HEOWA tachʼotla ame hopkhilak letatayhla mʼak toj lhen alhakliya, ichesten atichunhayajay toj lelatshay ihi wet lhen akajyaja toj atichunhayaj letamsek ihi. Che am lekalhi tajtso, letʼuhlahlak lhachajo toj letachumhoplhi Heowa toj ihi congregación. Mʼak toj lhehi iwoyek hatet iwoye cristianos toj ihi siglo toj ichun toj Pedro yome toj yok: «Hop toj fwalas toj pajche amel amalhyet iwoye tsonʼatas toj wetahen. Mat athana letapilaye elh toj tʼuye ahusey, hatet iwoye tsonʼataswo toj tʼuyehen lelay» (1 Pedro 2:25, La Biblia. Traducción del Nuevo Mundo [NWT]).

Mʼak toj lhayʼe lhip toj is toj iwoyek lewoye hope toj yachajo toj aise Heowa. ¿Atsi mʼak toj tamenej? Toj ichun hope toj nakajyenlhi hop Heowa (Proverbios 27:11). Malhyej toj am lehanej mʼak at che hope che namel nawoye ikajyenhilhila Heowa wok ifwitajayenla hop toj lham hiwʼen mʼak toj nawoye. Mat lham inityenhitʼa namel che nahumin wok nachumhoplhi (Deuteronomio 30:19, 20). Toj nanʼalit toj nahumin Heowa talhe namel che natshupiye toj nachumhoplhi lham. Toj natʼifwtiyej Heowa hope nʼowʼayhat toj is toj iwoyek nawʼenho lham wet tajtso matche toj yen lekajyaja. Ihichetʼa mʼak at che hope toj hiwʼen namhohen lhakajyaj tajlhamet toj nanʼokwiyej Heowa malhyej toj tʼujawetej (Apóstoles Lhenhay 20:35; Apocalipsis 4:11).

Hate lewhay che lhaple Heowa lekatiyeja nʼolhak toj nʼotʼamajchet toj lewatla (Mateo 5:3). Malhyej toja, wujpe wichi tayʼatshan lhamejen mʼak toj tamenej toj nechehen, wet hiwʼenhitʼa lechulhyaj nʼoyʼatshanekna wet iyhaj nʼoyʼatshanhay toj laha ihi. Heowa yenlhi pʼante namel hop toj tʼuhlak natafwelej wet ihanej toj lhakajyaj ihi che tajlhamet lham toj natchumhoplhi. Hop toj tamenej toj matchehla toj akajyaj ihi che letachumhoplhi Heowa hop toj letiyej ahumnhayaj (Salmo 63:1-5).

Heowa tʼuhlak lhaple laka wichi. Folletona toj leyahyen ikalelhat amho tajtso. Toj nʼoyenlhi folletona matche toj nʼotʼamajej wet nʼotʼalhe Heowa lechʼotyaj. Iche pʼante pʼiya, toj hinʼul toj tʼuye lepunfwa wok elh ipunfwa toj hiwʼen amho, wet am leyahyen. Toj leyahyen naji mʼak toj ihi folletona nʼalej toj ichate ahusek. Nilhokej tajtso inʼalit toj Heowa hipʼethathitʼahla wet inʼalthila amej lehumnhayaj che letachumla (Juan 6:44).

Toj Heowa hipʼethathitʼahla lelay tsonʼatas toj wetahen ikhajyen namel. Tajtso hop toj iyej pʼante lhapunfwa atshina toj lhey Donna. Lham yome toja: «Lhimpajpej toj oleyej hop Heowa mat otichunpej chʼoye mʼak toj Salmo 139:23, 24 yome, toj yok: «Dios, tetshannʼo wet täfwelej ohusek. Elhat nʼoye wet äp täfwelej otichunhayajay. Yahin chik owoye mʼak tä niʼisa. Yej tachʼanlha nʼoye, mat hän nʼokwe nʼäyij tä lajit lepesa». Mʼayhay toj ihi honhatna toj lewuk Satanás hopkhitʼa mʼak toj tʼuhawetej che oihi. Lewhay toj oihi ihichetʼa lewhay che ois. Pajche ohanej tʼat toj lhip toj is che oihi hope tʼat congregación. Nechʼe ohanej tʼat toj Heowa ihichetʼa lewhay toj ile nʼoyej, tajlhamet toj is che olhoke nʼayij toj tataye hop lham. ¡Matche toj oyen kajyaja toj oyaple hop Heowa!».

Olhamel owo tʼalhyajaye hop Heowa hopkhilak yachajo toj «aʼakäjejlhi Lhawuk» (Nehemías 8:10). Is che kalelhaj amho toj afwitajayaj ihihitʼala che yachajo toj aise Lhajcha toj ihi pele.