Pesalemo 104:1-35
104 ʼE au fia vikiʼi ia Sehova.+
Sehova e, siʼoku ʼAtua, ʼe ke tauʼaluga.+
ʼE ke fonu ʼi te kololia mo te taulekaleka.+
2 ʼE ʼaofi koe e te malama+ ohage ko he teu.ʼE ke folahi te ʼatu lagi ohage ko he fale la.+
3 ʼE ina hili te ʼu lalago ʼo ʼona koga fale fata ʼi te ʼatu vai ʼae ʼi ʼoluga,+ʼE ina faʼu tana saliote ʼaki te ʼu ʼao,+Pea ʼe alu ki muʼa ʼi te ʼu pakakau ʼo te matagi.+
4 ʼE ina fakaliliu ʼana ʼaselo ko ni laumalie malolohi,Pea mo ʼana kau faifekau ko he afi kakaha.+
5 Neʼe ina fakatuʼu te kele ki ʼona fakatafito.+ʼE mole feala anai ke toʼo kehe mai ai.+
6 Neʼe ke ʼaofi ʼaki ni vai loloto ohage ko he teu.+
Neʼe nofo te ʼu vai ʼi te ʼu fuga moʼuga.
7 Neʼe feholaki ʼi tau fakatonutonuʼi.+ʼEi, neʼe feholaki matataku ʼi te ʼuʼulu ʼo te mana
8 Ki te koga meʼa ʼae neʼe ke hinoʼi ki ai,Pea neʼe tupu ake ai te ʼu moʼuga+ mo ha te ʼu potu fenua laulelei.
9 Neʼe ke fakatuʼu he tuʼakoi ke ʼaua naʼa fakalaka ai,+Pea ke mole toe ʼaofi te kele.
10 ʼE ina fakatupu he ʼu matapuna vai,ʼE tafe ʼi te vaha ʼo te ʼu moʼuga.
11 ʼE iinu ki ai te ʼu manu fuli ʼo te vao,ʼE malilie ai te ʼu asino vao.
12 ʼE nonofo te ʼu manulele ʼi te ʼu fuga vai,Pea mo tagi ʼi te ʼu vaʼa ʼo te ʼulu ʼakau.
13 ʼE ke fakavai te ʼu moʼuga mai ʼou koga fale fata.+
ʼE lahi te ʼu fua ʼo ʼau gaue ʼi te kele.+
14 ʼE ina fakahomo te luna maʼa te ʼu manu,Mo te vao ʼakau ke fakaʼaogaʼi e te tagata,+Ke maʼu ai he meʼa kai ʼi te kele:
15 Te vino ke fiafia ai te loto ʼo te tagata,+Mo te lolo ke gigila ai tona fofoga,Pea mo te pane ke lotomalohi ai.+
16 ʼE fakapala tuʼumaʼu te ʼulu ʼakau ʼa Sehova,Te ʼu fuʼu sete ʼo Lipane ʼae neʼe ina to.
17 ʼE fai ai e te ʼu manulele ʼonatou moeʼaga,
Kae ʼe fai e te motuku tona nofoʼaga+ ʼi te ʼu fuʼu senelie.
18 ʼE nofoʼi te ʼu moʼuga maʼoluga e te ʼu tao ʼo te ʼu moʼuga,+Kae ko te ʼu ʼutu ko te nofoʼaga ʼo te ʼu tamani.*+
19 Neʼe ina fakatupu te mahina moʼo fakailoga te ʼu temi.ʼE iloʼi lelei pe e te laʼa te temi ʼae ke to ai.+
20 ʼE ke fakamalu te afiafi pea to ai te poʼuli,+Ko te temi fealuʼaki ʼaia ʼo te ʼu manu fuli ʼo te vao matuʼa.
21 ʼE gugulu te ʼu laione ʼae kei mui ʼi tanatou kumi tanatou meʼa kai,+Mo kole tanatou meʼa kai ki te ʼAtua.+
22 Ka hopo te laʼa,ʼE natou olo ki ʼonatou nofoʼaga ʼo momoe.
23 Kae ʼe alu te tagata ʼo gaue,Pea ʼe gaue kinakina ʼo kaku ki te afiafi.
24 Sehova e, ʼe lahi ʼaupito ʼau gaue!+
Neʼe ke fakatupu fuli ʼaki te poto.+
ʼE fonu te kele ko ʼau gaue.
25 ʼE lahi mo loloto te tai,Pea ʼe gaugaue ai ni meʼa maʼuli liliki mo lalahi ʼe mole malau.+
26 ʼE feoloʼaki ai te ʼu vaka,Mo Leviatane*+ ʼae neʼe ke fakatupu ke gaoʼi ai.
27 ʼE natou falala fuli kia te koeKe natou maʼu ai tanatou meʼa kai ʼi tona temi totonu.+
28 ʼE natou kai te meʼa ʼae ʼe ke foaki age.+
ʼE ke avahi tou nima pea ʼe natou makokona ia meʼa lelei fuli.+
29 ʼE natou hoha moka ke haga kehe mai ia natou.
ʼE natou mamate ʼo toe liliu ki te efu mo kapau ʼe ke toʼo tanatou manava.+
30 Kapau ʼe ke foaki tou laumalie, ʼe natou maʼuʼuli,+Pea ʼe ke fakafoʼou ia meʼa fuli ʼi te kele.
31 ʼE heʼe gata anai te kololia ʼo Sehova.
ʼE fiafia anai ia Sehova ʼi ʼana gaue fuli.+
32 ʼE sio ki te kele pea ʼe galulu.ʼE fāfā ki te ʼu moʼuga pea ʼe kokohu.+
33 ʼE au fia hiva kia Sehova+ ʼi toku maʼuli katoa,ʼE au fia fakavikiviki* ki toku ʼAtua ʼi toku temi maʼuli.+
34 ʼOfa pe ke ina leleiʼia ʼaku manatu.*
ʼE au fakafiafia anai ʼo ʼuhiga mo Sehova.
35 ʼE pulihi anai te kau agahala ʼi te kele,Pea ʼe mole toe maʼu anai te kau agakovi.+
ʼE au fia vikiʼi ia Sehova. ʼEi, kotou vikiʼi ia Sehova!*
Nota
^ Vakaʼi Te ʼu Kupu.
^ Peʼe “faimaholo.”
^ Peʼe lagi “ke lelei taku metitasio ʼo ʼuhiga mo ia.”
^ Peʼe “Aleluia!” ʼE maʼu ai te fakanounou ʼo te huafa ʼo Sehova.
