NʼOCHUFWENYAJ 18
Mʼak toj cristianos toj matchehen iwoye
Millones wet millones wichi yome toj hopehen cristianos, mat nilhokej wʼenhahiche lakeyis wet mʼak toj tʼekhaye hatehitʼa iwoye elh. Toj malhyejtso, ¿chi malhyej (ep hote) toj iwoyek natafwelej cristianos toj matchehen?
1. ¿Chi malhyej (Ep hote) cristiano toj matche?
Hop cristianos hopehen nʼochufwenyajwos wok iyhaj toj ihanlhi Jesucristo (yahyen Apóstoles Lhenhay 11:26). ¿Chi malhyej (Ep hote) toj inʼalit toj matche toj ihanlhi? Jesús yopʼantekwe: «Che amel letujlhayache tä lewoye olhämet, ahäpkhihena ochufwenkay tä matche» (Juan 8:31). Toja yome toj cristianos toj matchehen is che tachʼahuye Jesús lechufwenyajay. Cristianos toj matchehen tʼekhaye wet ichumyenlhi mʼak toj ihi Biblia, malhyej toj Jesús iwoye pʼante (yahyen Lucas 24:27).
2. ¿Chi malhyej (Ep hote) toj inʼalit lehumnhayaj cristianos toj matchehen?
Jesús ifwenho pʼante lechufwenkay toja: «Humnhen aiyhäj hätet iwoye tä olham oaihumnhen» (Juan 15:12). ¿Chi malhyej (Ep hote) toj Jesús inʼalit pʼante toj ihumnhen lechufwenkay? Itiyej kanhi pʼante mʼak toj iwoye, ikhajyen, tachʼote wet hate yʼilpe lhamel (1 Juan 3:16). Malhyej Jesús, cristianos toj matchehen tsʼilakhitʼa toj yome nʼohumnhayaj; hate inʼaltej lehumnhayaj iyhaj isej lhomtes wet mʼak toj iwoye.
3. ¿Atsi lechumet toj lhamya toj hiwʼen cristianos toj matchehen?
«Mäh wo silätayej wichi Dios Niyatyaj» toja hope nʼochumet toj Jesús hinʼayej pʼante lechufwenkay (Lucas 9:2). Hop cristianos toj ichun tsʼilakhitʼa pʼante toj iwo lhometa toj ihi lhip toj nʼohuseywʼetes, hate iwo pʼante lhometa toj ihi lhipey iyhaj toj wichi ihi wet wichi lewʼetes (yahyen Apóstoles Lhenhay 5:42; 17:17). Ifwalasna cristianos toj matchehen hate yome nʼochufwenyajay toj ihi Biblia lhip at che wichi ihi. Hop toj ihumnhen wichi, itiyej kanhi mʼak toj iwoye hopkhilak ikhajyen wichi wet hiwʼenho leniwhayaj toj ihi Biblia (Marcos 12:31).
NATʼAYHETTSHI TOJ NALECHUFWENEJ
Natetshan chi malhyej (ep hote) toj cristianos toj matchehen hatehitʼa iwoye wichi iyhaj toj ihanlhihitʼa mʼak toj Jesús ichufwenej pʼante wichi wet mʼak toj iwoye.
4. Tʼukwe mʼak toj matche toj ihi Biblia
Hop cristianos toj ichun ihanej toj laha ihi Dios Lhomet.
Nilhokhiyejtʼa wichi toj yome toj hopehen cristianos yen tichunhayaja toj mʼayhay toj ihi Biblia laha ihi tʼat. Yahin VIDEO wet ame mʼayhayna:
-
¿Atsi mʼak toj iwoyehen pʼante Iglesias iyhaj toj yome toj hopehen cristianas toj inuhla toj wichi itafwelej Jesús lechufwenyajay?
Jesús ichufwenej pʼante wichi mʼak toj matche toj talho Dios Lhomet. Yahyen Juan 18:37 wet ame mʼayhayna:
-
Malhyej toj Jesús yome pʼante, ¿chi malhyej (ep hote) toj iwoyek nʼotafwelej cristianos «tä ihumin mʼak tä matche»?
5. Iwo lhometa toj yome mʼak toj matche toj talho Biblia
Hop cristianos toj ichun iwo pʼante lhometa.
Toj Jesús kamaj ihohitʼa kapha, hinʼayej lechufwenkay nʼochumet toj ifwalasna kamaj iwoye tajtso. Yahyen Mateo 28:19, 20 wet Apóstoles Lhenhay 1:8 wet ame mʼayhayna:
-
¿Atsi lhip toj is che nichate wet chifwajte (ep hote toj ihi) toj is che iwo lhometa?
6. Iwoye tʼat mʼak toj ichufwenej wichi
¿Atsi mʼak toj tamenej toj hinʼu toj lhey Tom ikachuhitʼa toj nilhoke religión toj matche? Yahin VIDEO wet ame mʼayhayna:
-
Malhyej toj ihi video, ¿atsi mʼak toj tamenej toj Tom ihuminhitʼa mʼak toj religiones iwoye?
-
¿Atsi mʼak toj tamenej toj Tom ikachuhitʼa pʼante toj nilhoke mʼak toj matche?
Che nʼoelh yome toj ihanlhi Jesús is che inʼalit toj mʼak toj iwoye hope tʼat mʼak toj ichufwenej wichi. Yahyen Mateo 7:21 wet ame mʼayhayna:
-
Malhyej toj Jesús yome, ¿atsi mʼak toj tamenej toj tajlhamhiyetʼa toj is che name toj nahopehen iyhaj toj ihanlhi lham?
7. Inʼalit lhamejen lehumnhayaj
Hop cristianos toj ichun ihumnhen iyhaj.
¿Ha cristianos toj matchehen lhaiwomʼpe hop lepunfwas? Yahin VIDEO wet ame mʼayhayna:
-
¿Atsi mʼak toj tamenej toj ipunfwa Lloyd lhaiwomʼpe hop lepunfwa Johansson?
-
¿Ha inʼalit toj hope cristiano toj matche?
Yahyen Juan 13:34, 35 wet ame mʼayhayna:
-
¿Chi malhyej (Ep hote) toj is che iwoyeje wichi toj wʼenhahiche laka raza wok lhip toj talhe, Jesús lechufwenkay wok cristianos toj matchehen?
-
¿Chi malhyej (ep hote) toj ikalhihla tajtso lewhay toj iche nʼokaʼtshayaj?
IYHAJ WICHI YOME TOJA: «Nilhokej cristianos nʼokwiyej tʼat Dios, mʼak talhiyetʼa Iglesia che ihi».
-
¿Atsi texto toj leyahyenla hopkhilak lekalelhat atsi iyhaj toj hopehen cristianos toj matchehen?
MʼAYHAY TOJ LETETSHANNE
Hop cristianos toj matchehen ihanlhi nʼochufwenyajay toj ihi Biblia, lhaiwomʼpe iyhaj isej tʼat nʼohumnhayaj wet iwo silota mʼak toj matche toj talho Biblia.
Mʼayhay toj nalechufwenejne
-
¿Atsi lhip toj italhtho mʼak toj tʼekhaye cristianos toj matchehen?
-
¿Atsi lakey toj inʼalit iyhaj toj hopehen cristianos toj matchehen?
-
¿Wet atsi lechumet toj iwoyehen?
IWOYEK LEWʼEN IYHAJ MʼAYHAY:
Tafwelej wichi toj lhaikhajyenej toj ihanlhi mʼak toj Jesús iwoye pʼante wet mʼak toj ichufwenej.
Yahyen chi malhyej (ep hote) pʼante toj atsinha toj hope pʼante monja nilhoke «lewʼet lheley toj matche».
«Nichulho nilhokej oyʼatshanhay toj ihane Biblia» (La Atalaya, 1 toj abril toj 2014)
Yahin chi malhyej (ep hote) toj cristianos toj matchehen inʼaltej lehumnhayaj lepunfwas lewhay toj iwatla lechʼotyaj.
Olhamel ochʼote opunfwas lewhay toj ihi mʼak toj aytaj (lhip) (3:57)
Jesús itafwnhatej pʼante atsi iyhaj toj ihanlhi lham. Tetshan chi malhyej (ep hote) toj yiwite hop cristianos toj ichunhen wet cristianos toj iche ifwalasna.
«¿Atsi mʼak toj iwoye cristianos toj matchehen?» (La Atalaya, 1 toj marzo toj 2012)
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
