Pesalemo 81:1-16
Ki te pule ʼo te kau faimaholo, ʼo mulimuli ki te Kitite.* Pesalemo ʼa Asafe.+
81 Kotou kalaga fakafiafia ki te ʼAtua, totatou malohiʼaga.+
ʼEi, kotou kalaga fakafiafia ki te ʼAtua ʼo Sakopo.
2 Kotou faimaholo mo ta te nafa,Mo te alepa ʼae ʼe tagi malie pea mo te meʼa faimaholo kauʼi uka.
3 Kotou pupuhi te fakatagi pupuhi moka tuʼu afiafi te mahina,+Pea moka katoa te mahina ʼi totatou ʼaho lahi.+
4 Ko he fakatotonu ia ki Iselaele,Ko he tonu ʼa te ʼAtua ʼo Sakopo.+
5 Ko he fakamanatu neʼe ina foaki kia Sosefo+ʼI te temi ʼae neʼe Ina ʼohofi ai Esipito.+
Neʼe au logo ki he leʼo* neʼe mole kei au iloʼi, neʼe ina ui:
6 “Neʼe au toʼo te kavega mai tona fuga ʼuma,+Pea mai ʼona nima tana kato gaue.
7 Neʼe ke pauʼi mai ʼi tou temi mamahi, pea neʼe au haofaki koe,+Neʼe au tali atu mai te nofoʼaga ʼo te mana.+
Neʼe au ʼahiʼahiʼi koe ovi ki te ʼu vai ʼo Melipa.*+ (Sela)
8 Siʼaku hahaʼi, ke kotou fagono mai, pea ʼe au foaki atu anai he fakatokaga.
Hahaʼi ʼo Iselaele, ka na neʼe kotou fakalogo mai la!+
9 ʼE mole maʼu anai he ʼatua matapule io koutou,Pea ʼe mole kotou tulolo anai ki he ʼatua matapule.+
10 Ko au ia Sehova tokotou ʼAtua,ʼAe neʼe ina fakamavae koutou mai Esipito.+
Kotou avahi lahi ʼokotou gutu, pea ʼe au fafaga anai koutou ke kotou makokona.+
11 Kae neʼe mole fakalogo taku hahaʼi ki toku leʼo,Neʼe mole fia fakalogo ia Iselaele kia te au.+
12 Koia neʼe au tuku ai ke natou uigataʼa,Neʼe natou fai pe te meʼa ʼae neʼe natou loto ki ai.+
13 Ka na neʼe fakalogo mai la taku hahaʼi!+Ka na neʼe haʼele la ia Iselaele ʼi ʼoku ala!+
14 ʼE au fakamalaloʼi fakavilivili anai ʼonatou fili,ʼE au tauʼi anai ia natou ʼae ʼe fakafeagai kia natou.+
15 Ko natou ʼae ʼe fehihiʼa kia Sehova ʼe natou fakaoloolo anai ia ia,Pea ʼe tauteaʼi anai natou ʼo talu ai.
16 Kae ʼe ina fafaga anai koutou* ʼaki he fulumeto ʼe lelei tukupau+Pea ʼe ina fakamakonaʼi anai koutou ʼaki te meli ʼae ʼe hali mai te mata maka.”+
Nota
^ Vakaʼi Te ʼu Kupu.
^ Peʼe “lea.”
^ Ko tona fakaʼuhiga “Fakatupu Kē.”
^ Hep. “ia ia,” ʼe fakaʼuhiga ki te hahaʼi ʼa te ʼAtua.
