Pesalemo 85:1-13
Ki te pule ʼo te kau faimaholo. Pesalemo ʼa te ʼu foha ʼo Kole.+
85 Sehova e, neʼe ke fakaha tou ʼofa ki tou fenua.+Neʼe ke fakaliliu mai ia natou ʼo Sakopo ʼae neʼe ʼave popula.+
2 Neʼe ke fakamolemole te hala ʼo tau hahaʼi.Neʼe ke fakamolemole* ʼanatou agahala fuli.+ (Sela)
3 Neʼe ke tataʼofi tou hauhau.Neʼe ke lolomi te kovi ʼo tou ita.+
4 ʼAtua e, siʼomatou haofakiʼaga, toe fakamaʼuli matou,Pea tuku la siʼou ita kia matou.+
5 ʼE ke ita anai koa kia matou ʼo talu ai?+
ʼE hoko atu anai koa tou ita mai he taʼiake ki he tahi taʼiake?
6 ʼE mole ke toe fakamaʼuli anai koa matou,Ke fiafia ai tau hahaʼi ʼo ʼuhiga mo koe?+
7 Sehova e, fakaha mai tou ʼofa agatonu,+Pea mo haofaki matou.
8 ʼE au fia fakalogo ki te meʼa ʼae ʼe ui e te ʼAtua moʼoni ko Sehova,He ʼe palalau anai ʼo ʼuhiga mo te tokalelei ki tana hahaʼi,+ tana kau agatonu,Kae ʼaua naʼa natou falala fau kia natou totonu.+
9 ʼEi, ʼe ovi te haofaki kia natou ʼae ʼe manavasiʼi kia te ia,+Ke feala ai ke maʼu tona kololia ʼi totatou fenua.
10 ʼE felaveʼi anai te agalelei* mo te agatonu,ʼE fefaʼufuaʼaki anai te faitotonu mo te tokalelei.+
11 ʼE homo anai te agatonu mai te kele,Pea ʼe ha anai te faitotonu mai te ʼatu lagi.+
12 ʼEi, ʼe foaki mai anai e Sehova te meʼa ʼae ʼe lelei,+Pea ʼe fua anai te kele.+
13 ʼE haʼele anai te faitotonu ʼi ʼona muʼa,+Pea mo tofa anai he ala ki ʼona lakaʼaga.
