Chik lewatlok lawʼen nʼokalayʼi wet ikanej nitaya, is che lawuye wuj toj kajyhenej. Chik lawuye kajyhen yomtilak ahope Dios kalayʼi wet itsuklhi, Lham hiwʼenla amho wuj lakopfwayaj toj is. Jesús ifwenhu pʼante wichi toj techaye lham: “Mʼak tä matche ailanhichela” (Juan 8:32). Mat, ¿atsi mʼak toj hope toj Jesús yuk?

Iwuye che leleyhej toj alhene hop nʼokakwenkay athana. Aʼilanhicheʼla toj ihi chefwenyaj toj kamatache wet matitʼe toj tolhe Ahottaj. Hote aʼilanhicheʼla hanifwayaj ihichehi millones wichi nintofwelayej Heowa (Romanos 8:22). Dios lakalayʼis kha hopehen lakwenkay “lenofwayhyaj tä itiyej tʼilek” (Hebreos 2:14, 15).

Hop honhat toj nechayek lenonhihiʼla wet akojyhaj ihiʼla. Lawhoy toj honhat toj wʼatshan wet isilataj nemla iche nʼokʼatshayajay, nʼotʼinhayajay wet nʼlonyajay. Nemla iche naylos wet nʼopʼaltseyhaj. Hote wichi nemhi ichʼeten wet nemla yʼinhen, nuwaya mak toj niʼisa, wichi toj iwuye mʼak toj niʼishalhuhu wet nemla iche wichi toj oscheʼpe iñhoj. Dios Lhomtes yuk: “Lewʼenhomche lhamel mʼak tä naya, lham yipsejen lhäk tä tälho akwey” (Salmo 145:16).

 Dios lhoyfwas iloynhichela yomlak tiyajʼattsi. Awʼatshancheyaj toj tʼun hope awañhat toj laha ihi toj tolhe Dios wet Lham hiwʼenla amho chik ekwe ahope lakalayʼi (Romanos 6:23). ¡Lhek tichinla lhimpaj... toj nilhokej mʼayhay toj lewuhiyela che lewʼen toj awʼatshancheyaj toj naj lapesa!

Lewʼenla wuj lawhoy toj lawuye wujpe mʼak toj is. Molhyej yahemen toj yahanej letachema halʼo lhipey, toj otenek cha wuk lepak cuadros. Chejpo lewatlok alechefwenej tsotoy wet halʼoy. Wuk chejpo lewatlok che letofwelej honhat elh wet laka wichi. Molhyejt lewʼenla awʼatshancheyaj toj naj lapesa lewuhiyela wujpe mʼayhay.

Lewʼenla pitaj ifwalas yomlak lawuye wuj nʼokalayʼis. Ihichela wujpe nekchomis toj yomtilak letofwelej wuj wichi Dios lhoyfwas. Natafwenhiyheja mʼayhay toj iwuye, lakeyis wet nenlhoyfwasa. Am lahemnhila wet lhamil nhayhumnhenla (1 Corintios 13:8). Toj lewʼenla awʼatshancheyaj toj naj lapesa, lewuhiyela che lawʼen akalayʼis toj iʼpe nilhokej honhat. Che ahope Heowa kalayʼi, ifwala elh pej toj tefwaytsi toj ihi honhat toj nechayek yomtilak lhoyʼa lhipʼej toj newaye wet toj hope akalayʼi. ¡Alhene Dios kalayʼi yomtilak tiyajʼattsi!