela neʼe ko Kenasi.
16 Ko te ʼu foha ʼo Seleleele neʼe ko Sife, mo Sifa, mo Tilesa pea mo Asalele.
17 Ko te ʼu foha ʼo Esela neʼe ko Setele, mo Meleto, mo Efele pea mo Salone. Neʼe fanauʼi e tona ʼohoana* ia Miliamu, mo Samai, pea mo Sikepake, te tamai ʼa Esetemoa.
18 (Pea neʼe fanauʼi e tona ʼohoana Sutea ia Seleti, te tamai ʼa Ketoli, mo Hepele te tamai ʼa Soko pea mo Sekutiele te tamai ʼa Sanoaki.) Ko te ʼu tama ʼaia ʼa Pitesa, te ʼofafine ʼo Falaone, ʼae neʼe ʼohoana mo Meleto.
19 Ko te ʼu tama ʼa te ʼohoana ʼo Otisa, te tokolua ʼo Nakame, neʼe ko te ʼu tamai ʼa Keila, te tagata Kalime pea mo Esetemoa, te tagata Maakate.
20 Ko te ʼu foha ʼo Simone neʼe ko Amenone, mo Lina, mo Pene-anane pea mo Tilone. Pea ko te ʼu foha ʼo Sisei neʼe ko Sokete pea mo Pene-sokete.
21 Ko te ʼu foha ʼo Sila,+ te foha ʼo Suta, neʼe ko Ele te tamai ʼa Leka, mo Laeta te tamai ʼa Malesea pea mo te ʼu famili ʼae neʼe natou faʼu te ʼu kie lelei, mai te hologa ʼo Asipea,
22 mo Sokimi, mo te ʼu tagata mai Kosepa, mo Soasi, mo Salafe, ʼae neʼe natou ʼohoana mo he ʼu fafine Moape pea mo Sakupi-lekemi. Ko te ʼu higoa ʼaia neʼe tohi mai te temi muʼa.*
23 Neʼe ko te hahaʼi faʼu ipu kele pea neʼe maʼuʼuli ʼi Netaime mo Ketela. Neʼe natou maʼuʼuli ʼi ai pea mo gaue maʼa te hau.
24 Ko te ʼu foha ʼo Simeone+ neʼe ko Nemuele, mo Samine, mo Salipe, mo Sela pea mo Saule.+
25 Ko Saule ko te tamai ʼa Salume, ko Salume ko te tamai ʼa Mipesame pea ko Mipesame ko te tamai ʼa Misima.
26 Pea ko te ʼu foha ʼo Misima neʼe ko Amuele, mo Sakule pea mo Simei.
27 Neʼe maʼu e Simei ʼona foha ʼe toko 16 pea mo ʼona ʼofafine ʼe toko 6. Kae neʼe mole lahi te ʼu foha ʼae neʼe maʼu e ʼona tehina, pea neʼe mole he famili ʼi ʼonatou famili neʼe kaugamalie age ʼi te ʼu famili ʼo Suta.+
28 Neʼe natou nonofo ʼi Pele-sepa,+ mo Molata,+ mo Hatesale-suale,+
29 mo Pila, mo Esemi,+ mo Tolate,
30 mo Petuele,+ mo Holema,+ mo Tesikelake,+
31 mo Pete-malekapoti, mo Hatesale-susime,+ mo Pete-pilei pea mo Saalaimi. Neʼe natou maʼuʼuli ʼi te ʼu kolo ʼaia, ʼo kaku ki te pule ʼa Tavite.
32 Neʼe natou toe nonofo foki ʼi Etami, mo Aine, mo Limoni, mo Tokene pea mo Asani,+ ko te ʼu kolo ʼe nima,
33 mo ʼonatou kolo liliki ʼi te ʼu tafaʼaki ʼo te ʼu kolo ʼaia ʼo kaku ki Paale. Neʼe ko te ʼu higoa ʼaia neʼe tuʼu ʼi ʼanatou tohi hako pea neʼe ko te ʼu koga meʼa ʼaia neʼe natou nonofo ai.
34 Koʼeni te ʼu higoa ʼo te ʼu pule famili: Ko Mesopape, mo Sameleke, mo Sosa te foha ʼo Amatesia,
35 mo Soele, mo Seu te foha ʼo Sokipea, te foha ʼo Selasa, te foha ʼo Asiele,
36 pea mo Elioenai, mo Saakopa, mo Sekosasa, mo Asaia, mo Atiele, mo Sesimiele, mo Penaia,
37 mo Sesia te foha ʼo Sifei, te foha ʼo Aloni, te foha ʼo Setasa, te foha ʼo Simeli, te foha ʼo Semaea.
38 Ko te ʼu tagata ʼaia neʼe ko te ʼu pule ʼo ʼonatou famili, pea neʼe liliu ʼo kaugamalie te ʼu famili ʼo ʼanatou kui.
39 Pea neʼe natou olo ki te huʼaga ʼo Ketoli, ki te potu esite ʼo te potu fenua laulelei, ʼo kumi ai he ʼu koga meʼa lunaʼia maʼa ʼanatou faga manu.
40 Neʼe natou maʼu leva he ʼu koga meʼa lunaʼia mo lelei. Neʼe laulahi te fenua, mo tokalelei mo fimalie. ʼI muʼa atu, neʼe ko te kau Kami+ ʼae neʼe maʼuʼuli ʼi ai.
41 Neʼe ʼomai ia natou ʼae ʼe tohi ʼonatou higoa ki te fenua ʼaia lolotoga te pule ʼa Esekiasi+ te Hau ʼo Suta. Neʼe natou maumauʼi te ʼu fale la ʼa te kau Kami mo matehi te kau Meunime ʼae neʼe maʼuʼuli ʼi ai. Neʼe natou tamateʼi te hahaʼi fuli ʼaia, ʼo natou pulinoa ai ʼo kaku mai ki te ʼaho nei. Neʼe natou nonofo ai leva he neʼe ʼi ai te ʼu koga meʼa lunaʼia ʼo ʼanatou faga manu.
42 Neʼe olo ʼihi kau Simeone, ko ni tagata ʼe toko 500, ki te Moʼuga ʼo Seili+ pea neʼe takitaki natou e te ʼu foha ʼo Sisei, ʼae ko Pelatia, mo Nealia, mo Lefasa pea mo Usiele.
43 Neʼe natou matehi te toe ʼo te kau Amaleke+ ʼae neʼe hao, pea natou nonofo ai leva ʼo kaku mai ki te ʼaho nei.
Nota
^ Ko ʼihi higoa ʼi te kapite ʼaeni ʼe feala ke fakaʼuhiga ki he ʼu koga meʼa kae mole ko ni hahaʼi. ʼI te ʼu aluʼaga ʼaia, ko te kupu “tamai” ʼe lagi ko tona fakaʼuhiga “ia ia ʼae neʼe ina fakatuʼu te kolo.”
^ Ko te higoa ʼae ko Saepete ʼe lagi ʼi ai hona pikipikiga mo te kupu Fakahepeleo, ʼae ko tona fakaʼuhiga “mamahi.”
^ Hep. “te ʼu.”
^ Ko tona fakaʼuhiga “Potu Fenua ʼo Te Kau Tufuga.”
^ Hep. “te ʼu.”
^ ʼE lagi fakaʼuhiga kia Pitesa, ʼae ʼi te vaega 18.
^ Peʼe “ ʼE ko te ʼu folafola ʼaia ʼe haʼu mai te talatisio ʼafeā.”
