NʼOCHUFWENYAJ 07
¿Chi malhyej (Ep hote) Heowa?
Lewhay toj lhen atichunhayaja Heowa, ¿chi malhyej (ep hote) toj lefwetaj hope? ¿Lelate toj hope mʼak toj iwoyek leseltej mat lhayʼe lhip toj atofwehla malhyej iwoye katetsel toj ikapha toj atofwehla? ¿Wok letichunla toj hope mʼak toj matche toj takhajay mat hiwʼenhitʼa lakeyis, malhyej iwoye pelhay? ¿Atsi mʼak toj lhamya toj hope Heowa? Toj ihi lhomtes, hop Biblia, Heowa inʼalit iyhaj lakeyis wet hate inʼalit toj yen lelhakliya am.
1. ¿Atsi mʼak toj tamenej toj iwohiyetʼak nawʼen Dios?
«Dios häpe Espíritu» (Juan 4:24). Heowa hiwʼenhitʼa tʼisan wet lhiley. Lham hope espíritu toj ihi pele, lhip toj hate iwohiyetʼak nawʼen.
2. ¿Atsi lakeyis iyhaj toj Heowa hiwʼen?
Tej toj namel nawʼenhitʼa Heowa, lewhay toj namel natafwelej, inityen namejen toj nahumin hop toj lham hope elh toj matche toj hiwʼen lakeyis toj matche toj isis. Biblia yok: «Lhawuk ihumin mʼak tä is alhoho wet iwomhitʼa laka wichi» (Salmo 37:28). Hate lham «ihanej tä hipʼaltsenhen wichi», wichi toj matche toj ihi tʼat lepʼaltseyaj (Santiago 5:11). «Häp wichi tä lehusey nitkhajaya wet wuj tä nilhakʼal lhamche, Lhawuk tek atofwehlä lhamel wet ifwayhthen» (Salmo 34:18). Wet, ¿ha lehanej toj talhe mʼayhay toj nawoye iwoyek nawo kajyaja Heowa wok nawo fwitajayaja? Hop nʼoelh toj tatshupiye mʼayhay toj iwoye toj niʼisa iwoyek ilhaklitlhi Heowa wet iwo lelatseka lehusek (Salmo 78:40, 41). Mat nʼoelh toj iwoye mʼak toj is, matche tʼat toj Heowa iwoyek kajejlhi (yahyen Proverbios 27:11).
3. ¿Chi malhyej (Ep hote) toj Heowa iti namejen lehumnhayaj?
Heowa lakey toj matche toj laha ihi hope tʼat nʼohumnhayaj. Matche «Dios häpe tʼat nʼohumnhayaj» (1 Juan 4:8). Heowa inʼalit namejen lehumnhayaj toj ichumyenlhi hop Biblia wet lhayʼe mʼayhay toj lham yenlhi pʼante (yahyen Apóstoles Lhenhay 14:17). Tichunejlhi lenʼayij toj lham yenlhi pʼante namel. Hiwʼen pʼante namhohen toj iwoyek nawʼen hop mʼayhay toj matche toj isis, toj nen kajyaja nʼotenkay wet nʼolhak toj matche toj akaj. Lham tʼuhlak nen kajyaja toj nechehen.
NATʼAYHETTSHI TOJ NALECHUFWENEJ
Natetshan atsi mʼak toj Heowa ichumyenlhi hopkhilak iwoye mʼayhay toj iwoyek naseltej. Wet toj paj natetshanla atsi mʼak toj iwoye hopkhilak inʼalit lakeyis toj matche toj isis.
4. Espíritu toj nʼotʼamajchet: nʼokhajyhayaj toj talhe Dios toj lham ichumyenlhi
Namel nachumyenlhi lhakwey toj nachumwetha, wet Heowa ichumyenlhi laka espíritu toj tʼamajchet. Biblia inʼalthitʼa che espíritu toj nʼotʼamajchet hope nʼoelh, mat inʼalit toj hope nʼokhajyhayaj toj Dios ichumyenlhi hopkhilak iwoye nilhokej mʼayhay. Yahyen Lucas 11:13 wet Apóstoles Lhenhay 2:17 wet ame mʼayhayna:
-
Dios itshaylaʼpe laka espíritu toj nʼotʼamajchet hop wichi toj tʼalhchʼoye. Toj malhyejtso, ¿ha am lhen atichunhayaja toj espíritu toj nʼotʼamajchet hope nʼoelh, wok tajlhamet hope Dios lakhajyhayaj toj lham ichumyenlhi? ¿Atsi mʼak toj tamenej toj malhyejtso atichunhayaj?
Heowa ichumyenlhi laka espíritu toj nʼotʼamajchet hopkhilak iwoye mʼayhay toj iwoyek naseltej toj nawʼen. Yahyen Salmo 33:6 wet 2 Pedro 1:20, 21 wet ame mʼayhayna:
-
¿Chi malhyej (Ep hote) toj Heowa ichumyenlhi pʼante laka espíritu toj nʼotʼamajchet?
5. Heowa hiwʼen nʼokeyis toj nahuminchek natafwelej
Moisés tʼifwtiyej pʼante Dios toj tachumhoplhi. Tej toj malhyejtso, lham tʼupʼantehlak tʼaytshi toj itafwelej nʼoelh toj yenlhi nilhokej mʼayhay. Hop toj tamenej toj lham yopʼantek: «Fwel nʼoho mʼak tä lewohiyela häpkhilek otʼekha ame» (Éxodo 33:13). Heowa ichulho pʼante wet ifwenho tʼat iyhaj lakeyis. Yahyen Éxodo 34:4-6 wet ame mʼayhayna:
-
¿Atsi pʼante iyhaj Heowa lakeyis toj lham ifwenho hop Moisés?
-
¿Atsi Heowa lakeyis toj am lehuminchek letafwelej?
6. Heowa yen lhakliya wichi
Hebreo lhayis, Dios laka wichi toj pajche, hopehen pʼante Egipto lakwenkay. ¿Chi malhyej (Ep hote) pʼante Heowa lewhay toj hiwʼen laka wichi toj ihi letelaythayaj? Chʼahuye hop AUDIO wet hanlhi toj nʼoyahyen, wok tajlhamet yahyen Éxodo 3:1-10. Che paj ame mʼayhayna:
-
¿Atsi mʼak toj ichufwen amej lewhay toj Heowa hiwʼen toj laka wichi ihi letelaythayaj? (Tetshan versículos 7 wet 8).
-
¿Ha letʼekhaye toj Heowa tʼuhlak tachʼote wichi? ¿Ha letʼekhaye toj Lham iwoyek iwoye tajtso? ¿Atsi mʼak toj tamenej toj atichunhayaj malhyejtso?
7. Mʼayhay toj iche toj iʼpe Honhat inʼalit namejen Heowa lakeyis
Mʼayhay toj Heowa yenlhi pʼante ichufwen namejen lakeyis. Yahin VIDEO. Che paj yahyen Romanos 1:20 wet ame mʼayhayna:
-
¿Atsi Heowa lakeyis toj am lewʼen toj ihi mʼayhay toj yenlhi pʼante?
IYHAJ WICHI YOME TOJA: «Dios hope nʼokhajyhayaj toj ihi nilhokej lhipey, hopkhitʼa nʼoelh toj iwoyek nʼotafwelej».
-
¿Atsi mʼak toj am atichunhayaj?
-
¿Atsi mʼak toj tamenej toj atichunhayaj malhyejtso?
MʼAYHAY TOJ LETETSHANNE
Heowa hope espíritu wet hop toj tamenej toj iwohiyetʼak nawʼen. Hiwʼen nʼokeyis toj matche toj isis toj nahuminchek natafwelej, wet elh toj matche toj laha ihi hope nʼohumnhayaj.
Mʼayhay toj nalechufwenejne
-
¿Atsi mʼak toj tamenej toj iwohiyetʼak nawʼen Heowa?
-
¿Atsi toj hope espíritu toj nʼotʼamajchet?
-
¿Atsi iyhaj Heowa lakeyis toj lham hiwʼen?
IWOYEK LEWʼEN IYHAJ MʼAYHAY:
Tʼayhettshi toj letafwelej Heowa toj letetshan tʼat cuatro lakeyis toj matche toj laha ihi.
Tetshan mʼayhay toj inʼalit toj Heowa ihihitʼa nilhokej lhipey.
«¿Ha Dios ihi tʼat nilhokej lhipey?» (Nʼochufwenyaj toj ihi jw.org)
Tetshan atsi mʼak toj tamenej toj Biblia yome toj espíritu toj nʼotʼamajchet malhyej iwoye Dios «lakweyey».
«¿Atsi mʼak toj hope espíritu toj nʼotʼamajchet?» (Nʼochufwenyaj toj ihi jw.org)
Hinʼu toj asnam atha pʼante toj tʼekhaye che Dios yen lelhakliya lham. Tetshan mʼak toj tamenej pʼante toj iwo elha letichunhayaj.
«Athana olate toj iwoyek ochʼote iyhaj wichi» (La Atalaya, 1 toj octubre toj 2015)
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
