Mat, ¿atsi toj tamenej toj Ahottaj wet ahot lhayis lhaikhajyenejen toj iwatlok ikanej wichi? Tsi lhamel iwatlok am ahote iwuye lhamel toj tatayhlo Dios. Lhamel iwatlok am lenʼokwiyej lhameltso. Iwatlok lematitche mʼayhay toj tolhe toj kamatachehena wet lawuye mʼayhaytso toj Heowa noyehu. Wuj mʼayhayna hopehen mʼayhay toj wichi iwuye toj tafwaytsi toj hinʼu yʼil.

Lawhoy toj elh hawʼet lhele toj yʼil matche toj oʼitaj mʼak toj lelote toj ihachʼoye. Nilhokej wichi iyej tajtso. Lawhoy toj yʼil pʼante lakalayʼi, “Jesús tafwlhi” (Juan 11:35). Toj molhyejtso, is tʼat che am lenolit mʼak toj oʼitaj che tumʼame.

Iche wujpe nʼokeyis toj wichi iwuyeje hinʼu toj tafwaytsi toj yʼil wet nʼokeyisna wʼenhachelhamej nilhokpe honhat. Wujpe nʼokeyistso tatayhlohitʼe mʼak toj ihi Dios Lhomtes. Mat, iche iyhoj nʼokeyistso toj wichi iwuye tsi imatitche toj hinʼu toj yʼil kamaj iloy wet lham iwuye che hiwʼenche honhat. Toj molhyejtso, che iche hinʼu che yʼil iyhoj wichi iwunhen velas, nemhi imohen nitokw honatsi wet iwuye mʼak at che hope hopkhilak akojyenlhi nʼopʼitsek, tsi hop toj nuwaya hop nʼopʼitsek. Mat, Dios Lhom tes ichufwen ame toj nʼopʼitsek “mʼak ihanhiyejtʼa” (Eclesiastés 9:5).Toj molhyejtso, wichi ihanhiyejtʼa toj iwuye tʼat mʼak toj tolhe Ahottaj.

Hote iwuye, iche iyhoj nʼokeyistso toj wichi iwuye tsi imatitche hop toj nʼopʼitsek iwatlo lechʼotyaj wichi toj iloyhiche wuk iwuyeje mʼak toj niʼisa tsi hop tawakoy. Lhip che hope toj ihi honhatna iche nʼokey toj wichi ihoye iglesia wet iwuye lenʼokhayaj hopkhilak tachʼote hinʼu toj yʼil “tiyojche” lhip toj wichi toj yʼinhen lewʼet. Wichi iyhoj yenlhi lhok wet mʼak che iyoyej nʼopʼitsektso.

Nilhokej nʼokeyistso isiʼa tsi tachʼote mʼayhay toj kamatache toj tolhey Ahottaj toj yome toj nʼopʼitsek kamaj iloy. Lhek tichunlhi, ¿ha Heowa ihuminchek am lawuye nʼokeyistso toj tolhey ahot lhayis lechufwenyajay? ¡kha! (2 Corintios 6:14-18).

Dios toj matche lakawos iwuhiyeʼa mʼayhaytso toj kamatachehena toj tolhey Ahottaj. Mat, Dios lakawostso ihumnhen wet lhaikhajyenhen toj tachʼote iyhoj. Lhamel ihanej toj tajlhamet Heowa toj iwuye che tachʼote hop hinʼu toj yʼil (Job 14:14, 15).

Wichi iyhoj lhamel tʼat toj tahuyej ahot lhayis wuk ihone hiyawu. Wujpe wichi ihoye hiyawu hopkhilak iwitʼayen iyhoj, alhe buena suerte wet tahuyej nʼopʼitseyhay.

Dios Lhomtes inolit toj mʼayhayna isiʼa wet yuk: “Yej alhen hiyawuya, wok lefwetaj lehanej mʼak tä ihichela. Yej alechufwenej tä lelänej tʼinhayaj häp aelh, wok alhen hanʼältshantsaja, wok lehoye hanʼältshantses wet letayʼätshaneje mʼak chik häpe. Yej lhämhoplhi ahät lhayis, wet yej tayʼätshane nʼopʼitseyhay. Tsi wuj tä iwäkyhayen Lhawuk häp iyhäj tä iwoye tähestso” (Deuteronomio 18:10-12).

¿Atsi toj tamenej toj Heowa yam takhajay lhomtes toj ifwel amhu mʼayhaytso?

Hopkhilak ais tʼat, Heowa ifwel amhu mʼayhayna toj niʼisahen toj tolhey espíritus. Lham inolit  toj aihumin wet iwatlok aʼhiwʼen toj ais tʼat, ihanej toj am che lematitche wuk lawuye mʼayhay toj tolhey espíritus toj paj apʼalitsajhila.

Nilda toj ihi pʼante Brasil hope hiyawu. Hop ahot lhayis iwuyeje nilhok mʼak toj niʼisa hopkhilak nemhi is. Atsinhana yome: “Hop espíritus ihiʼte otʼisan, iche ifwalas toj onom olenlhi tʼat wet iyhoj ifwalas oyalh tatoy wet nʼohonʼuye kachawʼet hop toj ohanhitʼe pʼante honhatej. Hop ahot lhayis nilhok ifwalas toj niwuyanʼotamseka toj paj nemhi is olhetek. Toj molhyejtso, oyayej kachalis, owo tesa toj oyayej alcohol wet otufw yokwas (nʼtefw yukwas). Nilhokej mʼayhayna pitaj lawhoy toj owoye”.

Toj paj, toj isej Heowa wet laka wichi toj yen lhometa toj tachʼote, Nilda neche is nemhi ahot lhayis ilheklitlhi, hiwʼen lenʼayij toj is alhoho wet tʼisan nemhi iche tʼinhayaj. Atsinhatso yome: “Olham ofwel amhohen hopkhilak toj aisen, yaj alepʼajtej mʼayhay toj tolhey ahot lhayis, lhamche lhimpaj lawhoy”.