Taʼaga Lea 9:1-18
9 Neʼe laga e te poto moʼoni tona ʼapi,Neʼe ina togi ʼona pou ʼe fitu.
2 Neʼe ina teuteuʼi lelei tana moʼi pipi,Neʼe ina huʼi tana vino,Pea neʼe ina fakatoka tona laupapa.
3 Neʼe ina fekauʼi ʼana fafine faifekauKi te ʼu potu maʼoluga ʼo te kolo ke natou kalaga ai:+
4 “Hahaʼi ʼae ʼe hoko tui, kotou ʼomai ki heni.”
ʼE ina ui kia natou ʼae ʼe mole aga fakapotopoto:
5 “Kotou ʼomai ʼo kai taku panePea mo inu taku vino ʼae neʼe au huʼi.
6 Tuku la takotou hoko tui pea ʼe kotou maʼuʼuli ai anai.+Kotou maʼuʼuli ʼo mulimuli ki te ʼatamai ʼae kua kotou maʼu.”+
7 Ko ia ʼae ʼe ina akonakiʼi he tahi ʼe vava ʼe fakalainoaʼi anai,+Pea ko ia ʼae ʼe ina fakatonutonuʼi he tahi ʼe agakovi ʼe mamahi anai.
8 ʼAua naʼa ke fakatonutonuʼi he tahi ʼe vava he ʼe fehiʼa anai kia koe.+
Fakatonutonuʼi he poto pea ʼe ʼofa anai ia kia koe.+
9 Vaevae mo he poto pea ʼe toe poto age anai.+
Akoʼi he tahi ʼe faitotonu pea ʼe toe ʼatamai age anai.
10 Ko te kamataʼaga ʼo te poto ʼe ko te manavasiʼi kia Sehova,+Pea ko te iloʼi ʼo te ʼAtua Maʼoniʼoni+ ʼe ko te ʼatamai ʼaia.
11 ʼE lahi anai ʼou ʼaho ʼuhi ko te poto,+Pea ʼe ke maʼuli fualoa anai.
12 Kapau ʼe ke poto, ʼe ke maʼu anai ʼona fua lelei.Kapau ʼe ke vava, ʼe ke utu tokotahi pe anai ʼona fua kovi.
13 Ko te fafine agavale ʼe logoaʼa,+
ʼE vale ia pea ʼe mole ina iloʼi he meʼa.
14 ʼE heka ʼi te huʼaga ʼo tona ʼapi,ʼI he hekaʼaga, ʼi te ʼu potu maʼoluga ʼo te kolo,+
15 ʼO kalaga ai kia natou ʼae ʼe fakalaka,Kia natou ʼae ʼe olo fakahagatonu ʼi te ala:
16 “Hahaʼi ʼae ʼe hoko tui, kotou ʼomai ki heni.”
ʼE ina ui kia natou ʼae ʼe mole aga fakapotopoto:+
17 “ ʼE malie te vai ʼae ʼe kaihaʼa,Pea ʼe kano lelei te meʼa kai ʼae ʼe kai fakafufu.”+
18 Kae ʼe mole natou iloʼi ko te potu ʼaia ʼe nonofo ai ia natou ʼae ʼe mole kei honatou malohi ʼi te mate,Ko te kau fakaafe ʼa te fafine ʼaia ʼe natou nonofo ʼi te ʼu potu loloto ʼo te Faitoka.*+
Nota
^ Vakaʼi Te ʼu Kupu.
