Ahot lhayis hopehen nʼolhikoy lhayis
Ahottaj wet ahot lhayis matche toj fwitses. Lawhoy toj pajche pʼante Ahottaj ilonhen Job laloy tshotoy wet Job lakawos. Toj paj, ilonhen diez Job leles, toj ihone “yafwthitaj tä äytajiy” wet nichot katsi nʼowukwe toj lhamel ikchufwi. Hote, Ahottaj ichene Job “tʼinhayaj tä äytajchey, amostas tä isotajʼatpe tʼäj yäk yʼaje lhetek” (Job 1:7-19; 2:7).
Ifwalas pʼante toj Jesús ihi honhat hop ahot lhayis iwahnhiyejtʼa wichi iyhoj toj hiwʼenche honhat wet toj yomlhi (Mateo 9:32, 33; 12:22). Iche pʼante hinʼu toj ahot lhayis ilhelitpej lham wet tamenej lhayistejlhipej tʼunte lhipey (Marcos 5:5). Hote iche pʼante mamse tʼonlhipej wet ahot lhayis “ithat katsi wet leyalh tatäy” (Lucas 9:42).
Lawhoy toj pajche pʼante ahot lhayis ilonej tʼinhayaj wet ithat katsi wet leyalh tatoy wichi iyhoj.
Ifwalasna Ahottaj wet ahot lhayis hopehen lhoyʼa lhip nʼolhikoy lhayis. Athana aytsipej toj iwuye mʼayhay toj niʼisa, tolhey pʼante toj Dios itatey honhat Ahottaj wet ahot lhayis. Wujpe mʼayhay toj niʼisa toj iʼpe honhat inolit toj lhamel matche toj fwitses. Lhamel ilonej wichi iyhoj tʼinhayajay wuk hiwʼenho lafwilhek toj niʼisa wet iwahnhiyejtʼa che wichi iyhoj imohen. Ahot lhayis iwuye mʼak toj tolhe sexo toj iyej wichi iyhoj toj iʼpe honhat. Hop ahot lhayis tamenej toj iche wichi lhayen isuka (sekwa),toj ilon elh wuk lhailon.
Ifwalasna ahot lhayis ikalhi toj wichi iyhoj iwuye mʼak toj niʼisa. Lhamel hiwʼenho lafwilhek toj niʼisa wichi iyhoj.
Lintina toj ihi Surinam yomey toj ahot toj fwitsaj ilonhen 16 wichi, lewʼet lheley wet ipʼalseyenlhi tʼisan wet letichunhayajay ihi 18 nekchomis. Atsinhana yomey toj ahot lhayis “yahemen ipʼalseyenweto wichi toj laj letesa yak ilonhen”.
Mat, Heowa ikalhi toj tʼamajejla lakawos mʼayhay toj niʼisahen toj tolhey Ahottaj (Proverbios 18:10).
