Pesalemo 10:1-18
ל [Lameta]
10 Sehova e, he koʼe ʼe ke tuʼu mamaʼo?
He koʼe ʼe ke nono ʼi te temi mamahi?+
2 ʼE tuli e te tagata agakovi mo fiameʼalahi ia ia ʼae ʼe gaohi koviʼi,+Kae ʼe fua kovi pe anai kia ia ʼana fakatuʼutuʼu kaka.+
3 ʼE fiameʼameʼa te agakovi ʼuhi ko ʼona holi,+Pea ʼe ina vikiʼi ia ia ʼae ʼe manumanū.*נ [Nuna]ʼE mole fakaʼapaʼapa kia Sehova.
4 ʼI tona fiameʼalahi, ʼe mole kumi e te agakovi te ʼAtua,ʼE manatu pe ia ʼe mole he ʼAtua.+
5 ʼE lava lelei ia meʼa fuli ʼae ʼe ina fakahoko,+Kae ʼe mole mahino ia ki ʼau fakamau,+ʼE ina meʼa noaʼi ʼona fili fuli.
6 ʼE ina ui ʼi tona loto: “ ʼE mole au tukia anai ʼi he temi.ʼE mole hoko anai he malaʼia kia au,Mai he taʼiake ki he tahi taʼiake.”+
פ [Pe]
7 ʼE fonu tona gutu ko te faitutuku, mo te loi, pea mo te fakamataku.+ʼI tona ʼalelo, ʼe ko te malaʼia mo te meʼa ʼae ʼe fakatupu mamahi.+
8 ʼE nono ʼo ovi ki te ʼu kiʼi kolo, ʼo talitali ke ina ʼohofi he tahi.ʼI tona nonoʼaga, ʼe ina faigaʼi ke ina matehi ia ia ʼae neʼe mole ina fai he meʼa ʼe kovi.+
ע [Aini]
ʼE ina lamalama ia ia ʼae ʼe fakaʼofaʼofa.+
9 ʼE talitali ʼi tona nonoʼaga ohage ko he laione ʼi tona ʼana.*+
ʼE talitali ke ina puke ia ia ʼae ʼe gaohi koviʼi.
ʼE ina puke moka to ki tana hele.+
10 Kua laliki ia ia pea ʼe liʼaki ki te kele.ʼE ina puke te kau fakaʼofaʼofa ʼi ʼona pasikuku.
11 ʼE ina ui ʼi tona loto: “Kua galoʼi e te ʼAtua.+
Neʼe haga kehe tona fofoga.
ʼE mole ina tokagaʼi he meʼa ʼi he temi.”+
ק [Kofi]
12 Sehova e, tuʼu ake!+ ʼAtua e, fakaha mai tou malohi.+
ʼAua naʼa ke galoʼi ia natou ʼae ʼe gaohi koviʼi.+
13 He koʼe ʼe mole fakaʼapaʼapa te agakovi ki te ʼAtua?
ʼE ina ui ʼi tona loto: “ ʼE mole ke ui anai ʼe ko haku hala.”
ר [Lesa]
14 Kae ʼe ke sio tonu ki te malaʼia mo te mamahi.
ʼE ke sio ki ai pea ʼe ke fai ni puleʼaki.+
ʼE haga atu kia te koe ia ia ʼae ʼe fakaʼofaʼofa.+Ko koe ʼae ʼe tokoni kia ia ʼae ʼe hala mo tamai.+
ש [Sini]
15 Fasiʼi te nima ʼo te tagata agakovi.+Koia ka ke kumi la tana agakovi,ʼE kua puli ia.
16 Ko Sehova ko te Hau ʼo talu ai.+
Kua pulihi te ʼu puleʼaga ʼi te kele.+
ת [Tau]
17 Sehova e, ʼe ke logo anai ki te kole ʼa te kau agavaivai!+
ʼE ke fakalotomalohiʼi anai natou+ pea ʼe ke fagono anai kia natou.+
18 ʼE ke fakahoko anai te faitotonu ki te ʼu fanau hala mo tamai mo natou ʼae ʼe mafasia,+Ke mole toe fakamatakuʼi ia natou e te tagata.+
