IFWALASNA iche wujpe n’owit’ayhyajay: n’oka’tshayajay, honhat w’ahu wet wichi toj hich’ahen, n’ot’inhayajay, wichi toj p’alitses, wichi toj akantses..., wet nilhokej m’ayhaytso iwo lelhakliya millones wichi. N’alej toj am lew’en alhakli. ¿Atsi toj iwoyek tach’ot namehen? ¿Ha iche n’oelh toj itetshan wichi?

Iwoyek imalhewek toj namatitche toj Dios yen lelhakliya m’ak toj inamejen. Lhomtes toj N’ot’amajchet ikalelhat namhohen: «¿Hä atsinha ihanej tä hip’ethatlä häp lhäs, wok ileyej tä ihumin? Matche, elat iche elh tä hip’ethatlä häp lhäs, wok nemhit ihumin. Mat häp olham tek op’ethathila ahilä». a

Toj nahanej toja, ¡matche toj naikajyenhen! Dios lehumnhayaj toj iti namejen hope n’ohumnhayaj toj inu’pe atsinha lehumnhayaj toj itiyej lhos, hope hin’u lechumyaj toj matche toj takhajay. ¡Dios ihanhiyejt’ala che naiwomhen! Lham wak’alh t’at hopkhilak tach’ot namehen. ¿Chi iwoyneje? Ipayen t’at namehen lepe toj n’okajyaj ihi: n’ot’ekhahyaj toj matche.

Hop n’ot’ekhahyajna hiw’enla namhomche lhakajyaj, lhay’e toj nachumyenlhi n’ot’ekhahyajna hopkhilak natiyej kanhi wok nanofwat wujpe lhawit’ayhyajay. Lhay’e toj t’aytsihla toj namwhoye Dios wet nakatejla n’otamsek toj matche. Hote, n’ot’ekhahyaj toj matche inuhyenla namkwehen n’ayij toj tataye m’ayhay toj isis, malhyej n’ow’atshancheyaj toj naj lepesa toj ihi Honhat toj w’atshan wet isilataj.

Mat, ¿atsi toj hope n’ot’ekhahyaj toj matche? Wet ¿chi nawoyneje hopkhilak lhaichiyhelit n’ot’ekhahyajtso?