Te ʼu Meʼa ʼAe Neʼe Fakaha Kia Soane 7:1-17
7 Hili ia, neʼe au sio ki te ʼu ʼaselo ʼe toko fa ʼe natou tutuʼu ʼi te ʼu potu taupotu ʼe fa ʼo te kele, ʼe natou taʼofi te ʼu matagi ʼe fa ʼo te kele, ke ʼaua naʼa agi he matagi ki te kele, peʼe ki te tai, peʼe ki he fuʼu ʼakau.
2 Pea neʼe au sio ki te tahi ʼaselo ʼe haʼu mai te hopoʼaga ʼo te laʼa,* ʼe ina puke he meʼa neʼe foaki age e te ʼAtua maʼuli moʼo fakailoga ʼaki te hahaʼi. Pea neʼe kalaga ʼaki he leʼo lahi ki te ʼu ʼaselo ʼe toko fa ʼae neʼe fakagafua age ke natou fai he meʼa ʼe kovi ki te kele mo te tai,
3 ʼo ina ui: “ ʼAua naʼa kotou fai he meʼa ʼe kovi ki te kele, peʼe ki te tai, peʼe ki te ʼu fuʼu ʼakau, ʼo kaku ki tamatou kua ʼosi fakailoga+ te ʼu kaugana ʼo totatou ʼAtua ʼi ʼonatou laʼe.”+
4 Pea neʼe au logo ki te kaugamalie ʼo natou ʼae neʼe fakailoga, neʼe ko te toko 144 000,+ pea neʼe fakailoga natou mai te ʼu telepi fuli ʼo te ʼu foha ʼo Iselaele:+
5 Mai te telepi ʼo Suta, ko te toko 12 000 ʼae neʼe fakailoga,mai te telepi ʼo Lupeni, ko te toko 12 000,mai te telepi ʼo Kate, ko te toko 12 000,
6 mai te telepi ʼo Asele, ko te toko 12 000,mai te telepi ʼo Nefetali, ko te toko 12 000,mai te telepi ʼo Manase,+ ko te toko 12 000,
7 mai te telepi ʼo Simeone, ko te toko 12 000,mai te telepi ʼo Levi, ko te toko 12 000,mai te telepi ʼo Isakale, ko te toko 12 000,
8 mai te telepi ʼo Sepulone, ko te toko 12 000,mai te telepi ʼo Sosefo, ko te toko 12 000,mai te telepi ʼo Pesamino, ko te toko 12 000 ʼae neʼe fakailoga.
9 Hili ia, neʼe au sio, pea koʼeni he toe hahaʼi tokolahi, neʼe mole feala ke lau e he tahi, mai te ʼu puleʼaga fuli, mo te ʼu telepi fuli, mo te ʼu lanu fuli pea mo te ʼu lea fuli,+ ʼe natou tutuʼu ia muʼa ʼo te hekaʼaga fakahau pea ia muʼa ʼo te Akeno, neʼe natou tui he ʼu teu loloa hina+ pea neʼe ʼi ai ni vaʼa palema ʼi ʼonatou nima.+
10 Pea ʼe natou haga kalaga leʼo lahi, ʼo natou ui: “ ʼE haʼu totatou haofaki mai totatou ʼAtua, ʼae ʼe heka ʼi te hekaʼaga fakahau,+ pea mai te Akeno.”+
11 Neʼe takatakai e te ʼu ʼaselo fuli te hekaʼaga fakahau, mo te ʼu tagata ʼafeā+ pea mo te ʼu kelupimi ʼe toko fa, pea neʼe natou tulolo ia muʼa ʼo te hekaʼaga fakahau pea mo natou atolasio ki te ʼAtua,
12 ʼo natou ui: “Ameni! Ke maʼu e totatou ʼAtua te fakavikiviki, mo te kololia, mo te poto, mo te fakafetaʼi, mo te fakaʼapaʼapa, mo te mafimafi pea mo te malohi ʼo talu ai.+ Ameni.”
13 Pea neʼe fehuʼi mai e te tahi ʼo te ʼu tagata ʼafeā: “Ko ai ia natou ʼaeni ʼe natou tui te ʼu teu loloa hina,+ pea ʼe natou ʼomai koa maifea?”
14 Neʼe au tali atu aipe ki ai: “Toku ʼaliki, ʼe ko koe ʼae ʼe ke iloʼi.” Pea neʼe ina ui mai: “ ʼE ʼomai ia natou ʼaeni mai te toe mamahi lahi,+ pea neʼe natou fo ʼonatou teu loloa pea mo fakahihina ʼi te taʼataʼa ʼo te Akeno.+
15 Ko te tupuʼaga la ʼaia ʼo tanatou tutuʼu ia muʼa ʼo te hekaʼaga fakahau ʼo te ʼAtua, pea ʼe natou foaki kia te ia he tauhi taputapu ʼi te ʼaho mo te po ʼi tona fale lotu, pea ko Ia ʼae ʼe heka ʼi te hekaʼaga fakahau+ ʼe ina fakamalumaluʼi anai natou ʼi tona fale la.+
16 ʼE mole natou toe fia kakai anai peʼe fia iinu, ʼe mole natou logoʼi anai te momofi ʼo te laʼa peʼe te kovi ʼo te vevela,+
17 koteʼuhi ko te Akeno,+ ʼae ʼe ʼi te lotomalie ʼo te hekaʼaga fakahau, ʼe ina taki anai natou ohage ko he tagata tauhi ovi+ ki te ʼu matapuna vai ʼo te maʼuli.+ Pea ʼe holoholoʼi anai e te ʼAtua te ʼu loʼimata fuli ʼi ʼonatou mata.”+
Nota
^ Peʼe “potu esite.”
