Oseo 5:1-15
-
Ko te fakamauʼi ʼo Efalaimi mo Suta (1-15)
5 “ ʼU pelepitelo, kotou fakalogo mai ki te meʼa ʼaeni!+Hahaʼi ʼo Iselaele, kotou tokakaga!Hahaʼi ʼo te fale hau, kotou fagono mai!ʼE fakamauʼi anai koutou.Kua kotou liliu ko he hele ʼi Misipa,Pea mo Tapole.+
2 Neʼe kovi ʼosi te faifakapo ʼa te kau agatuʼu,*Pea ʼe au fakatokaga age kia natou fuli.*
3 ʼE au iloʼi ia Efalaimi,Pea ʼe mole ʼūgia ia Iselaele kia te au.
ʼI te temi nei Efalaimi, kua ke momoe mo ni hahaʼi tokolahi.*Kua heʼe maʼa ia Iselaele.+
4 ʼE mole feala ke natou toe liliu mai ki tonatou ʼAtua, ʼuhi ko ʼanatou aga,He ʼe natou holi pe ki te faiaga.*+Pea ʼe mole natou tokagaʼi ia Sehova.
5 ʼE ha lelei te fiameʼalahi ʼa Iselaele pea ʼe fua kovi pe kia ia totonu.+Neʼe tukia ia Iselaele mo Efalaimi ʼuhi pe ko ʼanā lakahala,Pea kua tukia ia Suta fakatahi mo naua.+
6 Neʼe natou olo ʼo kumi ia Sehova mo ʼanatou faga ovi pea mo ʼanatou faga pipi,Kae neʼe mole natou maʼu.
Neʼe kua fakamamaʼo ia mai ia natou.+
7 Neʼe natou kakaʼi ia Sehova,+He neʼe natou maʼu ʼonatou foha mo ni fafine matapule.*
Koia ʼe pulihi anai natou ʼi he mahina pe ʼe tahi, ʼo feia mo ʼonatou kele.*
8 Kotou pupuhi te fakatagi pupuhi+ ʼi Kipease, pea mo Lama!+
Kotou fai he kalaga tau ʼi Pete-aveni!+ Pesamino, ʼe matou muliʼi ia koe!
9 Efalaimi, ʼe matataku anai te hahaʼi ʼi tanatou sisio kia koe ʼi te ʼaho ʼo te tautea.+
Neʼe au fakaha ki te ʼu telepi ʼo Iselaele te meʼa ʼae ka hoko moʼoni anai.
10 ʼE hage te ʼu ʼaliki ʼo Suta ko ni hahaʼi ʼe natou hiki te tuʼakoi ʼo he moʼi kele.+
ʼE to anai toku hauhau kia natou ohage ko he vai.
11 ʼE fakamamahiʼi ia Efalaimi, pea ʼe tonu pe tona fakalainoaʼi,He neʼe ina fakatotonu ke ina muliʼi tona fili.+
12 Koia neʼe au tauʼi ia Efalaimi ohage ko te kai e he kiʼi manu he ʼu papa ʼo kaina ai,Pea neʼe au maumauʼi ia Suta ohage ko he koga ʼakau kua popo.
13 Neʼe sio leva ia Efalaimi ki tona mahaki, pea mo Suta ki tona mataʼi papala.Neʼe alu ai ia Efalaimi ki Asilia,+ pea neʼe ina fekauʼi he ʼu tagata ʼave logo ke olo ki he hau lahi.
Kae neʼe mole feala ki te hau ʼaia ke ina fakamalolo koutou.Pea neʼe mole feala ke ina faitoʼo tokotou mataʼi papala.
14 ʼE au hage anai kia Efalaimi ko he laione kei mui,Pea mo he laione malohi ki te hahaʼi ʼo Suta.
ʼEi, ʼe au hae anai natou pea ʼe au alu leva.+ʼE au ʼave anai ia natou, pea ʼe mole feala anai ke haofaki natou e he tahi.+
15 ʼE au mavae anai, pea mo toe liliu ki toku nofoʼaga, ʼo aʼu ki tanatou tali te ʼu fua kovi ʼo ʼanatou agahala.ʼE natou kumi anai toku ʼofa.*+
ʼE natou kumi anai au, moka natou mamahi.”+
Nota
^ Peʼe “aposita.”
^ Peʼe “fakatonutonuʼi ia natou fuli.”
^ Peʼe “fai he aga heʼe ʼaoga,” peʼe “faiaga.”
^ Peʼe “fai ʼo he aga heʼe ʼaoga,” peʼe “ke natou momoe mo ni hahaʼi tokolahi.”
^ Hep. “foha matapule.”
^ Peʼe “gaueʼaga.”
^ Hep. “fofoga.”
