N’OCHUFWENYAJ 2
¿Atsi toj hope n’ot’ekhahyaj toj matche?
Hate iwoye chinaj t’oj, hop n’ot’ekhahyaj is che matche hopkhilak laha ihi
N’OT’EKHAHYAJ toj matche tajlhamhiyet’a che n’oelh imatitche toj Dios iche. Millones wichi toj yome toj ihanlhi Dios, mat iwoye m’ayhay toj ni’isa. N’ot’ekhahyajtso malhyej iwoye chinaj t’oj toj niwohit lahaya. Toj malhyejtso, ¿atsi toj hope n’ot’ekhahyaj toj matche?
N’ot’ekhahyaj toj matche talhe n’otafwnhayaj toj talho N’olesaynhay toj N’ot’amajchet. N’olesaynhayna toj talhe Dios ifwel namhohen m’ak toj matche toj hope Dios wet iwahin namejen toj natafwelej. Hote ipayen namehen laka leyes, lenech’ethayajay wet lechufwenyajay. N’ochufwenyajay toj malhyej tohesna:
-
Dios hope Dios toj weihalha. Ihichet’a n’oelh che hate iwoye.
-
Jesús khi’a Dios toj takhajay toj inu’pe m’ak che hope; hope Dios lechenek.
-
Dios n’ayiho n’oelh toj n’okwiyej m’ak at che hope.
-
Yam alhoho ifwala toj n’otihiyeja wichi n’okalelhthayaj.
-
Millones wichi toj y’inhen p’ante yachajohla toj ilayhiche, ihihla Honhat toj w’atshan wet isilataj.
N’ot’ekhahyaj toj matche inityen namejen che nawoye m’ayhay toj isis. M’ayhayna hopehen m’ayhay toj iwujyen Dios wet naisej lhay’e naiyhaj. Malhyej tohesna:
-
Toj nan’okwiyej Dios.
-
Toj nachiyhelit n’ochumyahay toj ikajyenlhi Dios, malhyej n’ohumnhayaj.
-
Toj natekawayhla lhatichunhayajay wet lhat’akonyajay toj ni’isa.
-
Toj nakajyen lhat’ekhahjyaj toj natiyej Dios tej toj iche lhawit’ayhyajay.
-
Toj nachufwenej naiyhaj atsi toj hope Dios.
Hop n’ot’ekhahyaj toj matche inityenej wichi hopkhilak iwoye m’ayhay toj isis
¿Chi nawoyneje hopkhilak nachiyhelit n’ot’ekhahyaj toj matche toj inamhiche?
Hop n’ot’ekhahyaj toj matche malhyej iwoye n’okwets’e, lhaichiyhelit che n’ochumyenlhi
Is che nat’alhe Dios lech’otyaj. Profeta Moisés iwo t’alhyajaye p’ante Dios: «Olhaip’altsen ame, fwel n’oho m’ak tä lewohiyela häpkhilek ot’ekha ame wet nittäya n’oyej tä a’akäjlhi n’oyej». a Dios tach’ahuye p’ante t’alhyaj wet nichulho p’ante. Moisés hope p’ante hin’u toj t’ekhahyaj ihi inu’pe elh che hope. Dios hote tach’otla namehen toj nachiyhelit n’ot’ekhahyaj toj matche.
Is che natiyej kanhi m’ayhay iyhaj hopkhilak nalechufwenej Dios Lhomtes. N’olesaynhay toj talhe Dios ihi Biblia, toj hope libro toj inu’pe iyhaj toj n’owo iyhaja lhomtes wet n’ow’enhomche wichi toj i’pe nilhok honhatna. ¿Ha lew’en librona?
Is che nawoye m’ayhay toj Dios Lhomtes yome. N’ot’ekhahyaj toj matche malhyej iwoye n’okwets’e, lhaichiyhelit che n’ochumyenlhi. Che nawoye m’ak toj talhe lhat’ekhahyaj, nahanlhi m’ayhay toj yome Dios, naisiyeja. Biblia tach’ote p’ante wujpe wichi hopkhilak inukwe len’ayij toj is. Librofwajna lew’ole toj ihan elhna in’alit namejen toja.
