Pesalemo 103:1-22
Pesalemo ʼa Tavite.
103 ʼE au fia vikiʼi ia Sehova.Ke au vikiʼi tona huafa taputapu mo toku loto katoa.
2 ʼE au fia vikiʼi ia Sehova.ʼE mole au fia galoʼi ʼi he temi ia meʼa fuli ʼae neʼe ina fai.+
3 ʼE ina fakamolemole ʼau agahala fuli,+ʼE ina fakamalolo ʼou mamahi fuli,+
4 ʼE ina haofaki tou maʼuli mai te luo,*+ʼE ina fakapale koe ʼaki tona ʼofa agatonu mo tona manavaʼofa.+
5 ʼE ina fakafimalieʼi koe ʼaki ni meʼa lelei+ ʼi tou maʼuli katoa,Ke ke toe tupulaga ai ohage ko he akuila.+
6 ʼE agatonu mo faitotonu ia Sehova+Kia natou fuli ʼae ʼe gaohi koviʼi.+
7 Neʼe ina fakaha ʼona ala kia Moisese,+Mo ʼana gaue ki te ʼu foha ʼo Iselaele.+
8 ʼE manavaʼofa ia Sehova,+Mo tuai ʼi te ita pea mo fonu ʼi te ʼofa agatonu.+
9 ʼE mole ina valokiʼi tuʼumaʼu ia tatou+Pea mo nofo ita ʼo talu ai.+
10 ʼE mole ina fakatuʼā tatou ʼo mulimuli ki ʼatatou agahala,+Pea ʼe mole ina liufaki mai te meʼa ʼae ʼe tuha mo ʼatatou hala.+
11 Ohage pe ko te maʼoluga age ʼo te lagi ʼi te kele,ʼE toe feia pe mo te lahi ʼo tona ʼofa agatonu kia natou ʼae ʼe manavasiʼi kia te ia.+
12 Ohage pe ko te mamaʼo ʼo te hopoʼaga ʼo te laʼa mai tona toʼaga,ʼE feia tana fakamamaʼo ʼatatou agahala mai ia tatou.+
13 Ohage pe ko te manavaʼofa ʼa he tamai ki ʼona foha,ʼE toe manavaʼofa mo Sehova kia natou ʼae ʼe manavasiʼi kia te ia.+
14 ʼE ina iloʼi lelei pe totatou faʼahiga faʼu,+ʼE ina manatuʼi ʼe tou efu.+
15 ʼE hage pe te ʼu ʼaho ʼo te tagata ko te luna,+Pea ʼe hage ko he fisiʼi teu ʼo te vao,+
16 Pea agi te matagi ʼo puli ai,Ohage ia neʼe mole maʼuli.
17 Kae ʼe heʼe gata te ʼofa agatonu ʼo Sehova*Kia natou ʼae ʼe manavasiʼi kia te ia,+Pea ʼe ina fakaha tana faitotonu ki te ʼu fanau ʼo ʼanatou fanau,+
18 Kia natou ʼae ʼe fakaʼapaʼapa ki tana fuakava,+Pea mo natou ʼae ʼe fakalogo ki ʼana fakatotonu.
19 Neʼe fakatuʼu malohi e Sehova tona hekaʼaga fakahau ʼi selo,+Pea ʼe pule kia meʼa fuli.+
20 Kotou vikiʼi ia Sehova, ia koutou fuli ʼae ko ʼana ʼaselo+ malolohi ʼaupito,Pea mo fakalogo ki tona leʼo ʼo fakahoko tana folafola.+
21 Kotou vikiʼi ia Sehova, ia koutou fuli ʼae ko ʼana kautau,+ʼAna kau faifekau ʼae ʼe natou fai tona finegalo.+
22 Kotou vikiʼi ia Sehova, ia koutou fuli ʼae neʼe ina fakatupu,ʼI te ʼu koga meʼa fuli ʼae ʼe pule ki ai.
Ke au vikiʼi ia Sehova mo toku loto katoa.
