Selemia 6:1-30
6 Telepi ʼo Pesamino, ke ke hola mamaʼo mai Selusalemi ke ke hao ai!
Kotou pupuhi te fakatagi pupuhi+ ʼi Tekoa!+Kotou tutu he afi ko he fakailoga ʼi Pete-akelemi!
ʼE hoko mai he malaʼia, he toe maumau mai te potu noleto.+
2 ʼE hage te taʼahine ʼo Sione* ko he fafine finelelei mo fakaʼeteʼete.+
3 ʼE ʼomai anai te ʼu tagata tauhi ovi mo ʼanatou faga manu.
ʼE natou fakatuʼu anai ʼonatou fale la ʼi ʼona tafaʼaki.+ʼE tahi fafaga anai e te tagata tauhi manu te ʼu ovi ʼae neʼe foaki age ki ai.+
4 “Kotou teuteu ʼo tauʼi ia ia!
Tutuʼu ake, ʼe tou tauʼi anai ʼi te fetapa!”
“Malaʼia e, kua hifo te ʼaho,Pea kua fakaloloa te ʼu malu ʼo te afiafi!”
5 “Tutuʼu ake, tou tauʼi ʼi te poʼuliPea tou maumauʼi ʼona tule malohi!”+
6 Koʼeni te folafola ʼa Sehova ʼo te ʼatu kautau:
“Kotou tuʼusi te ʼakau pea kotou laga he kaupa moʼo tauʼi ʼo Selusalemi.+
ʼE tonu ke fakatuʼā te kolo ʼaia.Kua lahi te agamalohi ʼi te kolo katoa.+
7 Ohage pe ko he vai keli, ko te haʼuʼaga ia ʼo te vai mokomoko,ʼO toe feia pe mo te kolo, ko te haʼuʼaga ia ʼo te agakovi.
ʼE logo pe ki te palalauʼi ʼo te agamalohi mo te maumau.+ʼE au sio tuʼumaʼu pe ki te mahaki mo te malaʼia.
8 Selusalemi, fakalogo ki te ʼu fakatokaga, naʼa au lituʼa kia koe mo fakalialia.+Pea ʼe au fakaliliu anai koe ko he koga meʼa ʼe tuʼu lavaki, he kele ʼe mole nofoʼi.”+
9 Koʼeni te folafola ʼa Sehova ʼo te ʼatu kautau:
“ ʼE tae anai ia meʼa fuli ʼae ʼe toe ʼi Iselaele, ohage ko te tuʼusi ʼo te ʼu fuhiga vite fakaʼosi ʼo he gaueʼaga vite.
ʼE tonu anai ke ke toe tanaki ohage ko he tagata toli vite ʼi te ʼu gaueʼaga vite.”
10 “ ʼE au palalau anai kia ai? ʼE au fakatokaga anai ia ai?
Ko ai ʼae ka fakalogo mai?
Koʼeni, kua pupunu ʼonatou taliga ʼo mole feala ai ke natou tokagaʼi.+
Koʼeni, kua natou fakalialia ki te folafola ʼa Sehova,+ʼE mole natou leleiʼia.
11 Koia, kua fonu ia au te hauhau ʼo SehovaPea ʼe mole au lava taʼofi.”+
“Ke fakato ki te fanau ʼae ʼi te ala,+Ki te kau tupulaga ʼae ʼe fakatahitahi.
ʼE pilisoniʼi anai ia natou fuli, te tagata mo tona ʼohoana,Te hahaʼi tagata ʼae kua matuʼa ʼo feia pe mo te hahaʼi tagata ʼae kua matuʼa ʼosi.+
12 ʼE foaki anai ʼonatou ʼapi ki ʼihi,ʼO feia mo ʼanatou gaueʼaga pea mo ʼonatou ʼohoana,+
He ʼe au faoʼi anai toku nima moʼo fakatuʼā te hahaʼi ʼo te fenua,” ko te ui ʼaia ʼa Sehova.
13 “ ʼE maʼu fakakaka e ia ʼae ʼe malalo mo ia ʼae ʼe maʼuhiga ʼonā koloa.+ʼE agakaka te polofeta mo te pelepitelo.+
14 Pea ʼe mole natou faiga fakamalotoloto ke fakamalolo te mahaki* ʼo taku hahaʼi ʼo natou ui:‘ ʼE ʼi ai te tokalelei! ʼE ʼi ai te tokalelei!’
Kae ʼe mole maʼu te tokalelei.+
15 ʼE natou ufiufi koa ʼi te ʼu meʼa fakalialia ʼae neʼe natou fai?
Kailoa ia, ʼe mole natou ufiufi!
ʼE mole natou iloʼi pe la pe ʼe kotea te ufiufi!+
Koia ʼae ʼe natou fetoki anai ohage pe ko natou ʼae kua ʼosi fetoki.
Ka au fakatuʼā natou, ʼe natou tukia anai,” ko te ui ʼaia ʼa Sehova.
16 Koʼeni te folafola ʼa Sehova:
“Kotou tutuʼu ʼi te magafa mo sisio,
Kotou fakalavelave pe ʼe kofea te ʼu ala ʼafeā,Kotou fakalavelave pe ʼe ʼifea te ala ʼae ʼe lelei pea kotou olo ai.+Pea ʼe kotou maʼu ai anai te fimalie.”
Kae ʼe natou tali: “Kailoa, ʼe mole matou olo ai anai.”+
17 “Pea neʼe au hinoʼi he kau leʼo+ ke natou tala:‘Kotou tokakaga ki te pupuhi ʼo te fakatagi pupuhi!’ ”+
Kae neʼe natou tali: “Kailoa, ʼe mole matou tokagaʼi anai.”+
18 “Koia, ʼu puleʼaga, kotou fagono!
Hahaʼi, ke kotou iloʼiTe meʼa ʼae ka hoko kia natou.
19 Kele, fagono!
ʼE au fakato anai he malaʼia ki te hahaʼi ʼaeni,+Te ʼu fua ʼo ʼanatou fakatuʼutuʼu kaka,He neʼe mole natou tokagaʼi ʼaku folafolaPea neʼe natou liʼaki taku lao.”*
20 “ ʼE ke manatu koa koe ʼe ʼaoga kia auTe iseso hina* ʼae ʼe fetuku mai Sepa
Pea mo te kaho fakamagoni ʼae mai te fenua mamaʼo?ʼE mole au tali ʼakotou holokoseta*
Pea ʼe mole au fiafia ʼi ʼakotou sakilifisio.”+
21 Koia koʼeni te folafola ʼa Sehova:
“ ʼE au tuku anai ni meʼa fakatupu tukia ia muʼa ʼo te hahaʼi ʼaeni,Pea ʼe natou tukia ai anai,Te ʼu tamai fakatahi mo ʼonatou foha,Te vahaʼa fale pea mo tona kaumeʼa,Pea ʼe natou mamate fuli anai.”+
22 Koʼeni te folafola ʼa Sehova:
“Kotou fagono, ʼe haʼu he hahaʼi mai te fenua ʼo te potu noleto,Pea ʼe malaga ake anai he puleʼaga lahi mai te ʼu potu fenua mamaʼo ʼo te kele.+
23 ʼE natou toʼo anai te nahau pea mo te savelo.
ʼE natou agafekai pea ʼe mole natou ʼoʼofa tuʼa tahi anai.
ʼE gugulu anai ʼonatou leʼo ohage ko te tai.ʼE natou heheka ʼi ni hosi.+
ʼE natou fakaʼatu ki te tau ohage ko he foʼi tokotahi moʼo tauʼi ʼo koe, siʼi taʼahine ʼo Sione.”
24 Neʼe matou logo ki te fakamatala ʼo ʼuhiga mo natou.
Kua vaivai ʼomatou nima.+Kua matou hoha,Mo mamahi ohage ko he fafine ʼe fanau.+
25 ʼAua naʼa kotou mavae ʼi te koloPea ʼaua naʼa kotou haʼele ʼi te ala.ʼE ʼi ai te heleta ʼa te filiPea ʼe ina fakamatakuʼi te hahaʼi ʼi te ʼu potu fuli.
26 Siʼi taʼahine ʼo taku hahaʼi,Ke ke kofu ki he taga*+ pea mo teka makafulifuli ʼi te lefulefu.
Ke ke putu pea mo tagilaulau ohage ki hau tama ʼulu tokotahi,+He ʼe haʼu fakapunamaʼuli anai te tagata fakatupu maumau kia tatou.+
27 “Neʼe au fakaliliu koe* ko he tahi ʼe ina ʼahiʼahiʼi te ukamea ʼi taku hahaʼi,Ko he tahi ʼe ina fakafuafua lelei.ʼE tonu anai ke ke tokaga mo sivisivi ʼanatou aga.
28 Ko natou fuli ko ni tagata kua kovi ʼosi tanatou uigataʼa,+ʼE natou taka haʼele ʼo faifasituʼu.+
ʼE natou hage ko te kapa mo te ukamea.ʼE natou aga fakalialia fuli.
29 Kua vela te meʼa tavili afi.
Ko te pulu ʼae ʼe haʼu mai te afi.
Kua liuliuga tona fakamaʼa, kae ʼe mole pe la hona ʼuhiga,+He neʼe mole toʼo kehe te kau agakovi mai taku hahaʼi.+
30 ʼE fakahigoaʼi anai natou ko te siliva neʼe liʼaki,*He neʼe liʼaki natou e Sehova.”+
Nota
^ “Taʼahine ʼo Sione” ko he palalau fakatuketuke, ʼe fakaʼuhiga ʼi te agamahani ki Selusalemi peʼe ko ʼona hahaʼi.
^ Peʼe “faitoʼo te lavea.”
^ Peʼe “faiakonaki.”
^ Vakaʼi Te ʼu Kupu.
^ Vakaʼi Te ʼu Kupu.
^ Vakaʼi Te ʼu Kupu.
^ ʼE fakaʼuhiga kia Selemia.
^ Ko tona fakaʼuhiga, neʼe liʼaki ʼi tona kovi ʼaupito.
