NʼOCHUFWENYAJ 01
¿Chi malhyej (Ep hote) toj Biblia iwoyek tachʼot ame?
Wujpe wichi wet namel nawatlak nahanej mʼak toj nehi, nʼotelaythayajay, nʼotʼilek wet lhayʼe mʼak toj natataye. Lhayʼe toj nen lhakliya mʼayhay toj lhamyaj tʼat toj ifwalapej nawoye, malhyej toja, toj nakalhi chinaj tʼoj hopkhilak nekchufwi toj nalayhiche wet lhayʼe toj nen lhakliya lhawʼet lheley. Wujpe wichi hiwʼen toj nʼoyʼatshanhaytso toj matche toj laha ihi lechulhyajay ihi Biblia, mat tsʼilakhitʼa tajtso hate lhamel ihanej toj Biblia hiwʼenho nʼofwonyajay toj yiwtejla mʼayhay toj iwoye ifwalapej. ¿Ha lefwetaj toj Biblia iwoyek tachʼote nʼoelh toj am letafwelej?
1. ¿Atsi iyhaj nʼoyʼatshanhay toj Biblia nichulho?
Biblia nichulho nʼoyʼatshanhay toj matche toj laha ihi malhyej toja: ¿chi malhyej (ep hote) toj iwo tesa nʼowʼatshancheyaj?, ¿atsi mʼak toj tamenej toj nehi lhipna?, ¿atsi mʼak toj tamenej toj ihi nʼotelaythayaj wichi toj isen?, ¿atsi mʼak toj iche toj tafwaytshi toj nʼoelh yʼil?, che wichi iwatlak ihi nʼotamsek, ¿atsi mʼak toj tamenej toj iche wujpe nʼokaʼtshayajay? wet ¿atsi mʼak toj ihiyeja honhat toj nehina? Hop Biblia tʼalh namehen che natʼukwe lechulhyajay nʼoyʼatshanhayna toj ihi, wet millones wichi toj lhamel hiwʼen lechulhyajay nʼoyʼatshanhaytso, lhamel matche toj yen lekajyaja.
2. ¿Atsi mʼak toj iwoye Biblia hopkhilak tʼachʼot namehen toj nen kajyaja mʼak toj nehi ifwalapej?
Hop Biblia hiwʼen namhohen nʼofwonyajay toj is. Ichufwenej wichi toj lewʼet lheley ihi hopkhilak matche toj lekajyaj ihi. Hate ichufwen namejen toj nen kajyaja lhachumet wet toj natatayhla toj nayʼenhen. Toj alechufwenejpej mʼayhay toj ihi papelna, lehanhiyeja mʼayhay toj ihi Biblia toj yiwtejla mʼayhay toj alechufwenej wet wujpe iyhaj mʼayhay. Toj malhyejtso kalelhajila tʼat amho toj «nilhokej Nʼolesaynhay tä ihi Lehi [...] tʼuhawetej» che lechumyenlhi (2 Timoteo 3:16).
Hop publicacionna itihiyejtʼa kanhi hop Biblia. Mat tachʼotla ame hopkhilak alechufwenej. Hop toj tamenej toj olhamel onityen amej che leyahyen nilhokej versículos toj talho Biblia toj ihi hop nʼochufwenyajay toj ihi publicacionna wet leyiwtaynejla mʼak toj am alechufwenej.
NATʼAYHETTSHI TOJ NALECHUFWENEJ
Lhek natetshan chi malhyej (ep hote) toj Biblia tachʼote pʼante iyhaj wichi, atsi mʼak toj iwoyek nawoye hopkhilak nen kajyaja toj nayahyen wet atsi mʼak toj tamenej toj matche toj is che iche elh toj tachʼot namehen.
3. Hop Biblia iwoyek inuhyen namkwehen lhanʼayij
Hop Biblia malhyej iwoye mʼak toj matche toj isi toj iwoyek ihutunche lhanʼayij. Iwoyek nachumyenlhi hopkhilak natshupyene mʼayhay toj isen toj nawohiyela wet hopkhilak nahanej mʼak toj tatay alhoho.
Yahyen Salmo 119:105, wet ame mʼayhayna:
-
¿Atsi letichunhayaj toj itiyej pʼante hop Biblia nʼoelh toj ilesayen salmo?
-
Wet am, ¿atsi atichunhayaj toj letiyej hop Biblia?
4. Biblia nichulho lhayʼatshanhay
Iche pʼante atsinha toj nilhokpe toj Biblia nichulho nʼoyʼatshanhay toj yen lelhakliya wujpe nekchomis. Yahin VIDEO wet ame mʼayhayna:
-
¿Atsi nʼoyʼatshanhay toj yen letichunhayaja atshina toj ihi video?
-
¿Chi malhyej (Ep hote) toj tachʼote pʼante lham toj lhaichufwenej Biblia?
Biblia tʼalh namehen che nenlhi nʼoyʼatshanhay. Yahyen Mateo 7:7 wet ame mʼayhayna:
-
¿Ha lefwetaj Biblia iwoyek nichulho iyhaj hayʼatshanhay? ¿Atsi hayʼatshanhay?
5. Am iwoyek lhen akajyaja toj leyahyen hop Biblia
Wujpe wichi ihumin toj iyahyen Biblia wet lhahiʼisyenej. Yahin VIDEO wet ame mʼayhayna:
-
¿Atsi letichunhayaj toj itiyej lewhay toj iyahyen papel at che hope hop mamses wet lhutshay toj ihi video?
-
¿Atsi mʼak toj tamenej toj wʼenha lhamej letichunhayaj toj itiyej toj iyahyen Biblia?
Hop Biblia ifwel namhohen nʼochufwenyajay toj iti namejen lhakhajyhayaj wet hiwʼen namhohen lhaniwhayaj. Yahyen Romanos 15:4 wet ame mʼayhayna:
-
¿Ha lehuminchek tʼaytshi toj lehanej hop mʼak toj Biblia yomeje lhakhajyhayaj wet lhaniwhayaj?
6. Iwoyek natafwelche Biblia che iche nʼoelh toj tachʼot namehen
Tej toj iwoyek tajlhamet am toj leyahyen hop Biblia, wujpe wichi isej toj iche nʼoelh toj tachʼote lewhay toj lhaichufwenej. Yahyen Apóstoles Lhenhay 8:26-31 wet ame mʼayhayna:
-
¿Atsi toj tachʼotla namehen toj natafwelche Biblia? (Tetshan versículos 30 wet 31).
Hop Etiopía lhele iwatla pʼante che iche nʼoelh toj tachʼote hopkhilak itafwelche Nʼolesaynhay toj itetshan. Ifwalasna wujpe wichi isej toj iche nʼoelh toj tachʼote lewhay toj lhaichufwenej Biblia.
IYHAJ WICHI YOME TOJA: «Toj olhaichufwenej Biblia laha ihihitʼa».
-
¿Atsi mʼak toj hope atichunhayaj? ¿Atsi mʼak toj tamenej?
MʼAYHAY TOJ LETETSHANNE
Hop Biblia yome nʼofwonyajay toj yiwtejla mʼayhay toj nawoye ifwalapej, nichulho nʼoyʼatshanhay toj matche toj laha ihi, hiwʼen namhohen lhakhajyhayaj wet lhaniwhayaj.
Mʼayhay toj nalechufwenejne
-
¿Atsi nʼofwonyajay toj nawʼen toj ihi Biblia?
-
¿Atsi iyhaj nʼoyʼatshanhay toj Biblia nichulho?
-
¿Atsi mʼak toj lehuminchek alechufwenej toj ihi Biblia?
IWOYEK LEWʼEN IYHAJ MʼAYHAY:
Tetshan mʼak toj tamenej toj nʼofwonyajay toj ihi Biblia hope mʼayhay toj iwoyek wichi isej ifwalasna.
«Nʼohanyaj toj ihi Biblia, tachʼot namehen pajlaʼtha tiyajʼattsiy» (La Atalaya, núm. 1 2018)
Yahin chi malhyej (ep hote) toj Biblia tachʼote pʼante hinʼu toj talhe toj hanʼafwaj tatayhla letichunhayajay.
Mʼak toj tamenej toj is mʼak toj oihi wet okajyaj ihi (2:54)
Iwoyek lewʼen nʼofwonyajay toj ihi Biblia toj iwoyek hawʼet lheley matche toj isej hopkhilak lekajyaj ihi.
«12 nʼofwonyajay hopkhilak wichi toj lewʼet lheley ihi lekajyaj ihi» (¡Despertad!, núm. 2 2018)
Tetshan chi malhyej (ep hote) toj Biblia ikalelhat mʼak toj wʼenha lhamej toj wichi yomeje atsi nʼoelh toj niyatej honhat.
¿Atsi mʼak toj tamenej toj is che nalechufwenej Dios Lhomtes? (imalhewek) (3:13)
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
