Is che letahuyej akalayʼi, yomtilak pitaj lawhoy toj akalayʼi. Am latachʼahuye wet lham tachʼahuye ame. Hote lhomejlhi lham toj is iñhoj wichi. Hoteʼiwuye chik lewatlok tʼun lawhoy toj ahope Dios kalayʼi. Natetshan Dios Lhomtes toj yome mʼak toj is che nawuye.

Iwupej alhyajayej Dios. “Yej leyej tä lewopej alhyaja” (Romanos 12:12).

Yahin Dios Lhomtes. “Nilhokej Nʼolesaynhay tä ihi Lehi tälho tʼat Dios leyalh, wet tʼuhawetej che õyen chufweyaja, wet õyen fwonyaja” (2 Timoteo 3:16).

Chefwenej aiñhoj mʼak toj is toj tolhe Dios. “Tä mälhyejtso, mäyay, hoyaye wichi tä ihiche nilhokej honhates, chufwenhen yämthilek lhayen ochufwenkaya. [...] Wet chufwenejen nilhokej mʼak tä oneʼtek lewoyaye yämthilek häte lhamel iwoye” (Mateo 28:19, 20).

 Amwoye Dios kalayʼis. “Elh tä lhaipʼajtej iyhäj tä ihan mʼakejen, lehanyaj ihihila” (Proverbios 13:20).

Huyej Wichi toj Yen Lhometa Heowa Lewʼet. “Nʼatʼukwe lhakey tä is yämlek yʼahumin nʼamehen wet yʼatchʼotej nʼamehen lhachumtes tä isen, [...] nʼanityen lhamejen” (Hebreos 10:24, 25).

Tachʼuta yomtilak yikchufwi nʼochemet toj tolhe Dios Niyatyaj. “Elh weihalhapej is chik mʼak tä iwom häpe tʼat mʼak tä pajche yen tichunhayaja. Häpkhitʼat mʼak tä nhuminak iwoye wok lhainityenej chik iwoye. Tsi elh tä akäjlhi tä iwo tʼawayhata, hap tä Dios ihumin” (2 Corintios 9:7).)