Toj tsajihit’a hat’es toj n’oelh iyayej hopkhit’a m’ak toj ni’isa. Wet Biblia yome toj hat’es hope n’owayhat toj Dios hiw’en namhohen hopkhilak nen kajyaja m’ak toj nehi (Salmo 104:14, 15; Eclesiastés 3:13; 9:7). Dios Lhomtes yome toj hat’es iwoyek lhat’isan isej (1 Timoteo 5:23).

 Lewhay toj Jesús ihi p’ante honhat iyayej hat’es (Mateo 26:29; Lucas 7:34). Hote, lewhay toj iyej p’ante n’okajyaj lham iwelanhat inat toj yen hat’esa, m’ak toj lham iwoye p’ante wujpe wichi itafwelej ifwalasna (Juan 2:1-10).

M’ak toj iwoyek iyej n’oelh che tsaji hat’es toj iyayej

 Tej toj Biblia yome toj is toj n’oyayej hat’es, hote ihuminhit’a che n’oyam tsaji toj n’oyayej yak n’oelh w’oknaj. Toj malhyejtso, che iche cristiano toj itsupyene toj iyayej hat’es, is che tsajihit’a toj iyayej (1 Timoteo 3:8; Tito 2:2, 3). Biblia yome iyhaj m’ayhay hopkhilak tsajihit’a toj n’oelh iyayej hat’es:

•   N’oelh toj tsaji hat’es toj iyayej ihanhiyejt’ala m’ak toj yen tichunhayaja wet ihanhiyejt’a m’ak toj iwoye (Proverbios 23:29-35). N’oelh toj w’oknaj iwohiyet’ak iwoye m’ak toj Biblia yome toj yok: «Aʼachajaye lham. Aʼenay häpeya Dios tʼawayhat tä iläy tä lham tʼamajchetes wet äp akäjejlhi. Häp täjtso hanʼokhayaj tä matche tä is chik lewoyeje häp Dios» (Romanos 12:1).

•   N’oelh toj tsaji hat’es toj iyayej len’afwelyaj ihihit’a, wet «itäyhat nʼolechowej» (Oseas 4:11; Efesios 5:18).

•   Iwoyek n’oelh nichato lep’altseyaj wet t’inhayaj ihi (Proverbios 23:21, 31, 32).

•   Dios ihuminhit’a toj n’oelh ihumin toj w’oknaj wet n’oelh toj tsaji hat’es toj iyayej (Proverbios 23:20; Gálatas 5:19-21).

¿Atsi toj in’alit toj n’oelh tsaji toj iyayej hat’es?

 N’oelh inu’pe lew’et hat’es toj iyayej, lewhay toj iwoyeje m’ak toj ni’isa iyhaj wet iwoyej lhame. Hop Biblia yome toj n’oelh pajche w’oknaj che ihanhiyejt’a lhip toj ihi, iwohiyet’ak ikasit, yomlhi, wok kalelhahit’a lhomtes, tshilakhit’a che n’oelh tsaji hat’es toj iyayej yak w’oknaj (Job 12:25; Salmo 107:27; Proverbios 23:29, 30, 33). Hote «wʼoknhas» wet iyhaj toj tsaji hat’es toj iyayej iwoyek lekajyhayaj ihihit’a wet iwoyek isit’a m’ak toj iyej (Lucas 21:34, 35).

Atsi lewhay toj isit’a che n’oelh iyayej hat’es

 Biblia hote yome toj cristianos isit’a che iyayej hat’es che:

•   Tamenej toj iyhaj nichathen (Romanos 14:21).

•   Lhip toj ihi iwohiyet’ak n’oyayej hat’es (Romanos 13:1).

•   Ihanhiyejt’a che is che tsaji wok tsajihit’a toj is che iyayej. Wichi Iyhaj toj lewhayis toj pajche ihumin toj iyayej hat’es, is che t’ukwe len’ayij toj iyahiyejt’a che hope m’ak toj ataho (Mateo 5:29, 30).