Selemia 20:1-18
20 Ko Pasule te foha ʼo Imele, te pelepitelo, ia te tagata taupau pule ʼo te fale lotu ʼo Sehova, neʼe fakalogo ki te fakakikite ʼo te ʼu meʼa ʼaia e Selemia.
2 Neʼe taʼi leva e Pasule ia te polofeta ko Selemia, neʼe ina fakatuʼā ia ia+ ʼi te Matapa Maʼoluga ʼo Pesamino, ʼae neʼe tuʼu ovi ki te fale lotu ʼo Sehova. Neʼe ina fakamaʼumaʼu ʼi ni lauʼi papa.
3 Kae ʼi te ʼaho ake, ʼi te fakaʼateainaʼi e Pasule ia Selemia mai te ʼu papa ʼaia, neʼe ui age e Selemia:
“Neʼe mole fakahigoaʼi koe e Sehova ko Pasule kae ko Fakamataku ʼi Te ʼu Potu Fuli.+
4 Koʼeni te folafola ʼa Sehova: ‘ ʼE au fakaliliu anai ia koe ko he meʼa fakamataku kia koe pea mo ʼou kaumeʼa fuli. ʼE matehi anai natou e ʼonatou fili ʼaki te heleta ʼi ʼou muʼa.+ ʼE au tuku anai te hahaʼi fuli ʼo Suta ki te nima ʼo te hau ʼo Papiloni, pea ʼe ina ʼave popula anai natou ki Papiloni mo ina matehi ai natou ʼaki te heleta.+
5 ʼE au foaki anai ki ʼonatou fili te ʼu koloa fuli ʼo te kolo ʼaeni, ʼona meʼa lelei fuli, ʼona meʼa maʼuhiga fuli, pea mo te ʼu koloa fuli ʼo te ʼu hau ʼo Suta.+ Pea ʼe natou kaihaʼa anai ʼo ʼave ki Papiloni.+
6 Pea ko koe Pasule pea mo natou fuli ʼae ʼe maʼuʼuli ʼi tou loto fale, ʼe ʼave popula anai koutou. ʼE ke alu anai ki Papiloni pea ʼe ke mate ai anai. ʼE tanu anai koe ʼi ai mo ʼou kaumeʼa fuli he neʼe ke fakakikite ni loi kia natou.’ ”+
7 Sehova e, neʼe ke kakaʼi au, ʼei, neʼe kakaʼi au.
Neʼe ke fakaʼaogaʼi tou malohi ʼo fakafeagai mai kia au pea neʼe ke malohi age koe.+
ʼE manukiʼi au ʼi te ʼaho katoa,Pea ʼe vaʼi au e te hahaʼi fuli.+
8 ʼI te temi fuli ʼae ʼe au palalau ai, ʼe tonu ke au kalaga mo tala:“Agamalohi mo maumau!”
ʼE laukoviʼi mo vaʼi au ʼi te ʼaho katoa ʼuhi ko te folafola ʼa Sehova.+
9 Neʼe au ui leva: “ ʼE mole au toe palalau anai ʼo ʼuhiga mo ia,Pea ʼe mole au toe palalau anai ʼi tona huafa.”+
Kae neʼe liliu tana folafola ʼi toku loto ohage ko he afi kakaha, neʼe hage ko he afi kakaha ʼi ʼoku hui,Pea neʼe mole kei lava hona taʼofi.Neʼe mole kei feala haku nofo fakalogologo.+
10 ʼEi, neʼe lahi te ʼu palalau kovi neʼe au logo ki ai.Neʼe kua mafola te mataku ʼi te ʼu potu fuli.+
“Kotou tukugakoviʼi ia ia, ʼei, tou tukugakoviʼi ia ia!”
Ko natou fuli ʼae neʼe hage mai neʼe natou tokalelei mo au, neʼe natou lamalama ke au higa:+
“ ʼE tou malo anai ia ia mo tou lagavakaʼI te temi pe ʼae ka faihala ai.”
11 Kae neʼe nofo ia Sehova mo au ohage ko he tagata tau fakamataku.+
Koia ʼe higa anai ia natou ʼae ʼe natou fakatagaʼi au, ʼe mole natou malohi age anai natou.+
ʼE lahi anai tonatou ufiufi he ʼe to noa anai ʼanatou fakatuʼutuʼu.
ʼE fakalainoaʼi anai natou ʼo talu ai, pea ʼe mole galoʼi anai ʼi he temi.+
12 Kae ko koe Sehova ʼo te ʼatu kautau, ʼe ke sivisivi te tagata ʼae ʼe faitotonu.ʼE ke sio ki te loto pea mo te ʼu manatu loloto.+
Fakagafua mai ke au sio ki tau lagavaka kia natou+He ʼe ko koe ʼae ka ke fakamauʼi au.+
13 Kotou hiva kia Sehova! Kotou fakavikiviki kia Sehova!
Neʼe ina haofaki te masiva mai te nima ʼo te hahaʼi agakovi.
14 Ke malaʼia te ʼaho ʼae neʼe au tupu ai!
Ke mole tapuakiʼi te ʼaho ʼae neʼe fanauʼi ai au e taku faʼe!+
15 Ke malaʼia te tagata ʼae neʼe ina fakaha ki taku tamai te logo lelei ʼaeni:
“Kua ke maʼu tou foha!”
Neʼe fiafia lahi ai taku tamai.
16 Ke hage te tagata ʼaia ko te ʼu kolo ʼae neʼe maumauʼi e Sehova kae neʼe mole fakahemala ai.
Ke logo ki ni kalaga ʼi te uhu pea mo te kalaga tau ʼi te fetapa.
17 He koʼe neʼe mole matehi au ʼi taku kei nofo ʼi te fatu ʼo taku faʼe,Ke liliu ia ia ko toku fale makaPea ke nofo faitama ʼi tona maʼuli katoa?+
18 Kotea la te ʼuhiga ʼo toku fanauʼi e taku faʼe?ʼE au sio pe ki te mamahi pea mo te lotomamahiPea ʼe au fakaʼosi anai ʼoku ʼaho ʼi te ufiufi.+
