Esaia 35:1-10
35 ʼE fakafiafia anai te toafa mo te fenua kele magemage.+ʼE fiafia anai te potu toafa pea ʼe fisi anai ohage ko te safalani.+
2 ʼE fisi moʼoni anai ia.+ʼE fiafia anai mo kalaga fakafiafia.
ʼE foaki age anai ki ai te kololia ʼo Lipane,+Mo te taulekaleka ʼo Kalemelo+ mo Salona.+
ʼE kita sio anai ki te kololia ʼo Sehova, te taulekaleka ʼo totatou ʼAtua.
3 Kotou fakamalohiʼi te ʼu nima ʼae ʼe vaivai,Mo te ʼu tuli ʼae ʼe tete.+
4 Ui age kia natou ʼae ʼe tuʼania:
“Kotou malolohi, ʼaua naʼa kotou matataku.
Koʼeni, ʼe haʼu anai tokotou ʼAtua mo te lagavaka,ʼE haʼu anai tokotou ʼAtua mo te fakatuʼā.+
ʼE haʼu anai ʼo ina haofaki koutou.”+
5 ʼI te temi ʼaia, ʼe ava anai te ʼu mata ʼo te kau kivi+Mo te ʼu taliga ʼo te kau tuli.+
6 ʼI te temi ʼaia, ʼe hopohopo fakafiafia anai te ketu ohage ko te tia,+Pea ʼe kalaga fakafiafia anai te ʼalelo mate.+
ʼE mapuna ake anai ni vai mai te toafa,Mo ni vai tafe mai te potu toafa.
7 ʼE liliu anai te kele magemage ko he vai ʼe maʼuli ai ni kaho,Mo te kele moamoa ko ni matapuna vai.+
ʼE homo anai te luna, mo te ʼu kaho, mo te ʼu papilusiʼI te ʼu maloloʼaga ʼo te ʼu kuli vao.+
8 ʼE maʼu ai anai he ala lahi,+ʼEi, he ala ʼe fakahigoaʼi anai ko te Ala ʼo Te Maʼoniʼoni.
ʼE mole fakalaka ai anai he tahi ʼe heʼe maʼa.+
ʼE fakalaka pe ia natou ʼae neʼe fakagafua age,ʼE mole haʼele ai anai he vale.
9 ʼI te ala ʼaia, ʼe mole maʼu ai anai he laionePeʼe ko ni manu kaikai ʼo te vao.
ʼE mole kita fetaulaki anai mo natou.+Ko natou pe ʼae neʼe totogi ka haʼele ai.+
10 ʼE toe liliu mai anai mo feulufi ʼi te fiafia ki Sione ia natou ʼae neʼe totogi e Sehova.+
ʼE hage anai tonatou fiafia ko he pale ʼi ʼonatou ʼulu.+
ʼE natou lotofiafia anai,ʼE pulihi anai te lotomamahi mo te lauga.+
