Pesalemo 82:1-8
Pesalemo ʼa Asafe.+
82 ʼE ʼafio te ʼAtua ʼi tona hekaʼaga fakahau ʼo takitaki ia natou ʼae neʼe fakatahitahi.+ʼE faifakamau ʼi te lotolotoiga ʼo te ʼu ʼatua, ʼo ina ui:+
2 “ ʼE kaku anai ki ʼafea takotou fai he ʼu fakamau ʼe mole totonu+Pea mo takotou fakapalatahi ʼo ʼuhiga mo te kau agakovi?+ (Sela)
3 Kotou puipui* ia ia ʼae ʼe veliveli mo ʼae ʼe hala mo tamai.+
Kotou faitotonu ki ʼae ʼe gaohi koviʼi mo ʼae ʼe fakaʼofaʼofa.+
4 Kotou tokoni ki ʼae ʼe veliveli mo ʼae ʼe masiva,Kotou haofaki natou mai te ʼu nima ʼo te kau agakovi.”
5 ʼE mole natou* iloʼi he meʼa, ʼe mole natou mahino ki he meʼa.+ʼE natou feoloʼaki ʼi te fakapoʼuli.Pea ʼe mole kei tuʼu malohi te ʼu fakatafito ʼo te kele.+
6 “Neʼe toe ui e te ʼAtua: ‘Ko koutou ko ni ʼatua,+Ko koutou fuli ko ni foha ʼo te Maʼoluga.
7 Kae ʼe kotou mamate anai ohage pe ko te tagata fuli,+ʼE kotou pupuli anai ohage pe ko te ʼu tama ʼaliki fuli.’ ”+
8 ʼAtua e, tuʼu ake ʼo fakamauʼi te kele,+Koteʼuhi ʼe ʼa koe te ʼu puleʼaga fuli.
