Satanás iwatlok lawuye mʼayhay toj tolhe nʼoltshantsaja. Wujpe wichi ihuyej toj hayawu (hiyawetaj) hopkhilak ichesat amej, nuj lawithoy toj lukwey wuk iwuyneje mʼak toj niʼisa toj aʼelh. Lhamil lechaye che hop espiritus toj niʼisahen iwuye mʼayhay niʼisa wet hiwʼen nuway. Wichi hote yenlhi lamisilis toj chitanil lhilʼe hopkhilak amajej hanʼafwas. Hote iyoyej “kachalis” tsi lhamil lechaye che hiwʼen takhajay hopkhilak ichesat lhamej, wuk ilenche tisan lhoyʼa mʼak tajtso tsi lechaye che tachʼut laʼame.

Chik ahope Dios kalayʼi Ahottaj iwuhiyeʼa nilhokej mʼayhay che lahemen. Heowa lhoyʼa laka ángeles lhoyʼa lhip takhajay inʼetpe Ahottaj wet ahot lhayis (Santiago 2:19; Revelación 12:9). Heowa iwatlok ichemyenlhi latakhajay yomtilak lhoyfwasa isej, tajlhame wichi toj techaye toj matche (2 Crónicas 16:9).

Dios Lhomtes yuk: “Yej alhen hanʼältshantsaja”. Nilhokej wichi hayawu wet ‘nʼoltshantsaja’ chemet iwuye ichoj ame Ahottaj kajyhayaj. Hop toj Heowa noyehu lechemyaj (Levítico 19:26).