N’OCHUFWENYAJ 6
Pelhay toj Wuj pʼante, ¿atsi mʼak toj ichufwen namejen?
Dios itayhat pʼante wichi toj tachʼahuhiyetʼa, mat ifwayhat Noé wet lewʼet lheley (Génesis 7:11, 12, 23).
Iwomcha pʼante cuarenta ifwalas wet cuarenta honatsis. Hop inat hipʼoʼpe Honhat wet nilhokej wichi toj fwitses yʼinhen pʼante.
Hop ángeles toj tatayhla Dios iwom pʼante tʼisanis toj hinʼul wet lhaipʼajtej Satanás. Lhayen hopeya ahot lhayis.
Tajlhamet mʼayhay toj ihi Noé lehi toj tafwayhen pʼante. Wet, tej toj paj, Noé wet lewʼet lheley yʼinhen pʼante, mat Dios hiwʼenhomchela lewʼatshancheyaj wet ilayhichehla pajlaʼtha tiyajʼattsiy.
Dios yachajohla che itayhat wichi toj fwitses wet ifwayhthenla wichi toj isen (Mateo 24:37-39).
Hop Ahottaj wet ahot lhayis kamaj ifwechʼenwetha wichi hopkhilak nitchʼahuyaye Heowa.
Ifwalasna, malhyej iwoye lewhay toj iche pʼante Noé, wujpe wichi ihuminhitʼa che tachʼahuye Heowa lefwonyajay toj yʼisej lehumnhayaj. Tatay lhimpaj lewhay wet Lham itayhthila wichi toj fwitses (2 Pedro 2:5, 6).
Mat hate iche wichi toj malhyej iwoye Noé, iwoye mʼak toj Dios neʼtek iwoye. Lhamel hopehen wichi toj yen lhometa Heowa.
Hate nʼalej toj iwoyek lehumin
LIBROS WET LIBROFWAS
¿Atsi toj niyatej mʼayhay toj ihonhatena?
Iwoyek leseltej Biblia lechulhyahay. Tetsanchʼoye atsi toj tamenej toj laha ihi che lehanej athana wet mʼak toj hopkhila lewhay toj tatay alhoho.
