Martín itichunejlhi nilhokej mʼayhay toj Pedro ifwenho p’ante. Nechʼehitʼa toj ilate toj nʼoyome mʼak toj hope Biblia, pajche pʼante ihanej toj librotso pajche wet nʼotʼamajchet. Mat, malhyej toj wujpe mʼayhay toj profetas yome pʼante nʼal tʼat, lham athana yen tichunhayaja toj Biblia tajlhamhiyetʼa che hope mʼak toj pajche wet nʼotʼamajchet. Lham tayʼotshan lhamej toj chi pʼante iwoyneje hinʼul toj ilesayen pʼante Biblia, hopkhilak ihanej mʼayhay toj yome científicos wet mʼayhay toj pajche. ¿Chi pʼante lhamel italhthi mʼayhay toj lhamel ihanej?

Ifwala elh pʼante, Martín wet Cristina isiyake pʼante wichi toj iwhoye lewʼet hopkhilak tayʼotshanehen chi pʼante iwoyneje hinʼul toj ilesayen pʼante Dios Lhomtes hopkhilak ihanej nilhokej mʼayhay toj ihichela.

—Hinʼultso —yomlhi pʼante Pedro— malhyej iwoye p’ante nʼokawos toj ilesayen mʼak toj lewuk ifwenho. Elh toj lhenek Biblia hope Nʼojcha toj nilhokej wichi toj iʼpe honhat lajcha.

—¿Ha Nʼojcha toj nilhokej wichi toj iʼpe honhat lajcha? —tayʼotshan pʼante Martín—. Wet ¿atsi toj hope?

—Lham toj hiwʼenho nʼowʼatshancheyaj nilhokej wichi. Wet malhyej iwoye nʼojcha che hope, hiwʼen lhey —yʼitat pʼante Pedro wet tʼukwe Salmo 83:18 hopkhilak iyahyen. Nʼolhomtesna yok:

• “Hopkhilak wichi ihanej toj ey hope Heowa, tajlhamet am toj ahope Nʼowujtaj toj iʼpe nilhok honhat” (Nuevo Mundo).cuyo nombre es Jehová, tú solo eres el Altísimo sobre toda la tierra.”

Pedro iyahyen hopkhilak Martín tachʼahuye versículo elh toj ihi Biblia toj yome toj Heowa yopʼantek: “Tälhe tä  nechʼenyaya tä oyen lhämeta mʼak tä ihichela häp lewhäy tä lepes. Lhäyʼe lhip tä pajche tä oyen silätyaja mʼak tä ihichela häp lewhäy tä tatay alhoho” (Isaías 46:10). —Malhyej iwoye nʼojcha toj ihanej lhayʼe lhip mʼayhay toj leles ihanej —yʼitat pʼante Pedro—, hop Nʼojcha toj nilhokej wichi toj iʼpe honhat lajcha, Heowa, hiwʼen lhayʼe lhip nʼotafwnhayaj wet nʼohanyaj toj nawʼen wet iwoyek yome mʼayhay toj ihichela. Hop toj tamenej toj iwoye pʼante che ilesayen mʼayhay toj ihichela toj ihi Biblia, tej toj kamaj ninʼala.

Martín tayʼotshan— ¿Ha toja yome toj Heowa ihanej mʼak toj ihiyeja Cristina wet olham?

—Matche, mat Heowa ilesayenhitʼa pʼante mʼayhay toj ihiyeja weihalhapej hinʼu. Mat, malhyej iwoye nʼojcha itafwelej lhawitʼayhyajay wet ihuminchek tachʼot namehen.

Toj malhyejtso, Pedro ifwenho pʼante Martín toj Heowa, ichumyenlhi Lhomtes, hiwʼen namhomche lechʼotyaj hopkhilak lhatamsekis ihi wet lhakajyaj ihiche wet ichufwen namejen m’ak toj is che natshupyene toj nawoye hopkhilak is mʼayhay toj nehi athana wet mʼayhay toj nehihla.

Martín yen tichunhayaja toj mʼayhayna wʼawulhitche hope mʼayhay toj is alhoho, tsi lham tʼat toj lhaikhajyen hopkhilak leles lekajyaj ihiche lewhay toj tataye. Pedro inʼaltej pʼante Martín wet lechʼefwa mʼayhayna toj ihi Dios Lhomtes toj nʼanhila:

• “Itäyhat nʼokaʼtshayajay, yäk nichäte honhat lhip tä lepes” (Salmo 46:9).

• “Wichi yenlawethä lewukwey wet ihlachufwi, wet itihlahchä yachuyaj lhay wet tufwila. Ihichetʼala hʼino chik yenlhi lewukwe wet elh yen lewukweya, wok elh tutchey wet elh tufw. Pitajla lewʼatshancheyaj häp oka wichi” (Isaías 65:21, 22).

•  “Is chik wuj yachuyaj tä ihi laka honhat, is chik lhayʼe lhip tä iʼpe chenhas lhipey tä atoschephä” (Salmo 72:16)

• “Wet ilejihena nilhokej tatetʼilis, wet nemla iche nʼotʼilek lhäyʼe nʼolhakli, nʼolhafwyhayaj, nʼoteläythayaj. Tsi tajyäme mʼayhay tä pajche iche, noj tʼat” (Apocalipsis 21:4).

Nilhokej mʼayhayna toj matche toj isis toj Dios yome pʼante toj yenhilhila nichate pʼante Martín letʼotle. Matche toj ihuminchek iloyhi toj iʼpe honhat toj nʼoʼisyaj tapoyej, newache nʼotʼinhayajay, nʼotʼilek wet nehlas. Mʼayhayna hote nichate pʼante Cristina letʼotle, mat kamaj lhimpaj toj ikachu.

—Ohanej tʼat mʼak toj atichunhayaj Cristina —Pedro tahuyej pʼante Cristina—. Mat, malhyej toj natetshanne wujpe iyhoj mʼayhay toj Dios laka profetas ilesayen pʼante nilhokej nʼal pʼante. ¿Ha lematitche mʼayhayna toj Dios yome pʼante toj yenhilhila nʼanhila tʼat? Elh toj lhenek Biblia yome mʼayhayna toj kalelhoj toj nʼanhila, ihi Apocalipsis 21:5 yok: “Lesayen tähesna, tsi matchehen nʼolhämtesna wet tʼuhawetej chik wichi tʼekhaye”.