Sosue 15:1-63
15 Ko te fenua ʼae neʼe foaki*+ ki te telepi ʼo Suta ke vaevae ʼi ʼonatou famili, neʼe kaku ki te tuʼakoi ʼo Etome,+ mo te toafa ʼo Tesine, pea mo te taupotu ʼo te Nekepe, ʼi te potu saute.
2 Neʼe kamata tona tuʼakoi ʼae ʼi te potu saute, mai te potu taupotu ʼo te Tai Kona,*+ ʼei, mai te matatai ʼae ʼe haga ki te potu saute.
3 Neʼe alu te tuʼakoi ʼaia ki te potu saute ʼo te mahake ʼo Akilakimi,+ pea neʼe hoko atu ki Tesine. Pea neʼe hake mai te potu saute ʼo aʼu ki Katesi-palenea,+ pea alu ki Eselone, ʼo toe hake ai ki Atale ʼo kaku ki Kaleka.
4 Neʼe alu ki Asimoni+ ʼo hoko atu ki te Vai Tafe* ʼo Esipito,+ pea neʼe gata ai te tuʼakoi ʼi te Tai.* Neʼe ko te tuʼakoi ʼaia ʼo te potu saute.
5 Ko te tuʼakoi ʼo te potu esite, neʼe ko te Tai Kona* ʼo aʼu ki te gataʼaga ʼo te Solotane, pea ko te tuʼakoi ʼo te potu noleto neʼe kamata mai te matatai, ʼi te gataʼaga ʼo te Solotane.+
6 Neʼe alu te tuʼakoi ki Pete-okala,+ ʼo fakalaka ʼi te potu noleto ʼo Pete-alapa,+ pea neʼe toe alu ʼo kaku ki te fuʼu maka ʼo Poani,+ te foha ʼo Lupeni.
7 Neʼe alu te tuʼakoi ki Tepile, ʼae neʼe ovi ki te Potu Fenua Laulelei ʼo Akole,+ pea neʼe alu ai ʼo kaku ki Kilekale+ ʼi te potu noleto. ʼE haga ia Kilekale ki te mahake ʼo Atumime, ʼae ʼe tuʼu ʼi te potu saute ʼo te vai tafe.* Pea neʼe fakalaka te tuʼakoi ia tafa ʼo te ʼu vai ʼo Ene-semesi+ ʼo gata ai ʼi Ene-lokeli.+
8 Neʼe alu te tuʼakoi ki te potu fenua lauveliveli ʼae ko Te Foha ʼo Hinome,+ ʼo kaku ki te mahake ʼo te kolo ʼo te kau Sepusi,+ ʼae ko Selusalemi,+ ʼi te potu saute. Neʼe alu ai te tuʼakoi ki te tumutumu ʼo te moʼuga ʼae ʼe haga ki te potu fenua lauveliveli ʼo Hinome, ʼi te potu uesite, pea ʼe tuʼu ʼi te potu taupotu ʼo te Potu Fenua Laulelei ʼo Lefaimi, ʼi te potu noleto.
9 Neʼe alu te tuʼakoi ʼaia mai te tumutumu ʼo te moʼuga ʼo kaku ki te matapuna vai ʼo Nefetoa,+ pea mo te ʼu kolo ʼo te Moʼuga ko Efelone. Neʼe alu te tuʼakoi ʼo kaku ki Paalea, ʼae ko Kiliate-sealimi.+
10 Neʼe alu te tuʼakoi mai Paalea ki te potu uesite, ki te Moʼuga ko Seili, pea neʼe fakalaka ʼi te faʼahi ʼo te Moʼuga ko Sealimi, ʼi te potu noleto, ʼae ko Kesaloni. Pea neʼe hifo ai ʼo kaku ki Pete-semesi+ pea neʼe alu ki Timenea.+
11 Neʼe alu te tuʼakoi ʼo kaku ki te faʼahi noleto ʼo Ekelone.+ Pea neʼe alu ki Sikeloni, ʼo fakalaka ʼi te Moʼuga ko Paalea ʼo kaku ki Sapeneele, pea neʼe gata leva te tuʼakoi ʼi te tai.
12 Ko te tuʼakoi ʼo te potu uesite neʼe ko te matafenua ʼo te Tai Lahi.*+ Neʼe ko te ʼu tuʼakoi fuli ʼaia ʼo te fenua ʼo te hologa ʼo Suta, ʼae neʼe vaevae ʼi ʼonatou famili.
13 Pea neʼe foaki e Sosue kia Kalepo+ te foha ʼo Sefune hona vahe ʼi te hologa ʼo Suta, ʼo mulimuli pe ki te fakatotonu ʼa Sehova. Neʼe ina foaki ia te kolo ko Kiliate-alepa, ʼae ʼe toe higoa ko Hepelone (ko Alepa neʼe ko te tamai ʼa Anake).+
14 Pea neʼe kapu ai e Kalepo mai ai te ʼu foha ʼe toko tolu ʼo Anake:+ ia Sesai, mo Asimani pea mo Talamai.+ Neʼe ko te hologa ʼaia ʼo Anake.
15 Pea neʼe alu ai ʼo tauʼi te hahaʼi ʼo Tepile.+ (ʼI muʼa atu, neʼe higoa te kolo ko Tepile ko Kiliate-sefeli.)
16 Pea neʼe ui e Kalepo: “ ʼE au foaki anai ia Akesa, toku ʼofafine, ke ʼohoana mo te tagata ʼae ka ina tauʼi pea mo maʼu te kolo ko Kiliate-sefeli.”
17 Neʼe maʼu e Oteniele,+ te foha ʼo Kenasi,+ te tehina ʼo Kalepo, ia te kolo. Pea neʼe foaki age leva e Kalepo ia Akesa,+ tona ʼofafine ke ʼohoana mo ia.
18 ʼI tana alu kio Oteniele, neʼe ina uga tona ʼohoana ke ina kole ki tana tamai* he gaueʼaga. Pea neʼe hifo leva ʼi tana asino.* Neʼe fehuʼi age e Kalepo ki ai: “Kotea ʼae ʼe ke loto ki ai?”+
19 Pea neʼe ina tali age: “Fakalelei siʼou loto, ke ke toe tapuakiʼi au, he neʼe ke foaki mai pe he moʼi kele ʼi te potu saute.* Pea ke ke toe foaki mai foki mo Kuloti-maime.”* Pea neʼe ina foaki age ai ia Kuloti ʼi ʼOluga pea mo Kuloti ʼi Lalo.
20 Neʼe ko te tofiʼa ʼaia ʼo te telepi ʼo Suta, ʼae neʼe vaevae ʼi ʼonatou famili.
21 Ko te ʼu kolo ʼae neʼe tuʼu ʼi te potu taupotu ʼo te fenua ʼo te telepi ʼo Suta, ʼae neʼe ovi ki te tuʼakoi ʼo Etome,+ ʼi te potu saute, neʼe ko Kapiteseele, mo Etele, mo Sakuli,
22 mo Kina, mo Timona, mo Atata,
23 mo Ketesi, mo Atesoli, mo Itinani,
24 mo Sife, mo Teleme, mo Pealoti,
25 mo Atesoli-atata, mo Keliosi-eseloni, ʼae ʼe toe higoa ko Atesoli,
26 mo Amami, mo Sema, mo Molata,+
27 mo Hatesale-kata, mo Esemoni, mo Pete-paleti,+
28 mo Hatesale-suale, mo Pele-sepa,+ mo Pisiotia,
29 mo Paalea, mo Isimi, mo Esemi,
30 mo Eletolati, mo Kesili, mo Holema,+
31 mo Tesikelake,+ mo Matamana, mo Sanisena,
32 mo Lepaoti, mo Silimi, mo Aine, pea mo Limoni.+ Neʼe fakatahiʼi ko kolo ʼe 29, pea mo te ʼu kolo liliki ʼae ʼi ʼonatou tafaʼaki.
33 ʼI te Sefela,+ neʼe ʼi ai te ʼu kolo ko Esetaoli, mo Solea,+ mo Asiena,
34 mo Sanoaki, mo Ene-kanimi, mo Tapua, mo Enami,
35 mo Salamuti, mo Atulami,+ mo Sueko, mo Aseka,+
36 mo Saalaimi,+ mo Atitaimi, mo Ketela pea mo Ketelotaimi.* Neʼe fakatahiʼi ko kolo ʼe 14, pea mo te ʼu kolo liliki ʼae ʼi ʼonatou tafaʼaki.
37 Neʼe toe ʼi ai mo te ʼu kolo ko Senani, mo Hatasa, mo Mikitale-kate,
38 mo Tileani, mo Misipe, mo Soketeele,
39 mo Lakisi,+ mo Potisekati, mo Ekeloni,
40 mo Kaponi, mo Lakemasi, mo Kitilisi,
41 mo Keteloti, mo Pete-takone, mo Naama, pea mo Maketa.+ Neʼe fakatahiʼi ko kolo ʼe 16, pea mo te ʼu kolo liliki ʼae ʼi ʼonatou tafaʼaki.
42 Neʼe toe ʼi ai mo te ʼu kolo ko Lipina,+ mo Eteli, mo Asani,+
43 mo Sifitase, mo Asiena, mo Netesipi,
44 mo Keila, mo Akesipe, pea mo Malesea. Neʼe fakatahiʼi ko kolo ʼe hiva, pea mo te ʼu kolo liliki ʼae ʼi ʼonatou tafaʼaki.
45 Neʼe toe ʼi ai mo Ekelone pea mo te ʼu kolo liliki ʼae ʼi ʼona tafaʼaki,
46 mai Ekelone ki te potu uesite, ia te ʼu kolo fuli ʼae ʼe ovi ki Asoti, pea mo te ʼu kolo liliki ʼae ʼi ʼonatou tafaʼaki.
47 Neʼe toe ʼi ai mo Asoti+ pea mo te ʼu kolo liliki ʼae ʼi ʼona tafaʼaki, mo Kasa+ pea mo te ʼu kolo liliki ʼae ʼi ʼona tafaʼaki, ʼo aʼu ki te Vai Tafe ʼo Esipito, mo te Tai Lahi,* pea mo te matafenua.+
48 Pea ʼi te potu moʼugaʼia, neʼe ko te ʼu kolo ko Samili, mo Satili,+ mo Sueko,
49 mo Tana, mo Kiliate-sana, ʼae ʼe toe higoa ko Tepile,
50 mo Anape, mo Esetemo,+ mo Anime,
51 mo Koseni,+ mo Oloni pea mo Kilone.+ Neʼe fakatahiʼi ko kolo ʼe 11, pea mo te ʼu kolo liliki ʼae ʼi ʼonatou tafaʼaki.
52 Neʼe toe ʼi ai mo te ʼu kolo ko Alape, mo Tuma, mo Eseani,
53 mo Sanumi, mo Pete-tapua, mo Afeka,
54 mo Umeta, mo Kiliate-alepa, ʼae ʼe toe higoa ko Hepelone,+ pea mo Tesiole. Neʼe fakatahiʼi ko kolo ʼe hiva, pea mo te ʼu kolo liliki ʼae ʼi ʼonatou tafaʼaki.
55 Neʼe toe ʼi ai mo te ʼu kolo ko Maoni,+ mo Kalemelo, mo Sife,+ mo Siuta,
56 mo Siseleele, mo Soketeame, mo Sanoaki,
57 mo Kaini, mo Kipease, pea mo Timenea.+ Neʼe fakatahiʼi ko kolo ʼe hogofulu, pea mo te ʼu kolo liliki ʼae ʼi ʼonatou tafaʼaki.
58 Neʼe toe ʼi ai mo te ʼu kolo ko Aluli, mo Pete-tesuli, mo Ketoli,
59 mo Maalati, mo Pete-anoti, pea mo Eletekone. Neʼe fakatahiʼi ko kolo ʼe ono, pea mo te ʼu kolo liliki ʼae ʼi ʼonatou tafaʼaki.
60 Neʼe toe ʼi ai mo te kolo ko Kiliate-paale, ʼae ʼe toe higoa ko Kiliate-sealimi,+ pea mo Lapa. Neʼe fakatahiʼi ko kolo ʼe lua, pea mo te ʼu kolo liliki ʼae ʼi ʼonā tafaʼaki.
61 ʼI te toafa, neʼe ko te ʼu kolo ko Pete-alapa,+ mo Mitini, mo Sekaka,
62 mo Nipisani, mo te Kolo ʼo Te Masima, pea mo Ene-keti.+ Neʼe fakatahiʼi ko kolo ʼe ono, pea mo te ʼu kolo liliki ʼae ʼi ʼonatou tafaʼaki.
63 Neʼe mole feala ki te ʼu tagata ʼo Suta ke natou kapu te kau Sepusi,+ ʼae neʼe nonofo ʼi Selusalemi.+ Koia ʼae ʼe kei natou nonofo ai ʼi Selusalemi mo te hahaʼi ʼo Suta, ʼo kaku mai ki te temi nei.
Nota
^ Peʼe “neʼe fai he toho ke foaki.”
^ ʼE ko te Tai Mate.
^ Vakaʼi Te ʼu Kupu.
^ ʼE ko te Tai Lahi, ia te Metitelanea.
^ ʼE ko te Tai Mate.
^ Vakaʼi Te ʼu Kupu.
^ ʼE ko te Metitelanea.
^ ʼE fakaʼuhiga kia Kalepo.
^ Peʼe lagi “neʼe pasi ʼona nima kae heka ʼi te asino.”
^ Peʼe “te Nekepe.”
^ Ko tona fakaʼuhiga “He ʼu Koga Meʼa ʼe Maʼu Ai He Vai.”
^ Peʼe lagi “Ketela pea mo ʼana lotoʼa ovi.”
^ ʼE ko te Metitelanea.
