Che lhen Dios akalayʼiya hope mʼak toj is, lhoyʼa lhip toj is mʼak toj ihla amej. Dios ichefwenla amej mʼak toj lawuye yomtilak akojʼyaj ihi, wet nemla alhaklʼi iʼamej tejlak iche mʼak toj niʼisa. Dios itihila kanhi lhakeyʼis toj niʼisahen toj yikhonchi lhatʼisanis, molhyej toj ochaye mʼak che hope toj nitolhaye Dios. Lham tachʼahuhiyela atalhyaj. Dios hiwʼenla amho atamsik wet lhoyʼa lhip toj lechala ame hop toj aʼisej Dios (Salmo 71:5; 73:28). Lawhoy toj lehi lawithoy Dios tachʼut ame (Salmo 18:18). Dios iwhula lawañhat toj hope nʼowʼatshancheyaj toj tʼun (Romanos 6:23).

Che yʼatot aye Dios, hote yʼatot aye Dios lakalayʼis. Dios lhoyfwasa hopkhila akalayʼis, wet lhamil matche toj hopkhihena hawʼet lheley. Lhamil akoslaweto toj ichefwen amej mʼak toj tolhe Dios, tachʼutla ame wet nemhi iche akʼefwincho.

Lhalhamil yʼahotehi iwuye Dios. Dios hiwʼen wujpe nekchomis, lahanyaj ihi wet lakajyhayaj ihi hotehi iwuye lhalhamil. Toj molhyejtsu, is che lahanej che hope Dios lhoyfwa hotehitʼe iwuye hinʼul lhoyfwa. Lham hope Niyat toj matche toj iʼpe nilhokej iñhoj. Chik yʼawatlok Dios nʼayen lhoyfwasa, is che nʼachʼahuya wet nawuye toj Lham, toj molhyejtsu akojyaj ihla amej. (Isaías 48:18).