Pesalemo 90:1-17
Faikole ʼa Moisese, te tagata ʼa te ʼAtua moʼoni.+
90 Sehova e, ko koe tomatou nofoʼaga*+ mai he taʼiake ki he tahi taʼiake.
2 ʼI muʼa ʼo tau fakatupu te ʼu moʼuga,Mo te kele, ʼei, te kele maʼuli,+ʼE ke ʼAtua mai te heʼe gata ki te heʼe gata.+
3 ʼE ke fakaliliu te tagata ki te efu.ʼE ke ui: “ ʼU foha ʼo te tagata, kotou toe liliu ki te efu.”+
4 Kia koe, ko taʼu ʼe afe ʼe hage ko te ʼaho ʼo ʼanafi ʼae kua fakalaka,+ʼE hage ko ni kiʼi hola ʼi te poʼuli.
5 ʼE ke ʼave te tagata,+ pea ʼe puli ohage ko he moemisi.ʼI te uhu, ʼe hage ko te luna ʼae ʼe homo.+
6 ʼI te uhu, ʼe mātala pea ʼe tupu ake ʼo lahi,Kae ʼi te afiafi, ʼe fefe pea moamoa.+
7 ʼEi, ʼe matou pupuli ʼuhi ko tou hauhau+Pea mo matataku ʼi te kovi ʼo tou ita.
8 ʼE ke iloʼi ʼamatou hala,+ʼE ha te ʼu meʼa ʼae ʼe matou fufu ʼuhi ko te malama ʼo tou fofoga.+
9 ʼE nounou ʼomatou ʼaho* ʼuhi ko tou hauhau,Pea ʼe gata ʼomatou taʼu ohage ko he manava.
10 Ko te loaloaga ʼo tomatou maʼuli ko taʼu ʼe 70,Peʼe 80+ mo kapau ʼe makehe tomatou malohi.
Kae ʼe lahi te ʼu malaʼia mo te mamahi ʼae ʼe matou tau mo ia.ʼE fakalaka vave, pea ʼe matou pupuli ai.+
11 Ko ai ʼae ʼe feala ke ina fakafuafua tou hauhau?
ʼE lahi tatau tou hauhau mo te manavasiʼi ʼae ʼe tuha mo koe.+
12 Akoʼi matou ke matou popoto ʼi te lau ʼo ʼomatou ʼaho+Ke matou maʼu ai he aga fakapotopoto.
13 Sehova e, toe liliu mai.+ ʼE kaku anai ki ʼafea te ʼu aluʼaga ʼaia?+
Ke ke ʼofa ki ʼau kaugana.+
14 ʼI te uhu, fakaha mai tou ʼofa agatonu,+Ke feala ai hamatou kalaga fakafiafia+ pea mo fiafia ʼi tomatou maʼuli katoa.
15 Fakafiafiaʼi matou ʼo fakatatau ki te loaloaga ʼo te ʼu ʼaho ʼae neʼe ke gaohi koviʼi ai matou,+ʼO toe feia aipe mo te ʼu taʼu ʼae neʼe matou mamahi ai.+
16 Ke sisio ʼau kaugana ki ʼau gaue,Pea ke sisio ʼonatou foha ki tou taulekaleka.+
17 Ke matou maʼu te ʼofa ʼo Sehova, tomatou ʼAtua!Ke ke tokoni mai ke iku lelei te ʼu gaue ʼo ʼomatou nima,
ʼEi, tokoni mai ke iku lelei.+
