Senesi 36:1-43
36 Ko te hisitolia ʼaeni ʼo Esau, ʼae ʼe toe higoa foki ko Etome.+
2 Neʼe ʼohoana ia Esau mo te ʼu taʼahine ʼo Kanaane: neʼe ko Ata,+ te ʼofafine ʼo Eloni, te tagata Heti,+ mo Oholipama,+ te ʼofafine ʼo Ana pea ko te mokopuna ʼo Sipeoni, te tagata Hevi.
3 Neʼe toe ʼohoana mo Pasemati,+ te ʼofafine ʼo Isemaele pea ko te tokolua ʼo Nepasote.+
4 Neʼe fanauʼi e Ata ia Elifasi, pea neʼe fanauʼi e Pasemati ia Leuele,
5 kae neʼe fanauʼi e Oholipama ia Seuse, mo Saelame pea mo Kole.+
Neʼe ko te ʼu foha ʼaia ʼo Esau, ʼae neʼe tutupu ʼi te fenua ʼo Kanaane.
6 Neʼe toʼo leva e Esau ʼona ʼohoana, mo ʼona foha, mo ʼona ʼofafine, mo te hahaʼi* fuli ʼo tona loto fale, mo tana faga manu pea mo tana tahi age ʼu manu, pea mo te ʼu koloa fuli ʼae neʼe ina maʼu+ ʼi te fenua ʼo Kanaane. Neʼe alu ai ki he tahi fenua ke mamaʼo mai tona tehina ko Sakopo.+
7 Neʼe kua lahi ʼaupito ʼonā koloa ʼo mole kei feala ai hanā nonofo fakatahi, pea neʼe mole kei lahi feʼauga te fenua ʼae neʼe nā maʼuʼuli ai* he neʼe kua lahi ʼaupito ʼanā manu.
8 Koia, neʼe nofo ai ia Esau ʼi te potu moʼugaʼia ʼo Seili.+ ʼE toe higoa foki ia Esau ko Etome.+
9 Ko te hisitolia ʼaeni ʼo Esau, te kui ʼa te kau Etome ʼae ʼe nonofo ʼi te potu moʼugaʼia ʼo Seili.+
10 Koʼeni te ʼu higoa ʼo te ʼu foha ʼo Esau: ko Elifasi, te tama ʼo tona ʼohoana ko Ata, mo Leuele, te tama ʼo tona ʼohoana ko Pasemati.+
11 Ko te ʼu foha ʼo Elifasi neʼe ko Temane,+ mo Omale, mo Tesefo, mo Katami pea mo Kenasi.+
12 Neʼe liliu leva ia Timina ko te fafine ʼa Elifasi, te foha ʼo Esau. Ki muli age, neʼe ina fanauʼi ia Amaleke.+ ʼE ko te ʼu mokopuna ʼaia ʼo Ata, te ʼohoana ʼo Esau.
13 Koʼeni te ʼu foha ʼo Leuele: ko Naate, mo Sela, mo Samema pea mo Misa. Neʼe ko te ʼu mokopuna ʼaia ʼo Pasemati,+ te ʼohoana ʼo Esau.
14 Pea koʼeni te ʼu tama ʼo te ʼohoana ʼo Esau ko Oholipama, te ʼofafine ʼo Ana pea ko te mokopuna ʼo Sipeoni: neʼe ko Seuse, mo Saelame pea mo Kole.
15 Koʼeni te ʼu pule telepi ʼae neʼe hifo mai ia Esau:+ ko te ʼu foha ʼo Elifasi, te ʼuluaki foha ʼo Esau: ko te Pule ko Temane, mo te Pule ko Omale, mo te Pule ko Tesefo, mo te Pule ko Kenasi,+
16 mo te Pule ko Kole, mo te Pule ko Katami pea mo te Pule ko Amaleke. Ko te ʼu pule telepi ʼaia neʼe hifo mai ia Elifasi,+ ʼi te fenua ʼo Etome. ʼE ko te ʼu mokopuna ʼaia ʼo Ata.
17 Koʼeni te ʼu foha ʼo Leuele, te foha ʼo Esau: ko te Pule ko Naate, mo te Pule ko Sela, mo te Pule ko Samema pea mo te Pule ko Misa. Ko te ʼu pule telepi ʼaia neʼe hifo mai ia Leuele, ʼi te fenua ʼo Etome.+ ʼE ko te ʼu mokopuna ʼaia ʼo te ʼohoana ʼo Esau ko Pasemati.
18 Pea koʼeni leva te ʼu tama ʼo te ʼohoana ʼo Esau ko Oholipama: ko te Pule ko Seuse, mo te Pule ko Saelame pea mo te Pule ko Kole. Ko te ʼu pule telepi ʼaia neʼe hifo mai ia Oholipama, te ʼofafine ʼo Ana pea ko te ʼohoana ʼo Esau.
19 Ko te ʼu foha ʼaia ʼo Esau, ʼae ʼe toe higoa ko Etome,+ pea mo ʼonatou pule telepi.
20 Koʼeni te ʼu foha ʼo Seili, te tagata Holi, ʼae neʼe nonofo ʼi te fenua:+ ko Lotane, mo Sopale, mo Sipeoni, mo Ana,+
21 mo Tisoni, mo Esele pea mo Tisani.+ Ko te ʼu pule telepi ʼaia ʼo te kau Holi, te ʼu foha ʼo Seili ʼi te fenua ʼo Etome.
22 Ko te ʼu foha ʼo Lotane neʼe ko Oli mo Emami, pea ko te tokolua ʼo Lotane neʼe ko Timina.+
23 Koʼeni te ʼu foha ʼo Sopale: ko Alevane, mo Manakati, mo Epale, mo Sefo pea mo Onama.
24 Koʼeni te ʼu foha ʼo Sipeoni:+ ko Ahia mo Ana. Ko Ana ʼae neʼe ina maʼu te ʼu matapuna vai mafana ʼi te toafa, ʼi tana tauhi te ʼu asino ʼo tana tamai ko Sipeoni.
25 Koʼeni te fanau ʼa Ana: ko tona foha ko Tisoni pea mo tona ʼofafine ko Oholipama.
26 Koʼeni te ʼu foha ʼo Tisoni: ko Emitani, mo Esipani, mo Sitilane pea mo Kelane.+
27 Koʼeni te ʼu foha ʼo Esele: ko Pilane, mo Saavane pea mo Akani.
28 Koʼeni te ʼu foha ʼo Tisani: ko Usia mo Alane.+
29 Koʼeni te ʼu pule telepi ʼo te kau Holi: ko te Pule ko Lotane, mo te Pule ko Sopale, mo te Pule ko Sipeoni, mo te Pule ko Ana,
30 mo te Pule ko Tisoni, mo te Pule ko Esele pea mo te Pule ko Tisani.+ Ko te ʼu pule telepi ʼaia ʼo te kau Holi ʼi te fenua ʼo Seili.
31 Koʼeni te ʼu hau ʼae neʼe pule ʼi te fenua ʼo Etome+ kae neʼe heʼeki pule he hau ki te kau Iselaele:*+
32 Ko Pela, te foha ʼo Peoli neʼe hau ʼi Etome, pea neʼe higoa tona kolo ko Tinapa.
33 ʼI te mate ʼa Pela, neʼe hau leva ia Sopape, te foha ʼo Sela, te tagata mai Potisela, ʼo fetogi ia ia.
34 ʼI te mate ʼa Sopape, neʼe hau leva ia Usami, te tagata mai te fenua ʼo te kau Temane, ʼo fetogi ia ia.
35 ʼI te mate ʼa Usami, neʼe hau leva ia Atati te foha ʼo Petate, ʼae neʼe malo ʼi te kau Matiane+ ʼi te fenua ʼo Moape, ʼo fetogi ia ia, pea neʼe higoa tona kolo ko Aviti.
36 ʼI te mate ʼa Atati, neʼe hau leva ia Samela, te tagata mai Masileka, ʼo fetogi ia ia.
37 ʼI te mate ʼa Samela, neʼe hau leva ia Saule, te tagata mai Leopoti ʼi te Vai Tafe, ʼo fetogi ia ia.
38 ʼI te mate ʼa Saule, neʼe hau leva ia Paale-anane te foha ʼo Akepole ʼo fetogi ia ia.
39 ʼI te mate ʼa Paale-anane, te foha ʼo Akepole, neʼe hau leva ia Atale ʼo fetogi ia ia. Neʼe higoa tona kolo ko Pau pea neʼe higoa tona ʼohoana ko Mesesapele, te taʼahine ʼa Mateleti, ʼae ko te ʼofafine ʼo* Mesaape.
40 Koia, koʼeni te ʼu higoa ʼo te ʼu pule telepi ʼae neʼe hifo mai ia Esau ʼo mulimuli ki ʼonatou famili pea mo ʼonatou koga meʼa: ko te Pule ko Timina, mo te Pule ko Aliva, mo te Pule ko Seteti,+
41 mo te Pule ko Oholipama, mo te Pule ko Ela, mo te Pule ko Pinone,
42 mo te Pule ko Kenasi, mo te Pule ko Temane, mo te Pule ko Mipisali,
43 mo te Pule ko Maketiele pea mo te Pule ko Ilame. Ko te ʼu pule telepi ʼaia ʼo te kau Etome pea mo ʼonatou kiʼi kolo ʼi tonatou fenua.+ Ko natou ʼaia neʼe hifo mai ia Esau, pea ʼe ko te kau Etome.+
Nota
^ Hep. nèphèsh. Vakaʼi Te ʼu Kupu.
^ Peʼe “maʼuʼuli ai ohage ko he ʼu matapule.”
^ Hep. “te ʼu foha ʼo Iselaele.”
^ Peʼe “taʼahine ʼa.”
