NʼOCHUFWENYAJ 17
¿Chi malhyej (Ep hote) Jesús?
Toj lhekchufwi toj alechufwenej mʼak toj Jesús iwoye wet yome lewhay toj ihi Honhat, natafwelej lakeyis iyhaj toj ihan namwhaye hop lham wet Lajcha Heowa. ¿Atsi lakey iyhaj toj matche toj lehumin? Wet, ¿atsi mʼak toj is che nawoye hopkhilak nahate iwoye Jesús?
1. ¿Chi malhyej (Ep hote) toj Jesús hate iwoye Lajcha?
Jesús ihi pʼante pele miles wet millones nekchomis, itetshan tʼat mʼak toj Lajcha toj humnhatsaj iwoye wet tʼuhlak iten tajtso. Hop toj tamenej toj iten mʼak toj Lajcha yen tichunhayaja, mʼak toj ilate wet mʼak toj iwoye (yahyen Juan 5:19). Jesús inʼalit tʼat Lajcha lakey wet yome toja toj yok: «Elh tä hiwʼennʼo hiwʼen tʼat Ojcha» (Juan 14:9). Toj malhyejtso, che am lhayʼe lhip toj letafwelej Jesús letafwnhiyeja hop Heowa. Malhyej toja, nʼopʼaltsenyaj toj Jesús itiyej pʼante wichi, inʼalit mʼak toj Heowa iti amej.
2. ¿Chi malhyej (Ep hote) pʼante toj Jesús inʼalit toj ihumin Lajcha?
Jesús yopʼantekwe: «Häpkhilek wichi ihanej tä ohumin Ojcha wet owoye mʼak tä neʼtek owoye» (Juan 14:31). Lewhay toj ihi pʼante Honhat, Jesús inʼaltej nʼohumnhayaj toj matche hop Lajcha toj tachʼahuye, tej toj ichepej toj atha mʼak toj iyej lham. Hate, Jesús ihumin pʼante toj yomejlhi Lajcha wet tachʼote iyhaj hopkhilak lhayen hopeya Dios lakalayʼis (Juan 14:23).
3. ¿Chi malhyej (Ep hote) toj Jesús inʼalit toj ihumin wichi?
Hop Biblia yome toj Jesús wuj toj kajejlhi wichi toj iʼpe Honhat (Proverbios 8:31). Inʼalit nʼohumnhayajtso lewhay toj ikhajyen, tachʼote wichi wet itahiyetʼa toj wichi iwo haya mʼak toj lham iwoye. Lewhay toj yenlhi nʼotetnhay toj wichi iseltejen tsʼilakhitʼa toj inʼalit lakhajyhayaj, hate inʼalit pʼante lepʼaltsenyaj (Marcos 1:40-42). Wuj pʼante toj humnhatsaj wet hiwʼawlhatcha wichi, lhomtes wuj pʼante toj ikhajyen wet hiwʼenho leniwhayaj nilhokej wichi toj lehusey ihi toj tachʼahuye pʼante lham. Hate Jesús wuj pʼante toj ihumin nilhokej wichi hop toj tamenej toj itelaytej wujpe mʼayhay toj niʼisa toj nʼotiyej lham wet yʼilpe wichi. Mat lhayʼe lhip toj ihumnhen hop wichi toj tachʼahuye lechufwenyajay (yahyen Juan 15:13, 14).
NATʼAYHETTSHI TOJ NALECHUFWENEJ
Nekchufwi toj lhayʼe lhip toj natafwelej Jesús lakeyis wet natetshan chi malhyej (ep hote) toj iwoyek natenla lehumnhayaj wet toj lham nahiyejtʼa mʼak.
4. Jesús ihumin Lajcha
Mʼak toj Jesús iwoye pʼante ichufwen namejen chi malhyej (ep hote) toj iwoyek nanʼaltej lhahumnhayaj Dios. Yahyen Lucas 6:12 wet hate Juan 15:10 wet 17:26. Che paj toj leyahyen textos ame mʼayhayna:
-
Toj natetshan mʼak toj Jesús iwoye pʼante, ¿chi malhyej (ep hote) toj iwoyek nanʼaltej lhahumnhayaj hop Heowa?
Jesús inʼalit toj ihumin pʼante Lajcha wet iwopej tʼalhyajaye lham.
5. Jesús lhayʼe lhip toj yen lelhakliya wichi toj matche toj iwatla mʼak
Jesús matche pʼante toj yen lelhakliya iyhaj toj iwatla mʼayek inuhatpe mʼak toj lham iwatla. Malhyej toja, lewhay toj lham yʼel pʼante ichumyenlhi lewhay toj hiwʼen wet lakhajyhayaj hopkhilak tachʼote iyhaj. Yahyen Marcos 6:30-44 wet ame mʼayhayna:
-
Malhyej toj texto yome, ¿atsi mʼayhay toj Jesús iwoye toj inʼalit toj yen lelhakliya iyhaj? (Tetshan versículos 31, 34, 41 wet 42).
-
¿Atsi mʼak toj tamenej toj Jesús tachʼote wichitso? (Tetshan versículo 34)
-
Toj Jesús inʼalit Lajcha lakey, ¿atsi mʼak toj ichufwen amej nilhokej mʼayhayna toj talhe Heowa?
-
¿Chi malhyej (Ep hote) toj iwoyek nen lhalhakliya lhaiyhaj malhyej toj Jesús iwoye pʼante?
6. Jesús hope pʼante elh toj nahiyejtʼa mʼak
Jesús hope pʼante elh toj nahiyejtʼa mʼak tej toj wujitʼa mʼayhay toj hiwʼen, wet tʼalh namehen che namel hate naten lham. Yahyen Apóstoles Lhenhay 20:35 wet ame mʼayhayna:
-
Malhyej toj Jesús yome, ¿atsi mʼak toj is che nawoye hopkhilak lhakajyaj ihi?
Yahin VIDEO wet ame mʼayhayna:
-
¿Chi malhyej (Ep hote) toj iwoyek nawʼenho iyhaj mʼayek tej toj nawʼenhitʼa wujpe mʼayhay?
Tetshan lhipna
Biblia yome toj lhatʼalhyajay is che natayhte Heowa nachumyenlhi Jesús lhey (yahyen Juan 16:23, 24). Che nawoye tajtso nanʼalit toj matche toj laha ihi mʼak toj Jesús iwoye pʼante toj tachʼot namehen hopkhilak nahopehen Heowa lakalayʼis.
IYHAJ WICHI YOME TOJA: «Dios yelhat namehen hop toj tamenej toj nehi lhatelaythayajay».
-
Malhyej toj Jesús inʼalit Heowa lakey, ¿chi malhyej (ep hote) toj inʼalit toj Heowa tamenhiyejtʼa toj nehi lhatelaythayaj?
MʼAYHAY TOJ LETETSHANNE
Jesús ihumin Heowa wet hate wichi. Malhyej toj Jesús hate iwoye Lajcha, che lhayʼe lhip toj natafwelej Jesús, lhayʼehila lhip toj natafwelej Heowa.
Mʼayhay toj nalechufwenejne
-
Toj natetshan mʼak toj Jesús iwoye pʼante, ¿chi malhyej (ep hote) toj iwoyek nanʼalit toj nahumin Heowa?
-
Toj natetshan mʼak toj Jesús iwoye pʼante, ¿chi malhyej (ep hote) toj iwoyek nanʼalit toj nahumnhen wichi?
-
¿Atsi Jesús lakey toj lhayʼe lhip toj lehumin?
IWOYEK LEWʼEN IYHAJ MʼAYHAY:
Yahyen mʼak toj Jesús iwoye pʼante toj iwoyek naten.
«Naten Jesús laka ejemplo» (Jesús: el camino, la verdad y la vida, lewʼole 317)
Tafwelej mʼak toj tamenej toj laha ihi Jesús lhey toj lewo tʼalhyaja.
«¿Atsi mʼak toj tamenej toj is che nakatla Jesús lhey?» (La Atalaya, 1 toj febrero toj 2008)
¿Ha Biblia yome chi malhyej (ep hote) pʼante Jesús tʼisan?
«¿Chi malhyej (Ep hote) pʼante Jesús tʼisan?» (Nʼochufwenyaj toj ihi jw.org)
¿Atsi mʼak toj nahanej toj Jesús iwoyeje hop atsinhay?
«Dios yenhitʼa wʼet mʼayeka wet iwujyen atsinhay» (La Atalaya, 1 toj septiembre toj 2012)
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
