Sakalia 9:1-17
9 Koʼeni te ʼu folafola ʼa te ʼAtua:
“ ʼE ko te fakamau ʼa Sehova ki te fenua ʼo Atalake,Pea ʼe fakahagahaga ki Tamaso.+ʼEi, ʼe sio ia Sehova ki te hahaʼi+Pea mo te ʼu telepi fuli ʼo Iselaele.
2 Pea ʼe toe fakahagahaga te fakamau ki Hamate+ ʼae ʼe tuʼu ovi ki ai,*ʼO feia mo Tile+ mo Sitoni,+ ʼae ʼe nā ui ʼe nā popoto age naua.+
3 Neʼe laga e Tile he kaupa.*
Neʼe ina tanaki te siliva ohage ko te efuPea mo te aulo ohage ko te pela ʼo te ʼu ala.+
4 ʼE toʼo anai e Sehova te meʼa ʼae ʼe ina maʼu.ʼE ina maumauʼi anai tana kautau ʼo ina li ki te tai,*+Pea ʼe tutu anai te kolo ʼaia.+
5 ʼE mataku anai ia Asekaloni ʼi tana sio ki te meʼa ʼaia.ʼE logoʼi anai e Kasa he lototuʼania,ʼO feia mo Ekelone he ʼe kua fakalainoaʼi ia ia ʼae neʼe falala ki ai.
ʼE mole toe maʼu anai he hau ʼi Kasa,Pea ʼe mole toe nofoʼi anai ia Asekaloni.+
6 ʼE nofo anai he matapule ʼi Asoti,Pea ʼe au fakagata anai te fiameʼalahi ʼa te Filisitini.+
7 ʼE au toʼo anai te toto mai te gutu ʼo te FilisitiniPea mo te ʼu meʼa fakalialia ʼae ʼi ʼona nifo,Pea ko natou ʼae ka maʼuʼuli ʼe tuku anai maʼa totatou ʼAtua.ʼE liliu anai ohage ko he pule telepi ʼi Suta+Pea ʼe liliu anai ia Ekelone ohage ko he Sepusi.+
8 ʼE au tuʼu anai ʼi muʼa ʼo toku ʼapi ohage ko he tagata leʼo,+Ke ʼaua naʼa hu he tahi ki tuʼa peʼe ki loto.ʼE mole toe fakalaka ai anai he pule gaue,*+He ʼe ʼi te temi nei kua au sio mata ki te meʼa ʼaia.*
9 Taʼahine ʼo Sione, fakafiafia!
Taʼahine ʼo Selusalemi, kalaga fakafiafia!
Koʼeni, ʼe haʼu kia koe tou hau.+
ʼE faitotonu pea ʼe ina haofaki.*ʼE agavaivai+ pea ʼe heka ʼi he asino,ʼEi, he asino mui.+
10 ʼE au pulihi anai ʼi Efalaimi te ʼu saliote tauPea mo te ʼu hosi ʼi Selusalemi.
ʼE pulihi anai te ʼu nahau tau.
ʼEi, ʼe ina tala anai te tokalelei ʼi te ʼu puleʼaga.+ʼE pule anai mai he koga tai ki he tahi age koga taiPea mai te Vai Tafe* ʼo kaku ki te ʼu potu taupotu ʼo te kele.+
11 Kae kia koe fafine, ʼe au fakamavae anai ʼau tagata pilisoni mai te luo ʼae ʼe hala moʼi vai.+ʼEi, ʼe au fai anai te faʼahi ʼaia ʼuhi ko te toto ʼo te fuakava ʼae neʼe au fai mo koe.
12 Kotou toe liliu mai ki te kolo tau, kau pilisoni kua fonu ʼi te ʼamanaki!+
ʼE au ui atu ʼi te ʼaho nei:‘Fafine, ʼe au toe liufaki atu anai ni vahe ʼe lua.+
13 ʼE au fakaʼaogaʼi anai ia Suta ohage ko he nahau,
Pea ʼe au fakaʼaogaʼi anai ia Efalaimi ohage ko he kauʼi nahau.Hahaʼi ʼo Sione, ʼe au uga anai ʼou fohaKe fakafeagai ki te ʼu foha ʼo Keleka.Pea ʼe au fakaliliu anai ia koe ohage ko te heleta ʼa he tagata tau.’
14 ʼE ha anai ia Sehova ʼi ʼoluga ʼo natou,Pea ʼe fanahi anai tana kauʼi nahau ohage ko te hila.
ʼE pupuhi anai e te Tuʼi ʼAliki ko Sehova te fakatagi pupuhi,+Pea ʼe alu anai mo te ʼu afā ʼo te potu saute.
15 ʼE haofaki anai natou e Sehova ʼo te ʼatu kautau,Pea ʼe natou kakai anai mo puleʼi te ʼu maka ʼo te ʼu makamaka.+
ʼE natou iinu anai mo logoaʼa ohage ko he tahi ʼe inu vino.Pea ʼe natou fonu anai ohage ko he ipu,Ohage ko te ʼu tuliki ʼo te ʼaletale.+
16 ʼI te ʼaho ʼaia, ʼe haofaki anai natou e Sehova tonatou ʼAtua,He ʼe ko tana hahaʼi, ʼei, ʼe ko tana faga ovi.+Pea ʼe natou gigila anai ʼi tona fenua ohage ko ni maka maʼuhiga ʼo he pale.+
17 ʼI lahi leva tona agalelei!+ʼI fakaofoofo leva tona taulekaleka!
ʼE malolohi anai te kau tupulaga ʼuhi ko te meʼa kai,Pea ʼe malolohi anai te kau taʼahine ʼuhi ko te vino foʼou.”+
Nota
^ ʼE lagi fakaʼuhiga ki “te fenua ʼo Atalake,” peʼe ko “Tamaso.”
^ Peʼe “kolo tau.”
^ Peʼe lagi “ ʼE malo anai ʼi tana kautau ʼi te tai.”
^ ʼE lagi fakaʼuhiga ki te lotomamahi ʼo tana hahaʼi.
^ Peʼe “tagata ʼe pule fakamalohi.”
^ Peʼe “ ʼe malo,” peʼe “ ʼe hao.”
^ ʼE fakaʼuhiga ki te Efalate.
