Sopo 4:1-21
4 Pea neʼe tali leva e Elifasi+ te tagata Temane:
2 “ ʼE ke katakiʼi anai koa he tahi moka ʼe faiga ke palalau atu?
Koteʼuhi ko ai koa ʼae ʼe feala ke nofo fakalogologo?
3 ʼE moʼoni, neʼe ke fakatonutonuʼi te tokolahiPea neʼe ke fakalotomalohiʼi ia natou ʼae neʼe vaivavai.
4 Ko ʼau palalau neʼe ina toe fakatuʼu ake ia ia ʼae neʼe tukia,Pea neʼe ke fakamalohiʼi te ʼu tuli ʼo natou ʼae neʼe vaivavai.
5 ʼI te temi nei kua hoko kia koe totonu, kae ʼe ke lotomamahi,*ʼEi, ʼe malave kia koe pea ʼe ke lotohoha.
6 ʼE mole ke maʼu koa la he lotofalala ʼi tau manavasiʼi ki te ʼAtua?
ʼE mole ke maʼu koa la he ʼamanaki ʼi tau nofo agatonu?+
7 Fakalelei siʼou loto, ke ke manatuʼi: Neʼe kua mate koa la he tahi kae neʼe mole hana hala?
Ko ʼanafea koa la ʼae neʼe matehi ai ni hahaʼi faitotonu?
8 ʼE tatau pe te meʼa ʼae ka utu e natou ʼae ʼe natou fakatuʼutuʼu te meʼa ʼae ʼe kovi,Pea mo natou ʼae ʼe natou nunusi te malaʼia. Neʼe kua au sio tonu ki te faʼahi ʼaia.
9 ʼE natou mamate ʼuhi ko te tuku manava ʼa te ʼAtua,Pea ʼe pulihi natou ʼuhi ko tona hauhau.
10 ʼE gugulu te laione pea ʼe tagi te ʼuhiʼi laione,Kae maʼiape la mo te ʼu nifo ʼo te ʼu laione malolohi ʼe maumauʼi.
11 ʼE mate te laione he ʼe mole hana meʼa kai,Pea ʼe mavetevete ai ʼona ʼuhi.
12 Neʼe fakaha fakafufu mai he logo,Neʼe fanafana mai ki toku taliga.
13 ʼI te mate momoe ʼa te hahaʼi ʼi te poʼuli,Neʼe ha mai te ʼu meʼa ʼae ʼe au tuʼania ki ai,
14 Neʼe kua kovi ʼosi toku matakuʼO tekelili ai toku sino katoa.
15 Neʼe fakalaka he laumalie ʼi toku fofoga.Pea neʼe au tuʼu tala.
16 Neʼe tuʼu maʼu leva te laumalie,Kae neʼe mole au iloʼi tona agaaga.
Neʼe tuʼu ʼi ʼoku muʼa.Neʼe mole ʼi ai he logoaʼa, pea neʼe au logo leva ki he leʼo ʼe ina ui:
17 ‘ ʼE feala koa la ke faitotonu age te tagata ʼi te ʼAtua?
ʼE feala koa la ke maʼoniʼoni age te tagata ia Ia ʼae neʼe ina fakatupu?’
18 Koʼeni, ʼe mole falala ia ki ʼana kauganaPea ʼe ina maʼu ni hala ʼi tana kau ʼaselo.*
19 Pea ʼe kovi age la ia kia natou ʼae ʼe nonofo ʼi ni ʼapi keleʼE tuʼu ʼonatou fakatafito ʼi te efu,+Ia natou ʼae ʼe faigafua tonatou molomoloki ohage ko he kiʼi manu!
20 ʼE laliki ia natou mai te uhu ki te afiafi.ʼE natou mamate ʼo talu ai pea ʼe mole tokagaʼi natou e he tahi.
21 ʼE mole natou hage koa la ko he fale la kua toʼo tona maea?
ʼE natou mamate vavale.
