Esaia 51:1-23
51 “Kotou fakalogo mai kia te au, ia koutou ʼae ʼe kotou fakahoko te faitotonu,Ia koutou ʼae ʼe kotou kumi ia Sehova.
Kotou haga ki te ʼutu ʼae neʼe toli mai ai koutouMo te keliʼaga maka ʼae neʼe toʼo mai ai koutou.
2 Kotou haga kia Apalahamo takotou tamai,Pea mo Sala+ ʼae neʼe ina fanauʼi koutou.
Neʼe tokotahi ʼi te temi ʼae neʼe au pauʼi ai,+Pea neʼe au tapuakiʼi ia ia mo fakahahaʼi tona hologa.+
3 ʼE fakapelepeleʼi anai e Sehova ia Sione.+
ʼE ina fakapelepeleʼi anai ʼona maumau fuli,+ʼE ina fakaliliu anai tona toafa ohage ko te Eteni+Pea mo tona potu toafa ohage ko te ʼoloto ʼo Sehova.+
ʼE maʼu ai anai te fiafia,Mo te fakafetaʼi pea mo te hiva mālie.+
4 Siʼaku hahaʼi, kotou fakalogo lelei mai,Siʼoku puleʼaga, kotou tokagaʼi te meʼa ʼae ʼe au fakaha atu.+
ʼE au fai anai he lao,+Pea ʼe au fakahoko anai taku faitotonu ohage ko he malama ki te hahaʼi.+
5 Kua fakaovi mai taku faitotonu.+
ʼE au haofaki anai ia koutou,+Pea ʼe fakamauʼi anai e ʼoku nima te hahaʼi.+
ʼE falala anai te ʼu motu kia te au+Mo talitali ki toku nima.*
6 Kotou hiki ʼokotou mata ki te lagi,Pea kotou sisio ki lalo ki te kele.
ʼE mavetevete anai te lagi ohage ko he kohu,ʼE popo anai te kele ohage ko he teu,Mo mamate te hahaʼi ohage ko ni lago.
Kae ʼe heʼe gata anai taku haofaki,+Pea ʼe mole gata anai taku faitotonu ʼi he temi.+
7 Kotou fakalogo mai kia te au, ia koutou ʼae ʼe kotou iloʼi te meʼa ʼae ʼe totonu,Taku hahaʼi ʼae ʼe ina maʼu taku lao* ʼi tona loto.+
ʼAua naʼa kotou matataku ʼi te ʼu fakaneke ʼa te tagata,ʼAua naʼa kotou tekelili ʼi ʼanatou laukovi.
8 ʼE kai anai natou e te ʼu kiʼi manu ohage ko he teu,Mo kaina* ohage ko he fuluʼi ovi.+
Kae ʼe tuʼu anai ʼo heʼe gata taku faitotonu,Pea ʼe kaku anai taku fakamaʼuli ki te ʼu taʼiake fuli.”+
9 Ke ʼala ake, ke ʼala ake, ke malohiTe nima ʼo Sehova!+
Ke ʼala ake ohage ko te ʼu ʼaho ʼo te temi muʼa, ohage ko te ʼu temi ʼo te ʼu taʼiake kua hili.
Neʼe mole ko koe koa la ʼae neʼe ke maumauʼi ia Laape,*+ʼAe neʼe ke hukiʼi te manu lahi ʼo te tai?+
10 Neʼe mole ko koe koa la ʼae neʼe ke fakamoamoa te tai, te ʼu vai loloto?+
Neʼe mole ko koe koa la ʼae neʼe ke fetogi te ʼu potu loloto ʼo te tai ko he ala ke feala ke fakalaka ai ia natou ʼae neʼe totogi?+
11 ʼE toe liliu mai anai ia natou ʼae neʼe totogi e Sehova.+
ʼE natou feulufi anai ki Sione mo kalaga fakafiafia,+ʼE hage anai tonatou fiafia ko he pale ʼi ʼonatou ʼulu ʼo talu ai.+
ʼE natou fakafiafia lahi anai,Pea ʼe puli anai te mamahi mo te ʼu lauga.+
12 “Ko au ʼae ʼe au fakapelepeleʼi koutou.+
He koʼe ʼe ke mataku anai ki te tagata ʼae ka mate,+Ki te foha ʼo te tagata ʼae ʼe fefe anai ohage ko te luna?
13 He koʼe ʼe ke galoʼi ia Sehova, ia Ia ʼae neʼe ina fakatupu koe,+Ia Ia ʼae neʼe ina folahi te lagi+ mo fakatuʼu te ʼu fakatafito ʼo te kele?
ʼI te ʼaho katoa, neʼe ke mataku tuʼumaʼu ki te ita ʼo te fili,Ohage la ʼe feala ke ina pulihi koe.
Kae ʼi te temi nei, ʼe ʼifea te ita ʼo te fili?
14 Kua vave haofaki ia ia ʼae ʼe mapelu ʼi te ʼu seini.+ʼE mole mate anai ia mo alu ki te luo,Pea ʼe mole hala ia mo he moʼi pane.
15 Ko au ia Sehova tou ʼAtua,ʼE au fakahou te tai mo ʼona peau.+Ko toku huafa ko Sehova ʼo te ʼatu kautau.+
16 ʼE au tuku anai ʼaku folafola ki tou gutu,ʼE au ʼaofi anai koe ʼi te malu ʼo toku nima,+Moʼo fakatuʼu te lagi mo te ʼu fakatafito ʼo te kele+Pea mo ui ki Sione: ‘Ko koe taku hahaʼi.’+
17 ʼAla ake, ʼala ake! Siʼi Selusalemi, tuʼu ake la,+Ia koe ʼae neʼe ke inu te ipu ʼo te hauhau ʼae neʼe foaki atu e Sehova!
Neʼe ke inu te ipu,Neʼe ke inu ʼo ʼago te ipu ʼae neʼe feala ke ke siʼia ai.+
18 ʼI te ʼu tama fuli ʼae neʼe ina fua, neʼe mole pe la he tahi moʼona takitaki.ʼI te ʼu tama fuli ʼae neʼe ina taupau, neʼe mole pe la he tahi ke ina puke tona nima.
19 Neʼe hoko te ʼu meʼa ʼaeni ʼe lua kia koe:
Te maumau mo te kaihaʼa, te hoge mo te heleta!+
Ko ai ʼae ka ʼofa anai kia koe?
Ko ai ʼae ka ina fakapelepeleʼi anai koe?+
20 Neʼe pogigia ʼau tama.+
ʼI te ʼu magaʼi ala fuli, ʼe natou leta ʼi te keleOhage ko he ovi vao neʼe to ki he hele.
ʼE natou konahihia ʼi te hauhau ʼo Sehova, te fakatonutonu ʼo tou ʼAtua.”
21 Koia fakalelei siʼou loto, fakalogo ki te meʼa ʼaeni,Siʼi fafine lotomamahi mo konahia, kae mole ʼi te vino.
22 Koʼeni te folafola ʼo tou ʼAliki ko Sehova, tou ʼAtua ʼae ʼe ina haofaki tana hahaʼi:
“Koʼeni, ʼe au toʼo anai mai tou nima te ipu ʼae ʼe feala ke ke siʼia ai,+Te ipu ʼo toku hauhau,ʼE mole ke toe inu anai ki ai ʼi he temi.+
23 ʼE au tuku anai ki te nima ʼo natou ʼae ʼe natou fakamamahiʼi ia koe,+Ia natou ʼae neʼe natou ui: ‘Ke ke punou ke matou haʼeleʼi koe!’
Neʼe hage tou tuʼa ko te kele,Neʼe hage ko he ala ke natou haʼele ai.”
