Biblia yome toj Dios t’uhit’ahlak wichi «iwo lakain’oyaja» (1 Tesalonicenses 4:3). Malhyej toj Biblia yome, wichi toj «iwo lakain’oyaja» hope toj hin’u wok atsinha imayej elh toj kahopeya lech’efwa, hin’u toj imayej elh hin’u wok atsinha toj imayej atsinha elh wok hin’u toj imayej atsinha toj tawhayeyhihent’a malhyej toj ley yome.

•  ¿Atsi m’ak toj tamenej toj laha ihi toj Dios t’uhlak wichi tawhayeyhen malhyej toj ley yome?

•  ¿Ha is toj wichi iwek tej toj tawhayeyhihent’a hopkhilak ihanej che is lhamehen wok kha?

•  ¿Atsi m’ak toj is che iwoye wichi toj tawhayeyhen hopkhilak is alhoho toj iwek?

•   Dios yenlhi p’ante wichi hopkhilak iwoyek tawhayeyhen. Iwoye p’ante tajtso lewhay toj hip’ajtitwek hin’u wet atsinha toj ichun (Génesis 2:22-24). Lham t’uhit’ahla che hin’u wet atsinha iwek wet tawhayeyhihent’a malhyej toj ley yome.

•   Dios ihanej m’ak toj naisej. Lham hip’ajtej p’ante hin’u hop atsinha hopkhilak iwek pajla’tha tiyaj’attsiy. Dios t’uhlak wichi toj tawhayeyhen is lhamehen wet t’uye lew’et lheley.Tichunla toja: che nat’uhlak is toj nenlhi n’okayw’et toj nap’ajtitwek lhipey, is che nahanlhi n’oelh lhomtes toj lhenek toj yome len’ayij toj n’oyenlhi. Malhyej iwoye tajtso,che nat’uhlak lhaw’et lheley lekajyaj ihiche, is che natch’ahuye Dios lefwonyajay. Che natch’ahuye isila lhanayij (Isaías 48:17, 18).

•   Che hin’u wok atsinha imayej elh toj tawhayeyhihent’a lewit’ahyaj ihihla. Malhyej toja, atsinha hich’otshan tej toj t’uhit’ahlak hich’otshan, n’ot’inhayajay toj talhe n’owanyajay wet letichunhayajay toj aytaj. a

•   Dios iwo t’awayhata wichi: toj iwoyek iwo lelesa isej n’owanyajay. N’ow’ayhattso wuj toj laha ihi. Dios letichunhayaj toj n’ow’atshancheyaj hope m’ak toj n’ot’amajchet. Hop toj tamenej toj tataye che n’oyenhit’a w’et m’ayeka n’ot’awayhattso wet toj tajlhamet toj n’oelh ichumyenlhi toj lhay’e lech’efwa. Che nawoye tajtso n’enhit’a w’et m’ayeka toj wichi tawhayeyhen malhyej toj ley yome (Hebreos 13:4).

 Hopkhilak wichi toj tawhayeyhen lekajyaj ihiche, iwathit’ahlak «yelhte che is lhamehen» toj iwek wet lewhay at che hope hin’u wok atsinha iwoyek yikch’oye elh. Che lhamel toj iwek t’uhlak yam takhajay toj lhaip’ajtitwek wet yam matche toj tach’ot lhamehen lewhay che ihi lewit’ayajay. b Wichi toj iwek ikalhi toj yam matche toj lhaip’ajtitwek (Mateo 19:6).

 Ihichet’a wichi toj tawhayeyhen toj lewit’ay ihihit’a. Mat iwoyek wichi toj tawhayeyhen lekajyaj ihiche, che lhamel tach’ahuye Biblia lefwonyajay. Natetshan iyhajfwas:

•   Tetshan m’ak toj aelh isej ts’ilakhit’a m’ak toj am aisej (1 Corintios 7:3-5; Filipenses 2:3, 4).

•   Alekhajyenej toj lhay’epej lhip toj lehumin wet toj lhenhit’a w’et m’ayeka hach’efwa ifwalapej (Efesios 5:25, 33).

•   Alechufwenej toj lhen ayij atichunhyaja m’ak toj lhomhiyela (Proverbios 12:18).

•   Is che letelayit amejen wet lekelit toj letayhet aelh letes (Colosenses 3:13, 14).