Sopo 14:1-22
14 “Ko te tagata ʼae ʼe tupu mai te fafine,ʼE nounou pe tona maʼuli,+ pea ʼe taʼomia ʼi ʼona mamahi.+
2 ʼE fisi ohage ko te matalaʼi ʼakau pea fefe,*+ʼE hola ia ohage ko te malumalu pea puli.+
3 Kae ʼe ke lamalamaPea ʼe ke ʼave ia ia* ki te fakamauʼaga.+
4 Ko ai koa ʼae ʼe ina lava fakatupu he tahi ʼe maʼa mai he tahi ʼe heʼe maʼa?+
ʼE mole he tahi ia!
5 Kapau kua fakatuʼakoi ʼona ʼaho,ʼE maʼu te lahi ʼo ʼona mahina ʼi ʼou nima,ʼE mole feala ke fakalaka ʼi te tuʼakoi ʼae neʼe ke fakatuʼu.+
6 Haga kehe ke maʼu hona kiʼi fimalie,ʼO kaku ki te fakaʼosi ʼo tona ʼaho gaue, ohage pe ko he tagata gaue ʼe totogi.+
7 He ʼe maʼiape la ki he fuʼu ʼakau, ʼe ʼi ai te ʼamanaki.
Kapau ʼe tuʼusi, ʼe toe homo ake pe anai,Pea ʼe toe homo ake anai mo ʼona huli.
8 Tatau aipe pe kua matuʼa tona aka ʼi te kele,Peʼe kua mate tona tafitoʼi ʼakau,
9 Kae ʼe toe maʼuli anai ʼaki pe he kiʼi moʼi vai,Pea ʼe homo anai ni vaʼa ohage ko he fuʼu ʼakau foʼou.
10 Kae ka mate te tagata ʼe takoto ia, ʼe mole kei ʼi ai hona malohi.ʼE ʼifea moka mate?+
11 ʼE puli te vai ʼo te tai,ʼE mamaha te vai tafe pea moamoa ai.
12 ʼE toe takoto mo te tagata pea ʼe mole toe tuʼu ake anai.+
ʼE mole toe ʼala ake anai ʼo kaku ki te hoki puli ʼo te lagi,ʼE mole toe ʼala ake anai mai tana moe.+
13 Feia age la ʼe ke fufu au ki te Faitoka,*+Ke ke fakanono au ʼo kaku ki te puli ʼo tou hauhau,Mo ke fakatuʼakoi he temi ke ke manatuʼi ai ia au!+
14 Ka mate he tagata ʼe feala koa ke toe maʼuli?+
ʼI te ʼaho fuli ʼo toku temi popula, ʼe au talitali anaiKe fakaʼateainaʼi au.+
15 ʼE ke pauʼi mai anai, pea ʼe au tali atu anai.+
ʼE ke fakaʼamu lahi anai ke ke toe sio ki te gaue ʼo ʼou nima.
16 Kae ʼi te temi nei ʼe ke lau ʼoku lakaʼaga fuli.ʼE ke lamalama pe haku agahala.
17 Ko taku talagataʼa kua fakamaʼu ʼi he kato,ʼEi, ʼe ke fakamaʼu taku hala ʼaki he meʼa pulusi.
18 ʼE holo he moʼuga,ʼE hiki te tuʼuʼaga ʼo he fuʼu maka,
19 ʼE kaina te ʼu foʼi maka e te vaiMo tatafi te kele,Neʼe feia la tau pulihi te ʼamanaki ʼa te tagata.
20 ʼE ke gaohi koviʼi tuʼumaʼu pe ʼo kaku ki tana mate,+ʼE ke fetogi tona agaaga, pea ʼe ke fekauʼi ke alu.
21 ʼE fakaʼapaʼapaʼi ʼona foha, kae ʼe mole ina iloʼi,ʼE fakamalaloʼi natou, kae ʼe mole ina tokagaʼi.+
22 ʼE ina logoʼi pe te mamahi he ʼe kei kakano,ʼE putu pe ia he ʼe kei maʼuli.”
