Pesalemo 16:1-11
Mikitame* ʼa Tavite.
16 ʼAtua e, puipui au he ʼe au nono ia te koe.+
2 Neʼe au ui kia Sehova: “Ko koe Sehova, te Matapuna ʼo ʼoku tapuakina fuli.
3 ʼE au maʼu he fiafia lahi ia natou ʼae ʼe tuha ke fakaʼapaʼapaʼi,Te kau maʼoniʼoni ʼo te kele.”+
4 Ko natou ʼae ʼe natou mulimuli ʼi te tahi ʼu ʼatua ʼe natou fakalahi ʼonatou mamahi.+
ʼE mole au liligi anai ʼi he temi ʼonatou molaga toto,Pea ʼe mole puʼaki anai e toku gutu ʼonatou higoa.+
5 Ko Sehova ʼe ko toku vahe, te vahe ʼae neʼe foaki mai,+ pea mo toku ipu.+
ʼE ke fakapapauʼi mai toku tofiʼa.
6 Neʼe fuafua maʼaku ni koga meʼa lelei.
ʼEi, ʼe au fiafia ʼi toku tofiʼa.+
7 ʼE au vikiʼi anai ia Sehova ʼae neʼe ina tokoniʼi au.+
Maʼiape la ʼi te poʼuli, ʼe fakatonutonuʼi au e ʼaku manatu loloto.+
8 ʼE au tuku tuʼumaʼu pe ia Sehova ki muʼa.+
ʼE mole au tukia anai ʼi he temi, he ʼe nofo ʼi toku faʼahi mataʼu.+
9 Koia ʼe fakafiafia toku loto. ʼE au fiafia ʼaupito.
Pea ʼe au maʼuli fimalie.
10 ʼE mole ke tuku anai au ʼi te Faitoka.*+
ʼE mole ke fakagafua anai ke tuku tau tagata agatonu ʼi te luo.*+
11 ʼE ke fakaha mai te ala ʼo te maʼuli.+
ʼE mahu te fiafia ʼi ʼou tafa.+Ko ia ʼae ʼe nofo ʼi tou toʼomataʼu, ʼe manuʼia ʼo talu ai.
