Wujpe lewhay toj tumejla toj yenlhi Adán, Heowa yenlhi pʼante tefwajni ángel toj wuj toj takhajay toj ihi pele. Hopkhilak nakajyenlhi Heowa is che natchʼahuye angeltso toj lhayʼe lhip toj laha ihi.

Toj tafwaytsi toj yenlhi pʼante angeltso, Dios ithatho pʼante María malhyej iwoye hanʼafwaj. Lhutshatso hope pʼante atsinha toj kamaj lhaknʼajaye hinʼu che hope wet iwo pʼante lhosa. Hanʼafwajtso nichathihcha Belén wet yen pʼante lheya Jesús (Juan 6:38).

Lewhay toj Jesús iche pʼante Honhat, inʼalit toj hope pʼante hinʼu toj is wet humnhatsaj malhyej iwoye Heowa. Toj malhyejtso, wichi tʼupʼantehlak iwhaye lham. Hope pʼante hinʼu toj tʼotle tʼun, ichufwenej pʼante wichi mʼak toj matche toj talhe Dios.

Hate ichesthen pʼante wichi toj tʼinhayaj ilanhen wet ilayhthiche pʼante wichi toj yʼinhen.

Nʼochufwenyajwos nʼayiho pʼante Jesús, tsi Jesús yome pʼante toj lhamel iwoye mʼak toj niʼisa wet ichufwenejen mʼak toj kamatache wichi.

Hop Nʼochufwenyajwos ifwenho pʼante mʼak toj kamatache niyatey toj romano lhayis hopkhilak ipajlhi wet ilan Jesús.