Sosue 12:1-24
12 Koʼeni te ʼu hau ʼo te fenua ʼae neʼe malo ai te kau Iselaele pea neʼe natou maʼu leva ʼonā fenua ʼi te potu esite ʼo te Solotane, mai te Vai Tafe ʼo Alenone+ ʼo kaku ki te Moʼuga ʼo Helemoni,+ ʼo feia mo te Alapa katoa ʼi te potu esite:+
2 Ko Sihone,+ te Hau ʼo te kau Amole, ʼae neʼe nofo ʼi Heseponi. Neʼe pule ki te kolo ko Aloele,+ ʼae ʼe tuʼu ʼi he faʼahi maʼoluga ʼe haga ki te Vai Tafe* ʼo Alenone.+ Neʼe ina maʼu te fenua mai te Vai Tafe ʼo Alenone ʼo kaku ki te Vai Tafe* ʼo Sapoke. Neʼe pule ai ki te vaelua ʼo te fenua ʼo Kileate. Ko te Vai Tafe ʼo Sapoke neʼe ko te tuʼakoi ʼaia ʼo te kau Amone.
3 Neʼe toe pule foki ki te Alapa ʼo kaku ki te Tai ʼo Kineleti,*+ ʼi te potu esite pea ʼo kaku ki te Tai ʼo Alapa, ia te Tai Kona,* ʼi te potu esite pea ʼo kaku ki Pete-sesimoti, pea mo te potu saute ʼi te vaʼe moʼuga ʼo Pisika.+
4 Neʼe toe maʼu e te kau Iselaele te fenua ʼo Oke,+ te Hau ʼo Pasani, ʼae neʼe kau ia natou ʼae neʼe kei toe ʼi te kau Lefaimi+ pea neʼe nofo ʼi Asetaloti pea mo Etelei.
5 Neʼe pule ki te fenua ʼae ʼe kau ai te Moʼuga ʼo Helemoni, ʼo feia mo Salaka pea mo Pasani katoa,+ ʼo kaku ki te tuʼakoi ʼo te kau Kesuli pea mo te kau Maakate,+ pea mo te vaelua ʼo te fenua ʼo Kileate, ʼo kaku ki te fenua ʼo Sihone, te Hau ʼo Heseponi.+
6 Neʼe malo ia Moisese, te tagata faifekau ʼa Sehova, mo te kau Iselaele ʼi te ʼu hau ʼaia.+ Hili ʼaia, neʼe foaki age e Moisese, te tagata faifekau ʼa Sehova, ia te fenua ʼo te ʼu hau ʼaia ki te kau Lupeni, mo te kau Kate, pea mo te vaelua ʼo te telepi ʼo Manase ko honatou tofiʼa.+
7 Pea neʼe malo ia Sosue mo te kau Iselaele ʼi te ʼu hau ʼo te fenua, ʼi te potu uesite ʼo te Solotane, mai Paale-kati+ ʼi te Potu Fenua Laulelei ʼo Lipane+ ʼo kaku ki te Moʼuga ʼo Halake,+ ʼae ʼe ovi ki Seili.+ ʼI tanatou ʼosi malo ia natou, neʼe foaki age leva e Sosue ʼonatou fenua ki te ʼu telepi ʼo Iselaele ko honatou tofiʼa, ʼo natou tahi maʼu ai tona vahe.+
8 Neʼe foaki age kia natou te potu moʼugaʼia, mo te Sefela, mo te Alapa, mo te ʼu kiʼi moʼuga, mo te toafa, pea mo te Nekepe.+ Neʼe ko te ʼu koga meʼa ʼaia neʼe nonofo ai te kau Heti, mo te kau Amole,+ mo te kau Kanaane, mo te kau Pelesite, mo te kau Hevi, pea mo te kau Sepusi.+ Koʼeni ʼonatou hau:
9 Neʼe ko te hau ʼo Seliko,+ mo te hau ʼo Ai,+ ʼae neʼe ovi ki Petele,
10 mo te hau ʼo Selusalemi, mo te hau ʼo Hepelone,+
11 mo te hau ʼo Salamuti, mo te hau ʼo Lakisi,
12 mo te hau ʼo Ekeloni, mo te hau ʼo Kesele,+
13 mo te hau ʼo Tepile,+ mo te hau ʼo Keteli,
14 mo te hau ʼo Holema, mo te hau ʼo Alate,
15 mo te hau ʼo Lipina,+ mo te hau ʼo Atulami,
16 mo te hau ʼo Maketa,+ mo te hau ʼo Petele,+
17 mo te hau ʼo Tapua, mo te hau ʼo Hefele,
18 mo te hau ʼo Afeke, mo te hau ʼo Lasaloni,
19 mo te hau ʼo Matoni, mo te hau ʼo Atesoli,+
20 mo te hau ʼo Similoni-meloni, mo te hau ʼo Akisafi,
21 mo te hau ʼo Taanake, mo te hau ʼo Mekito,
22 mo te hau ʼo Ketesi, mo te hau ʼo Sokineami,+ ʼi Kalemelo,
23 mo te hau ʼo Tole, ʼi te ʼu kiʼi moʼuga ʼo Tole,+ mo te hau ʼo Koimi, ʼi Kilekale,
24 mo te hau ʼo Tilitesa. Neʼe fakatahiʼi ai ko hau ʼe toko 31.
Nota
^ Vakaʼi Te ʼu Kupu.
^ Vakaʼi Te ʼu Kupu.
^ ʼE ko te vai ʼo Senesaleti, peʼe ko te Tai ʼo Kalilea.
^ ʼE ko te Tai Mate.
