NʼOCHUFWENYAJ 04
¿Atsi toj hope Dios?
Talhe tʼat toj wichi ichehen toj lhamel nʼokwiyej wujpe dioses wet diosas. Mat Biblia yome toj iche Dios toj «inuʼpe dios lhayis iyhäj» (2 Crónicas 2:5). ¿Atsi elh toj hope? Wet, ¿atsi mʼak toj tamenej toj inuʼpe dios lhayis iyhaj toj wichi nʼokwiyej? Toj ihi nʼochufwenyajna lehanhiyeja toj Dios tʼuhlak letafwelej lham.
1. ¿Chi malhyej (Ep hote) Dios lhey, wet atsi mʼak toj tamenej toj nahanej toj lham tʼuhlak natafwelej lhey?
Dios ichumyenlhi Biblia, hopkhilak wichi ihanej elh toj hope: «Olham ohope Heowa. Hop tajtso olhey» (Isaías 42:5, 8, La Biblia. Traducción del Nuevo Mundo [NWT]). Lheyna «Heowa» talhe hebreo lhomtes, toj wichi toj ihan mʼakej, yome toj hope tʼat toj «lham hopkhila nʼoelh toj ikalhi toj yam matche mʼak toj iwatlak iwoye». Heowa tʼuhlak natafwelej lhey (Éxodo 3:15, NWT). ¿Chi malhyej (Ep hote) toj nahanej tajtso? Hop toj lham inityenej wichi toj itihi Biblia hop lhey toj inuʼpe 7.000 veces. a «Dios, Niyat tä ihi pule wet ihonhatena», lhey hope Heowa (Deuteronomio 4:39).
2. ¿Atsi mʼak toj Biblia yomeje Heowa?
Biblia yome toj nilhokej dioses toj wichi nʼokwiyej, Heowa hope tefwajni Dios toj matche. ¿Atsi mʼak toj tamenej? Iche wujpe mʼayhay toj tamenej. Heowa hope elh toj lenʼohyaj inuʼpe iyhaj, «nʼowujtaj toj iʼpe nilhok honhat» (Salmo 83:18, NWT). Lham hope elh toj «najit letunfwaya», wet nʼolhometna yome toj lham lekhajyhayaj ihi, toj ikalhi toj iwoye nilhokej mʼayhay toj tʼuhlak iwoye. Lham hope elh toj «[lh]enek nilhokej mʼayhay» toj ihi pele wet honhat (Apocalipsis 4:8, 11). Hate, Heowa hope tefwajni Dios toj iche wet ihichetʼala ifwala che yʼil (Salmo 90:2).
NATʼAYHETTSHI TOJ NALECHUFWENEJ
Natetshan mʼak toj tamenej toj nʼolheyis iyhaj toj wichi ichumyenlhi toj iwo lheya Dios hatehitʼa iwoye lhey, lhey toj tajlhamet lham toj hiwʼen. Hate nahanhiyeja lenʼayhay toj lham itafwnhat namejen hop lhey wet mʼak toj tamenej toj tʼuhlak natafwelej lhey.
3. Dios hiwʼen wujpe títulos, mat tefwajni lhey
Hopkhilak lehanej toj títulos toj nʼoelh hiwʼen hatehitʼa iwoye hop lhey, yahin VIDEO wet ame mʼayhayna:
-
¿Atsi mʼak toj tamenej toj nʼolhey hatehitʼa iwoye hop título, malhyej toja iwuk?
Hop Biblia yome toj wujpe wichi nʼokwiyej hop dioses wet nʼowuhuy. Yahyen Salmo 136:1-3 wet ame mʼayhayna:
-
¿Atsi elh toj hope «Dios tä matche» wet «Nʼowuk tä matche»?
4. Heowa tʼuhlak letafwelej lhey wet lechumyenlhi
¿Atsi mʼak toj tamenej toj Heowa tʼuhlak am letafwelej hop lhey? Yahin VIDEO wet ame mʼayhayna:
-
¿Ha am lematitche toj Heowa tʼuhlak nʼotafwelej lhey? ¿Atsi mʼak toj tamenej?
Heowa tʼuhlak wichi ichumyenlhi hop lhey. Biblia yok: «Nilhokej lhamel toj tʼanchʼoye Heowa, tafwayhihena» (Romanos 10:13, NWT). Ame mʼayhayna:
-
¿Atsi mʼak toj tamenej toj laha ihi toj nʼochumyenlhi Dios lhey, Heowa?
-
¿Atsi mʼak toj lelate che iche nʼoelh toj ichumyenlhi ey?
-
Che lechumyenlhi Heowa lhey, ¿atsi mʼak toj ilathiyela?
5. Heowa tʼuhlak am lhen akalayʼiya
Atsinha toj talhe Camboya, toj lhey Soten, yome toj nʼotafwelej hop Dios lhey hope mʼak toj matche toj isilataj toj iwoyek nʼoelh ihi. Yahin VIDEO wet ame mʼayhayna:
-
Malhyej toj ihi video, ¿chi malhyej (ep hote) toj yʼaje Soten toj itafwelej Dios lhey?
Che nʼoelh tʼuhlak yen lakalayʼiya elh, toj ichun is che itafwelej hop lhey. Yahyen Santiago 4:8a wet ame mʼayhayna:
-
¿Atsi mʼak toj Heowa ihuminchek am lewoye?
-
¿Ha am lefwetaj toj, che letafwelej wet lechumyenlhi Dios lhey iwoyek tachʼot ame toj lhamwhaye hop lham? ¿Atsi mʼak toj tamenej?
IYHAJ WICHI YOME TOJA: «Iche tefwajni Dios, laha ihihitʼa che nachumyenlhi lhey».
-
¿Ha am lematitche toj Dios lhey hope Heowa?
-
¿Atsi mʼak toj lekalelhthihola hop aiyhay toj Dios tʼuhlak nʼochumyenlhi lhey?
MʼAYHAY TOJ LETETSHANNE
Iche tefwajni Dios toj matche toj lhey Heowa. Lham tʼuhlak natafwelej nʼolheytso wet nachumyelhi hopkhilak nahopehen lakalayʼi.
Mʼayhay toj nalechufwenejne
-
¿Atsi mʼak toj tamenej toj dioses iyhaj toj wichi nʼokwiyej hatehitʼa iwoye Heowa?
-
¿Atsi mʼak toj tamenej toj is che nachumyenlhi Dios lhey?
-
¿Chi malhyej (Ep hote) toj am lehanej toj Heowa tʼuhlak lhen akalayʼiya?
IWOYEK LEWʼEN IYHAJ MʼAYHAY:
Tetshan cinco mʼayhay toj inʼalit toj Dios iche.
Tetshan mʼak toj tamenej toj tʼuhawetej toj nen tichunhayaja toj Dios iche tʼat.
«¿Atsi elh toj yenlhi Dios?» (La Atalaya, 1 toj agosto toj 2014)
Yahin mʼak toj tamenej toj is che nachumyenlhi Dios lhey tej toj nahanhiyejtʼa hebreo lhomet.
¿Ha laha ihi chi malhyej (ep hote) toj nawo lheya Dios? Yahin mʼak toj tamenej toj name toj Dios hiwʼen tefwajni lhey.
«¿Chihatefwas (Ep hote toj ihi) lheyis toj Dios hiwʼen?» (Nʼochufwenyaj toj ihi jw.org)
a Toj ihi apéndice A4 toj ihi La Biblia. Traducción del Nuevo Mundo lewʼenla iyhaj mʼayhay toj hope Dios lhey wet mʼayhay toj tamenej toj iche Biblias iyhaj toj nʼotayhat lheytso.
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
