NʼOCHUFWENYAJ 09
Nʼotʼalhyaj ihan ame Dios
¿Ha lelatpej ame toj tumho ahusek toj ichepej lewatlak nʼonuhyen amkwe hanʼayij? ¿Ha lewʼen nʼoyʼatshanhay toj laha ihi toj nʼochulhihotʼa? ¿Ha lewatlak che nʼokhajyen am? ¿Ha lehuminchek lhayʼe lhip toj lhamwhaye hop Heowa? Hop nʼotʼalhyaj iwoyek tachʼot ame toj lewʼen mʼayhaytso. Mat, ¿chi malhyej (ep hote) toj is che nʼoelh iwo tʼalhyaja? ¿Ha Dios tachʼahuye nilhokej nʼotʼalhyajay? ¿Chi malhyej (Ep hote) toj iwoyek lekalelhat toj Dios tachʼahuye nʼotʼalhyajay toj am lewoye? Natetshan.
1. ¿Atsi nʼoelh toj is che nawo tʼalhyajaye? ¿Atsi mʼayhay toj iwoyek name che nawo tʼalhyaja?
Jesús ichufwen namejen toj tajlhamet is che nawo tʼalhyajaye Lhajcha toj ikapha. Jesús iwopej tʼalhyajaye hop Heowa. Iche lewhay toj yok: «Amel chik lewoyay alhyaja, oyaykwe: Dios tä olhamel Ojcha tä lhe puleye...» (Mateo 6:9). Che nawo tʼalhyajaye Heowa lhayʼenla lhip toj naise hop lham.
Toj nawo tʼalhyaja iwoyek name mʼak at che hope. Mat, kalelhaj, che nawatlak Dios nichulho lhatʼalhyaj, iwohiyetʼa che natʼalhe mʼak toj tatayhla lenechʼethayaj. Hop Biblia yok: «Chik yʼatʼalheje mʼayek tä yiwetej lham lenechʼethayaj, lham tachʼahu nʼamehen» (1 Juan 5:14). Jesús ifwel namhohen mʼayhay toj iwoyek nakatla che nawo tʼalhyaja (yahyen Mateo 6:9-13). Hate toj nafwenho Dios mʼak toj inamejen, isitʼak napʼethatla toj nawʼenho gracias lham mʼak toj iwoyej namejen wet hate natʼalhe che tachʼote wichi iyhaj.
2. ¿Chi malhyej (Ep hote) toj is che nawo tʼalhyaja?
Hop Biblia ifwel namhohen toja: «Mälhtejwek ahusey tä letʼalhe, tsi häpe nʼamel lhaletnhawet» (Salmo 62:8). Toj malhyejtso mʼak toj name is che talho tʼat lhahusek. Lewhay toj natahuyej Heowa is che nanʼalit toj nawujyen. Iwoyek natachepha, lhakamchetey ihi honhat wok nakasten toj nawo tʼalhyajaye lham. Iwoyek nam aytaji lhapak wok kha. Hate iwoyek nawo tʼalhyaja ifwala at che hope wok lhip at che nehi.
3. ¿Chi malhyej (Ep hote) toj Dios nichulho lhatʼalhyajay?
Wujpe lenʼayhay toj iwoye tajtso. Ichumyenlhi Lhomet hop Biblia, toj nichulho lhayʼatshanhay. Hop Dios Lhomtes iwoyek «iwo lehanyaja häp elh tä nhana mʼakej» (Salmo 19:7; yahyen Santiago 1:5). Wet che nawʼen lhawitʼayhyajay Heowa iwoyek hiwʼen namhohen lhatamsek. Hate iwoyek ichumyenlhi lakawos hopkhilak tachʼot namehen che nawatla lechʼotyaj.
NATʼAYHETTSHI TOJ NALECHUFWENEJ
Natetshan chi malhyej (ep hote) toj iwoyek nenlhi nʼotʼalhyajay toj talho lhahusek toj Dios ihumin wet chi malhyej (ep hote) toj nʼotʼalhyajay iwoyek tachʼot namehen.
4. Iche mʼayhay toj is che nawoye toj nawo tʼalhyajaye hop Dios
¿Atsi mʼak toj talhe hopkhilak Dios nichulho lhatʼalhyajay wok kha? Yahin VIDEO.
Heowa tataye che tajlhamet lham toj nawo tʼalhyajaye. Yahyen Salmo 65:2 wet ame mʼayhayna:
-
¿Ha lematitche toj Dios, toj tachʼahuye nilhokej nʼotʼalhyajay, tʼuhlak am toj lewo tʼalhyajaye lham? ¿Atsi mʼak toj tamenej toj malhyejtso atichunhayaj?
Che natʼuhlak Dios tachʼahuye tʼat lhatʼalhyajay is che nalhaikhajyenej toj natchʼahuye tʼat hop Lhomtes. Yahyen Miqueas 3:4 wet 1 Pedro 3:12, wet ame mʼayhayna:
-
¿Chi malhyej (Ep hote) toj iwoyek nakalelhat namhohen toj Dios tachʼahuye tʼat lhatʼalhyajay?
Iwoyek iche nʼokaʼtshayajwos toj lhaiwaklhathen hopkhilak tatayhla iyhaj wet tʼalhe Dios hopkhilak ikalhi nʼokaʼtshayajtso. ¿Iwoyek namatitche toj Dios ichulhohla nʼotʼalhyajaytso?
5. Lhatʼalhyajay is che talho tʼat lhahusek
Wujpe wichi nʼochufwenej toj is che yachajopej lhomtes toj iwo tʼalhyaja hopkhilak imalhehi lhetek. Mat, ¿ha hope tajtso nʼotʼalhyajay toj Dios ihuminchek nʼowoye? Yahyen Mateo 6:7 wet ame mʼayhayna:
-
¿Atsi mʼak toj is che nawoye hopkhilak natenhitʼa wichi toj «yachajlhaho lhämtes tä iwoye» toj iwo tʼalhyaja?
¿Iwoyek lhen atichunhayaja mʼak toj isilataj toj lhehi ifwalapej wet toj paj lewʼenho gracias hop Heowa? Che lewoye tajtso tefwajpejnhi semana, lewʼenla toj lhomhiyela siete mʼayhay toj wʼenhahiche toj lewo tʼalhyaja.
Nʼojcha toj is tataye che lhos ifwenho mʼak toj talho lehusek wet yam matche. Heowa hate tataye che lhatʼalhyajay talho tʼat lhahusek.
6. Nʼotʼalhyaj hope nʼowʼayhat toj talhe Dios
¿Chi malhyej (Ep hote) toj nʼotʼalhyaj iwoyek ikhajyen namel che nehi lhawitʼay toj atha? Yahin VIDEO.
Hop Biblia ifwel namhohen toj nʼotʼalhyaj iwoyek hiwʼen namhohen lhatamsek. Yahyen Filipenses 4:6, 7 wet ame mʼayhayna:
-
Tej toj nʼotʼalhyaj tatayhitʼa nʼowitʼay che nehi, ¿chi malhyej (ep hote) toj tachʼot namehen?
-
¿Atsi mʼak toj lehuminchek lhome chik lewo tʼalhyaja?
Tetshan lhipna
Nʼolhometna amén hope tʼat toj yok: «is che malhyejtso» wok «matche tʼat». Talhe lewhayis toj pajche toj nʼoyok «amén» toj tafwaytshi toj nʼoelh iwo tʼalhyaja (1 Crónicas 16:36).
7. Ukwe lewhay hopkhilak lewo tʼalhyaja
Ichepej toj nawoye wujpe mʼayhay wet napʼethatla toj nawo tʼalhyaja. ¿Ha Jesús ihumin pʼante toj iwo tʼalhyaja? Yahyen Mateo 14:23 wet Marcos 1:35, wet ame mʼayhayna:
-
¿Chi malhyej (Ep hote) toj Jesús ikalhi toj hiwʼen lewhay hopkhilak iwo tʼalhyaja?
-
Wet am, ¿atsi lhip toj letalhthi lewhay hopkhilak iwoyek lewo tʼalhyaja?
IYHAJ WICHI YOME TOJA: «Hop nʼotʼalhyaj iso amej lewhay toj lewʼen, ihichetʼa elh che tachʼahu ame».
-
Wet am, ¿chi malhyej (ep hote) atichunhayaj?
MʼAYHAY TOJ LETETSHANNE
Hop nʼotʼalhyajay toj talho lhahusek ihan namwhaye Dios. Hate hiwʼen namhohen lhatamsek wet lhakhajyhayaj toj nawatla hopkhilak nawoye mʼak toj Heowa tʼalh namejen che nawoye.
Mʼayhay toj nalechufwenejne
-
¿Atsi elh toj is che nawo tʼalhyajaye?
-
¿Chi malhyej (Ep hote) toj is che nawo tʼalhyaja?
-
¿Chi malhyej (Ep hote) toj nʼotʼalhyaj tachʼot namehen?
IWOYEK LEWʼEN IYHAJ MʼAYHAY:
Tetshan nʼoyʼatshanhay lechulhyajay toj wujpe wichi yenlhi toj talhejla nʼotʼalhyaj.
«Siete nʼoyʼatshanhay toj yomeje nʼotʼalhyaj» (La Atalaya, 1 toj octubre toj 2010)
Yahyen mʼak toj tamenej toj laha ihi toj lewo tʼalhyaja wet chi malhyej (ep hote) toj iwoyek lham is toj lewo tʼalhyaja.
«¿Atsi mʼak toj tamenej toj nʼoelh is che nʼowo tʼalhyaja?» (Nʼochufwenyaj toj ihi jw.org)
Tetshan mʼak toj Biblia yome, atsi nʼoelh toj is che nawo tʼalhyajaye.
«¿Ha is, che nʼoelh iwo tʼalhyajaye hop nʼocheyalis?» (Nʼochufwenyaj toj ihi jw.org)
Yahin video musical che is che ihi lhip toj tʼuhawetej wok lewhay toj nʼoelh is che iwo tʼalhyaja.
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
