Pesalemo 80:1-19
Ki te pule ʼo te kau faimaholo. Pesalemo ʼa Asafe+ ʼo mulimuli ki te fasi ʼo te hiva “Te ʼu lilio.” Ko he fakamanatu.
80 Tagata Tauhi Ovi ʼo Iselaele, ke ke fagono mai,Ia koe ʼae ʼe ke takitaki ia Sosefo ohage ko he faga ovi.+
Ke mu tou malama,Ia koe ʼae ʼe ke ʼafio ʼi te ʼu fuga* kelupimi.+
2 Fakaha tou mafimafi+Ia muʼa ʼo Efalaimi, mo Pesamino pea mo Manase.Haʼu ʼo haofaki matou.+
3 ʼAtua e, toe fakaha mai tou manavaʼofa.+Ke inaina matou e te malama ʼo tou fofoga, ke haofaki ai matou.+
4 Sehova, ʼAtua ʼo te ʼatu kautau, ʼe kaku anai ki ʼafea tau fakafisi ki te faikole ʼo tau hahaʼi?+
5 ʼE mole ke fafaga natou ʼaki te pane kae ʼaki te ʼu loʼimata,ʼE ke fakainu lahi natou ʼaki he ʼu loʼimata.
6 ʼE ke tuku ke fekēʼaki te ʼu puleʼaga ʼae ʼi ʼomatou tafaʼaki ʼo ʼuhiga mo matou.ʼE vaʼi faʼifaʼitaliha pe matou e ʼomatou fili.+
7 ʼAtua e ʼo te ʼatu kautau, toe fakaha mai tou manavaʼofa.Ke inaina matou e te malama ʼo tou fofoga, ke haofaki ai matou.+
8 Neʼe ke toʼo mai Esipito he fuʼu vite.+
Neʼe ke kapu te ʼu puleʼaga ʼi ʼonatou fenua kae to ai te fuʼu vite ʼaia.+
9 Neʼe ke fakamaʼa he koga meʼa ki ai,Pea neʼe tauaka mo mafola ʼi te fenua katoa.+
10 Neʼe malumalu ai te ʼu moʼuga,Pea neʼe tuʼu te ʼu fuʼu sete ʼo te ʼAtua ʼi te malumalu ʼo ʼona vaʼa.
11 Neʼe kaku ʼona vaʼa ki te tai,Pea ko ʼona huli ki te Vai Tafe.*+
12 He koʼe neʼe ke holoʼi te ʼu kaupa maka ʼo te gaueʼaga vite?+ʼE toli ʼona fua e natou fuli ʼae ʼe fakalaka ovi ʼi ai.+
13 ʼE maumauʼi e te ʼu puaka ʼo te vao matuʼa,Pea ʼe kakai ki ai te ʼu manu ʼo te vao.+
14 ʼAtua e ʼo te ʼatu kautau, fakalelei siʼou loto kae ke toe liliu mai.
Sio ifo mai te lagi ki te meʼa ʼae ʼe hoko.
Tokaga ki te gaueʼaga vite ʼaeni,+
15 Ki te fuʼu vite ʼae neʼe ke to ʼaki tou nima mataʼu,+Pea ke sio ifo ki te foha* ʼae neʼe ke fakamalohiʼi maʼa koe.+
16 Kua vela te gaueʼaga vite,+ kua tuʼusi.
ʼE mamate te hahaʼi ʼuhi ko tau faifakatonutonu.
17 Ke ke lagolago ki te tagata ʼae ʼi tou toʼomataʼu,Ia te foha ʼo te tagata ʼae neʼe ke fakamalohiʼi maʼa koe.+
18 Pea ʼe mole matou toe maliu kehe anai mai ia te koe.
Haofaki ʼomatou maʼuli ke feala hamatou fetapa ki tou huafa.
19 Sehova e, ʼAtua ʼo te ʼatu kautau, toe fakaha mai tou manavaʼofa.Ke inaina matou e te malama ʼo tou fofoga, ke haofaki ai matou.+
