NʼOCHUFWENYAJ 03
¿Ha iwoyek nʼotʼekhaye Biblia?
Hop Biblia yome pʼante wujpe mʼayhay toj ihichela wet nʼofwonyajay. Nʼalej toj am letʼuhlak lehanej mʼak toj lechufwenyaj. Mat nʼalej toj iwoyek lekachu mʼayhay toj Biblia yome. ¿Iwoyek natʼekhaye mʼayhay toj yome pʼante wet nʼofwonyajay toj ihi libro toj matche toj pajche? ¿Ha tʼuhawetej che namatitche toj mʼak toj Biblia yome iwoyek nen kajyaja mʼak toj nehi athana wet lewhayis toj tatay alhoho? Wujpe wichi tʼekhaye tajtso. Olhamel otʼalh ame, che am tʼat toj letetshanchʼoye mʼak toj tamenej toj lhamel letichunhayaj malhyejtso, wet tetshan che lematitche tajtso.
1. ¿Ha matche tʼat toj iche pʼante mʼak toj Biblia yome?
Hop Biblia yome nʼolhomtes toj matchehen toj is che alhoho toj nʼolesayen pʼante (Eclesiastés 12:10). Yome mʼayhay toj matchehen wet yome wichi toj matchehen toj iche pʼante (yahyen Lucas 1:3; 3:1, 2). Wujpe iyhaj toj lhaichufwenej mʼayhay toj iche pʼante toj pajche wet arqueólogos ikalelhat toj mʼak toj Biblia yome matche tʼat, malhyej ifwalas, wichi toj yome, lhipey toj ihi wet mʼayhay toj iche.
2. ¿Atsi mʼak toj tamenej toj natʼekhaye Biblia tej toj hope libro toj pajche?
Talhe tʼat toj pajche Biblia yome mʼayhay toj wichi kamaj itafwnhichetʼa. Malhyej toja, yome mʼayhay toj yiwtejla ciencia. Wet tajtso lewhayis toj nʼolesayen wujpe wichi letichunhayaj wʼenha lhamej toj itiyej mʼayhaytso. Mat, ifwalasna, ciencia ikalelhat toj mʼak toj Biblia yome tajo tʼat lewʼet. Mʼayhay toj ihi «häpe tʼat lhämtes tä nittäya pajlaʼtha tiyäjʼattsiy, wet häpe tʼat mʼak tä matche wet is alhoho» (Salmo 111:8).
3. ¿Atsi mʼak toj tamenej toj natʼekhaye mʼak toj Biblia yome toj yomeje mʼak toj tatay alhoho?
Hop Biblia yome profecías a toj «yen silätyaja mʼak tä ihichela häp lewhäy tä tatay alhoho» (Isaías 46:10). Hop profeciasna tajo lewʼet toj yome wujpe mʼayhay toj pajche toj ihi pʼante lewhay toj kamaj nanhitʼa. Hate yome nilhokej mʼayhay toj iche ifwalasna. Toj ihi nʼochufwenyajna natetshanla iyhaj profecías toj ihi Biblia, iwoyek naseltej toj tajo lewʼet mʼak toj yome.
NATʼAYHETTSHI TOJ NALECHUFWENEJ
Natetshan chi malhyej (ep hote) toj ciencia tatayhitʼahla mʼayhay toj Biblia yome wet natetshanla iyhaj profecías toj iwoyek naseltej.
4. Hop ciencia lhaithatche mʼak toj Biblia yome
Tafwaytshi wujpe nekchomis, wujpe wichi lhamel fwetaj iche mʼak toj honhat iʼpe. Yahin VIDEO.
Lhek tetshan mʼak toj yome hop libro Job toj nʼolesayen pʼante toj tafwaytshi 3.500 nekchomis. Yahyen Job 26:7 wet ame mʼayhayna:
-
¿Atsi mʼak toj tamenej toj iwoyek naseltej toj Biblia yome toj honhat ihi tʼat lhip toj laj letakeka?
Hop Biblia ikalelhat chi malhyej (ep hote) toj inat nilhok lewhay toj iche, hop fwala tamenej toj inat tiyaj kapha wet inattso nitsayhcha, nechʼe hope pelhay wet yapnho lewʼet. Tafwaytshi 200 nekchomis nechʼe toj nʼohanej mʼak toj iwoye inat. Mat lhek tetshan mʼak toj Biblia yomeje pʼante tafwaytshi miles nekchomis. Yahyen Job 36:27, 28 wet ame mʼayhayna:
-
¿Atsi mʼak toj am lehumin toj ihi texto toj ikalelhat mʼak toj iwoye inat?
-
Mʼak toj leyahyenne toj ihi texto, ¿ha tachʼot ame hopkhilak tʼaytshi toj letʼekhaye Biblia?
5. Hop Biblia pajche pʼante yome mʼayhay toj iche pʼante toj matche toj laha ihi
Yahyen Isaías 44:27-45:2 wet ame mʼayhayna:
-
¿Atsi mʼayhay iyhaj toj Biblia yome pʼante toj ihiyeja Babilonia 200 nekchomis toj kamaj nanhitʼa tajtso?
Hop mʼayhay toj iche pʼante lewhayis toj pajche inʼalit tʼat toj nekchom 539 toj kamaj Jesús neyache, iche pʼante niyat toj ihi Persia toj lhey Ciro wet laka nifwotas toj lhamel inuye pʼante hop Babilonia wet ikalhi. Lhamel inuhyenkwe elh lenʼayij hop tewok toj ilunejlhi hupuytso. Wet toj Babilonia pajche pʼante tafwochehen lepel, lhamel iwoye pʼante toj tiyaj lechʼoye wet tej toj tatayhitʼahla wichi toj ihi pʼante hop hupuytso, lhamel ikalhi. Athana tafwaytshi 2.500 nekchomis toj nʼal pʼante tajtso, wet Babilonia kamaj hope tʼat hupuy lhipey. Lhek tetshan athana, mʼak toj Biblia pajche pʼante yome.
Yahyen Isaías 13:19, 20 wet ame mʼayhayna:
-
¿Chi malhyej (Ep hote) pʼante toj nʼal profeciana?
Hop Babilonia hupuy lhipey, toj ihi Irak
6. Hop Biblia pajche pʼante yome mʼayhay toj iche ifwalasna
Hop Biblia iwo lheya ifwalasna toj nehi toj yok: «lewhäy che lepese» (2 Timoteo 3:1). Lhek tetshan mʼak toj yome pʼante toj ihichela lewhaytso.
Yahyen Mateo 24:6, 7 wet ame mʼayhayna:
-
¿Atsi mʼayhay iyhaj toj matche toj laha ihi pʼante toj Biblia yome toj yiwitla ifwalas toj lepes?
Yahyen 2 Timoteo 3:1-5 wet ame mʼayhayna:
-
Malhyej toj Biblia yome pʼante, ¿chi malhyej (ep hote) wujpe wichi toj ihi lewhayis toj lepes?
-
Hop nʼokeyis toj texto yome, ¿atsi iyhaj toj am lewʼen toj iyej wichi?
IYHAJ WICHI YOME TOJA: «Biblia hope libro toj matche toj pajche».
-
¿Atsi mʼak toj matche toj ikalelhat amho toj letʼekhaye Biblia?
MʼAYHAY TOJ LETETSHANNE
Hop ciencia, mʼayhay toj pajche iche pʼante wet profecías inʼalit toj iwoyek natʼekhaye Biblia.
Mʼayhay toj nalechufwenejne
-
¿Ha matche toj iche pʼante mʼak toj Biblia yome?
-
¿Atsi mʼayhay toj Biblia yome toj hate ciencia yome toj matche athana?
-
¿Ha am letʼekhaye toj Biblia yome mʼak toj tatay alhoho? ¿Atsi mʼak toj tamenej toj malhyejtso atichunhayaj?
IWOYEK LEWʼEN IYHAJ MʼAYHAY:
Malhyej toj científicos yome, ¿ha matche mʼayhay toj ihi Biblia?
«¿Ha Biblia tajo lewʼet toj yome ciencia?» (Nʼochufwenyaj toj ihi jw.org)
¿Atsi mʼayhay toj inʼalit toj nehi ifwalas toj lepes?
«Seis profecías toj ihi Biblia nʼal tʼat» La Atalaya, 1 toj mayo toj 2011
Tetshan chi malhyej (ep hote) toj nʼal pʼante hop profecías toj ihi Biblia toj yome nʼoniyatyaj toj ihi honhat toj Grecia.
Tetshan chi malhyej (ep hote) toj Biblia tamenej toj hinʼu iwo elha letichunhayaj toj itiyej Biblia.
a Hop profecías hate yome Dios lesilotyaj toj yomeje mʼak toj tatay alhoho.
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
