ʼUluaki Koloniko 7:1-40
7 Pea ko te ʼu foha ʼo Isakale neʼe ko Tola, mo Pua, mo Sasupe pea mo Similone.+ Neʼe natou toko fa.
2 Pea ko te ʼu foha ʼo Tola neʼe ko Usi, mo Lefasa, mo Seliele, mo Sakemai, mo Sipesame pea mo Simuele, te ʼu pule ʼo ʼonatou famili. Neʼe kau ʼi te hologa ʼo Tola ni tagata tau malolohi, pea neʼe natou toko 22 600 ʼi te temi ʼo Tavite.
3 Pea ko te hologa* ʼo Usi neʼe ko Siselakia pea mo te ʼu foha ʼo Siselakia: ko Mikaele, mo Apetiasi, mo Soele pea mo Sisekia. Ko te ʼu tagata fuli ʼaia ʼe toko nima neʼe ko te ʼu pule.
4 Pea ʼi te mulimuli ki te tohi hako ʼo te ʼu pule famili ʼaia, neʼe ʼi ai te ʼu tagata solia ʼi tonatou hologa ʼe toko 36 000 neʼe tokalelei ki te tau. Neʼe lahi ʼonatou ʼohoana pea mo ʼonatou foha.
5 Pea ko ʼonatou tehina ʼi te ʼu famili fuli ʼo Isakale neʼe ko te ʼu tagata tau malolohi, pea neʼe ko te toko 87 000 neʼe tuʼu ʼi te tohi hako.+
6 Ko te ʼu foha ʼo Pesamino+ neʼe ko Pela,+ mo Pekeli+ pea mo Setiaele.+ Neʼe natou toko tolu.
7 Pea ko te ʼu foha ʼo Pela neʼe ko Eseponi, mo Usi, mo Usiele, mo Selimote pea mo Ili. Neʼe natou toko nima, pea neʼe ko he ʼu pule famili mo he ʼu tagata tau malolohi. ʼI te tohi hako, neʼe natou toko 22 034.+
8 Ko te ʼu foha ʼo Pekeli neʼe ko Semila, mo Soasi, mo Eliesele, mo Elioenai, mo Omeli, mo Selemote, mo Apisa, mo Anatote pea mo Alemete. Ko natou fuli ʼaia neʼe ko te ʼu foha ʼo Pekeli.
9 Pea ʼi te mulimuli ki te tohi hako ʼo te ʼu pule famili ʼaia, neʼe ʼi ai te ʼu tagata tau malolohi ʼe toko 20 200 ʼi tonatou hologa.
10 Pea ko te ʼu foha ʼo Setiaele+ neʼe ko Pilane pea ko te ʼu foha ʼo Pilane neʼe ko Seuse, mo Pesamino, mo Euti, mo Kenaana, mo Setane, mo Talesisi pea mo Asisasa.
11 Pea ʼi te mulimuli ki te tohi hako ʼo te ʼu pule famili ʼaia, neʼe ʼi ai te ʼu tagata tau malolohi ʼe toko 17 200 ʼi te hologa ʼo Setiaele, neʼe kua tokalelei ke natou olo ki te tau mo te foʼi kautau.
12 Ko te kau Supime mo te kau Upime* neʼe ko te ʼu foha ʼo Ile,+ pea ko te kau Usime neʼe ko te ʼu foha ʼo Akele.
13 Ko te ʼu foha ʼo Nefetali+ neʼe ko Satesiele, mo Kuni, mo Setesele pea mo Salume. Neʼe ko te hologa ʼaia ʼo* Pila.+
14 Ko te ʼu foha ʼo Manase+ neʼe ko Aseliele, ʼae neʼe fanauʼi e tana fafine Silia. (Neʼe ina fanauʼi ia Makile,+ te tamai ʼa Kileate.
15 Neʼe filifili e Makile he ʼu ʼohoana ʼo Upime mo Supime, pea neʼe higoa tona tokolua ko Maaka.) Neʼe higoa tona lua foha ko Selofati,+ kae neʼe maʼu pe e Selofati ʼona ʼofafine.+
16 Neʼe fanauʼi leva e Maaka, te ʼohoana ʼo Makile, he tama pea neʼe ina fakahigoaʼi ko Pelese. Neʼe higoa tona tehina ko Silese, pea ko ʼona foha neʼe ko Ulame mo Lekeme.
17 Pea ko te* foha ʼo Ulame neʼe ko Petane. Neʼe ko te ʼu foha ʼaia ʼo Kileate, te foha ʼo Makile, te foha ʼo Manase.
18 Pea ko tona tokolua neʼe ko Amoleketa. Neʼe ina fanauʼi ia Isote, mo Apiesele pea mo Masela.
19 Pea ko te ʼu foha ʼo Semita neʼe ko Akiane, mo Sekemi, mo Likesi pea mo Aniame.
20 Ko te ʼu foha ʼo Efalaimi+ neʼe ko Sutela,+ pea ko Sutela ko te tamai ʼa Peleti, ko Peleti ko te tamai ʼa Taati, ko Taati ko te tamai ʼa Eleata, ko Eleata ko te tamai ʼa Taati,
21 ko Taati ko te tamai ʼa Sapati, ko Sapati ko te tamai ʼa Sutela. Pea ko te tahi ʼu foha ʼo Efalaimi neʼe ko Esele mo Eleate. Neʼe matehi e te ʼu tagata ʼo Kiete+ ʼae neʼe nonofo ʼi te fenua ia te ʼu foha ʼo Efalaimi koteʼuhi neʼe natou toʼo tanatou faga manu.
22 Neʼe putu ia Efalaimi tanatou tamai lolotoga ni tuʼuga ʼaho, pea neʼe ʼomai ʼona tehina ʼo fakalotofimalieʼi ia ia.
23 Hili ʼaia, neʼe momoe mo tona ʼohoana. Neʼe faitama leva tona ʼohoana pea neʼe ina fanauʼi he tamasiʼi tagata. Kae neʼe fakahigoaʼi e Efalaimi ia te tamasiʼi ko Pelia,* koteʼuhi neʼe fanauʼi e tona ʼohoana ʼi te temi ʼae neʼe hoko ai te malaʼia ki tona famili.
24 Pea ko tona ʼofafine neʼe ko Seela, ʼae neʼe ina laga ia Pete-oloni ʼi Lalo+ mo Pete-oloni ʼi ʼOluga+ pea mo Usele-sela.
25 Ko Lefake mo Lesefe neʼe ko te hologa ʼo Efalaimi. Pea ko Lesefe ko te tamai ʼa Telake, ko Telake ko te tamai ʼa Taani,
26 ko Taani ko te tamai ʼa Laetane, ko Laetane ko te tamai ʼa Amiute, ko Amiute ko te tamai ʼa Elisama,
27 ko Elisama ko te tamai ʼa Nune pea ko Nune ko te tamai ʼa Sosue.*+
28 Ko te ʼu koga meʼa ʼae neʼe nonofo ai te hologa ʼo Efalaimi neʼe ko Petele+ mo te ʼu kolo liliki ʼi ʼona tafaʼaki, mo Naalani ʼi te potu esite, mo Kesele mo te ʼu kolo liliki ʼi ʼona tafaʼaki ʼi te potu uesite, mo Sekemi mo te ʼu kolo liliki ʼi ʼona tafaʼaki ʼo kaku ki Aia* mo te ʼu kolo liliki ʼi ʼona tafaʼaki.
29 Pea neʼe ovi ki te fenua ʼo te hologa ʼo Manase, ia Pete-seani+ mo te ʼu kolo liliki ʼi ʼona tafaʼaki, mo Taanake+ mo te ʼu kolo liliki ʼi ʼona tafaʼaki, mo Mekito+ mo te ʼu kolo liliki ʼi ʼona tafaʼaki pea mo Tole+ mo te ʼu kolo liliki ʼi ʼona tafaʼaki. Neʼe maʼuʼuli ʼi te ʼu kolo ʼaia ia te hologa ʼo Sosefo, te foha ʼo Iselaele.
30 Ko te ʼu foha ʼo Asele neʼe ko Imina, mo Siseva, mo Sisevi mo Pelia+ pea ko tonatou tokolua neʼe ko Selate.+
31 Ko te ʼu foha ʼo Pelia neʼe ko Hepele mo Malikiele, ʼae neʼe ko te tamai ʼa Pilesavite.
32 Ko Hepele ko te tamai ʼa Safeleti, mo Somele mo Otame, pea mo Sua tonatou tokolua.
33 Ko te ʼu foha ʼo Safeleti neʼe ko Pasake, mo Pimale pea mo Asevate. Neʼe ko te ʼu foha ʼaia ʼo Safeleti.
34 Ko te ʼu foha ʼo Samele* neʼe ko Asi, mo Loeka, mo Seupa pea mo Alame.
35 Ko te ʼu foha ʼo Elemi,* tona tehina, neʼe ko Tesofase, mo Imena, mo Selese pea mo Amale.
36 Ko te ʼu foha ʼo Tesofase neʼe ko Suali, mo Alenefe, mo Suale, mo Peli, mo Simela,
37 mo Petesele, mo Ote, mo Sama, mo Silesa, mo Sitilane pea mo Peela.
38 Ko te ʼu foha ʼo Setele neʼe ko Sefune, mo Pisepa pea mo Ala.
39 Pea ko te ʼu foha ʼo Ula neʼe ko Alase, mo Aniele pea mo Litesa.
40 Ko natou fuli ʼaia neʼe ko te ʼu foha ʼo Asele, neʼe ko he ʼu pule famili, mo he ʼu tagata neʼe filifili, mo malolohi ʼi te tau, ko he ʼu pule neʼe maʼuhiga ʼaupito ʼi te ʼu pule ʼo te foʼi kautau. Pea neʼe natou maʼu he ʼu tagata ʼe toko 26 000+ neʼe feala ke olo ki te tau, ʼo mulimuli ki tonatou tohi hako.+
Nota
^ Hep. “te ʼu foha.”
^ Peʼe “Ko Supime mo Upime.”
^ Hep. “te ʼu tama ʼaia ʼa.”
^ Hep. “te ʼu.”
^ Ko tona fakaʼuhiga “ ʼI Te Malaʼia.”
^ Peʼe “Seosua,” ko tona fakaʼuhiga “Ko Sehova ʼe Ina Haofaki.”
^ Peʼe lagi “Kasa,” kae mole ko te kolo ko Kasa ʼae ʼi Filisitini.
^ ʼE toe higoa foki ko Somele ʼi te vaega 32.
^ ʼE lagi ko Otame ʼae ʼi te vaega 32.
