Taʼaga Lea 5:1-23
5 Siʼoku foha, tokagaʼi toku poto!
Fakalogo lelei ki te meʼa ʼae ʼe au akoʼi atu ʼo ʼuhiga mo te fakasiosio tonu,+
2 Ke feala ai ke ke taupau tou fealagia fakakaukau,Pea ke alu tahi tuʼumaʼu ʼau palalau mo te ʼatamai malama.+
3 ʼE huʼa malie te ʼu laugutu ʼo te fafine faiaga* ohage ko te meli,+Pea ʼe lave lelei age ia ʼi te lolo.+
4 Kae ki muli age, ko te fafine ʼaia ʼe kona ohage ko te apiseneto,*+Pea ʼe hage ia ko he heleta matalua ʼe masila.+
5 ʼE hifo ʼona vaʼe ki te mate.
ʼE alu fakahagatonu ʼona lakaʼaga ki te Faitoka.*
6 ʼE mole tokaga tuʼa tahi ia ki te ala ʼo te maʼuli.
ʼE taka ʼi he mo he, kae ʼe mole ina iloʼi pe kotea te fua ʼo tana aga.
7 Siʼoku foha, ʼi te temi nei, fakalogo mai,ʼAua naʼa ke liʼaki ʼaku palalau.
8 Fakamamaʼo mai ai,ʼAua naʼa ke fakaovi ki te huʼaga ʼo tona ʼapi,+
9 Ke mole ʼulihi ai tou matagafua e niʼihi,+Pea ke mole ke mamahi ai ʼi ni taʼu,+
10 Ke mole maumauʼi e niʼihi ʼou koloa,+Pea ke mole maʼu e te matapule te ʼu koloa ʼae neʼe ke gaue kinakina ki ai,
11 Kapau ʼe mole ke fai te faʼahi ʼaia, ʼe ke lauga anai ʼi te fakaʼosi ʼo tou maʼuli,Moka puli tou malohi mo vaivai ai tou sino,+
12 Pea ʼe ke ui anai: “Oie, neʼe au fehiʼa ki te fakatonutonu!
Oie, neʼe au meʼa noaʼi te valoki!
13 Neʼe mole au fakalogo ki te leʼo ʼo ʼoku faiako,Pea neʼe mole au tokagaʼi ʼaku tagata faitokoni.
14 Kua vave hoko mai toku malaʼiaIa muʼa ʼo he kaugamalie kua fakatahitahi.”+
15 Inu te vai ʼo tou tane vai,Pea mo te vai malie ʼo tou vai keli.+
16 He koʼe ʼe hali anai ki tuʼa ʼou matapuna vai,Pea mo ʼou vai tafe ki te ʼu malaʼe lalahi ʼo te kolo?+
17 Ke maʼu pe e koe tokotahi,ʼAua naʼa ke vaevae mo niʼihi.+
18 Ke tapuakina tou matapuna vai,Pea ke ke fiafia mo te ʼohoana ʼo tou temi tupulaga,+
19 Te tia fafine ʼofaina mo te tao taulekaleka ʼo te ʼu moʼuga.+
Ke ke fiafia tuʼumaʼu ʼi tona sino.
Pea ke ke fiafia hoholo ʼi tona ʼofa.+
20 Siʼoku foha, he koʼe ʼe ke fiafia anai mo he fafine faiaga,*Peʼe ke faʼufua ki he fafine ʼe ina fai ni aga heʼe ʼaoga?*+
21 ʼE sio ia Sehova ki te ʼu ala ʼo te tagata,Pea ʼe ina sivisivi ʼona ala fuli.+
22 ʼE to te agakovi ki te hele ʼuhi pe ko ʼana hala,Pea ʼe hage anai ʼe haʼisia ʼuhi ko ʼana agahala.+
23 ʼE mate anai he neʼe mole ina tokagaʼi te fakatonutonu,Pea ʼe hehe anai ʼuhi ko te lahi ʼo tana agavale.
Nota
^ Hep. “matapule.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
^ Vakaʼi Te ʼu Kupu.
^ Vakaʼi Te ʼu Kupu.
^ Hep. “matapule.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
^ Hep. “ ʼae ʼe mole iloʼi.” ʼE lagi ko he fafine neʼe fakamamaʼo mai te ʼu pelesepeto ʼa te ʼAtua.
